Пирĕн пултарулăх - Каталог статей - Нестер Янкас ячĕллĕ пĕрлĕх

ÇУРАЛНă ЯЛ/"Ачасен пултарулăхĕ" конкурса

Эп çуралнă ял вăл - Красноармейски,

Пур сăлтавĕ мухтанмашкăн ман:

Иртет ачалăх çулĕ çакăнта,

Тăвансемĕр çунатланнă çак ялта.

Мăнаçланса ларать кунта ман пÿрт,

Урамĕсем хитре те пит çап-çут.

Тасалăхпа чуна манне çĕклет,

Чĕре манăн уншăн хĕпĕртет.

Ман çуралнă ял, савнă ял,

Эс тухатăн куç умне ялан.

Санпа тусăм хĕпĕртет саркаланса,

Кăкăрне çапать вăл хаваспа.

Стас Илларионов, Красноармейски 2-мĕш шкулĕ, 5-а класс

Ертÿçи - Михайлов В.М.

Ман анне - вĕрентекен/"Ачасен пултарулăхĕ" конкурса

Ман анне – вĕрентекен,

Иккĕмĕш шкулта ĕçлет.

Тăрăшуллă та ĕçчен –

Физкультура вĕрентет.

Физкультура предметне

Ача-пăча юратать,

Кашниех хăй сывлăхне

Çирĕплетме тăрăшать.

Анне манăн – ырă çын,

Ăнланать те пулăшать,

Кашни вĕренекенех

Хăй ачи пек кăмăллать.

Ăмăртусене кайсан

Çĕнтерттерме тăрăшать.

Çĕнтерÿпе таврăнсан

Анне питĕ савăнать.

Ÿнăн ĕçĕ çăмăл мар,

Çавах ăна килĕшет.

Сикме, чупма, выляма…

Сывлăхлă пулма хистет.

Ман анне – вĕрентекен,

Питĕ кирлĕ ĕç тăвать.

Кашни шкул пĕтерекен

Ырăпа çеç асăнать.

Аня Васильева, 7а класс,

Красноармейски иккĕмĕш шкулĕ,

«Кăмăл» вĕренÿ пĕрлешĕвĕ

Ертÿçи – Михайлова З.П.

Пĕрремĕш учитель/"Ачасен пултарулăхĕ" конкурса

Пĕрремĕш учитель

Хисеплĕ, хаваслă.

Юратнă учитель

Ĕçчен те сăпайлă.

Пĕрремĕш учитель

Пит тăрăшуллă.

Юратнă учитель

Çирĕп вăй-халлă.

Пĕрремĕш учитель

Пире кăмăллать.

Юратнă учитель

Куллен ăс парать.

Пĕрремĕш учитель

Пире ыр сунать.

Юратнă учитель

Пиртен çын тăвать.

Пĕрремĕш учитель,

Унран хакли çук.

Юратнă учитель,

Сире манас çук.

Екатерина Семенова, 9б класс,

Красноармейски иккĕмĕш шкулĕ,

«Кăмăл» вĕренÿ пĕрлешĕвĕ

Ертÿçи – Михайлова З.П.

Пĕлÿ – ĕмĕрлĕхе/"Ачасен пултарулăхĕ" конкурса

Хама вĕрентнĕ ыр çынна

Эп нихăçан та манас çук.

Вăл манăн иккĕмĕш анне –

Ман чĕререн вăл тухас çук.

Асрах-ха чи пирвайхи кун:

Учитель, класс, чечек çыххи.

Иртсе пырать халь кунран кун,

Шкул вăл маншăн ăс пуххи.

Кунта ман çывăх юлташсем,

Класс ертÿçи те тантăшсем,

Юратнă вĕрентекенсем –

Пире ыр çын тăвакансем.

Пурне те тав тăвас килет,

Ыр сăмахсем калас килет.

Шкул пурнăçĕ асра юлать.

Пĕлÿ ĕмĕрлĕхе пулать.

Полина Андрианова, 9б класс,

Красноармейски иккĕмĕш шкулĕ,

«Кăмăл» вĕренÿ пĕрлешĕвĕ

Ертÿçи – Михайлова З.П.

Учитель сăнарĕ/"Ачасен пултарулăхĕ" конкурса

Учитель вĕрентет пире,

Класа кĕрет кашни ирех.

Йăл кулă ун пичĕ çинче,

Хавхалану ун чĕринче.

Тирпейлĕ çипуçпа çÿрет,

Кĕлеткине тăп-тăп тытать,

Илемлĕ калаçма пĕлет,

Пур ыйтăва та хуравлать.

Куçпа пăхни те, çÿçĕ те,

Утти те, ĕçĕ-хĕлĕ те –

Йăлтах илемлĕ те хитре,

Учитель сăнĕ – чĕрере.

Оксана Журавлева, 7б класс,

Красноармейски иккĕмĕш шкулĕ,

«Кăмăл» вĕренÿ пĕрлешĕвĕ

Ертÿçи – Михайлова З.П.