Ҫавран-ҫавран, каҫса кайса,
Шӑратнӑ шӑпчӑк юррине.
Хура курак, ӑна чарса.
Ҫапла тиркенӗ кӗввине:

"Юрру-кӗввӳ янравлӑ мар.
Игле, верен манран: карр! карр!
Туймаҫҫӗ-ши талантӑма —
Санах мухтаҫҫӗ, мана мар".

Каланӑ шӑпчӑк ӑнмана:
"Илеймӗн турӑ памана.
Карр! Карр! тени вӑл юрӑ мар,
Ан пӳл мана, карма ҫӑвар".

Авалтанпах ҫын ӗмӗтленнӗ
Вӗҫмешкӗн ҫӑлтӑрсем патне.
Паян чунсем епле сӗкленнӗ
Ӗмӗт килнишӗн куҫ умне.

КӗрлетҪӗр-шыв, шавлать тӗнчемӗр—
Чӑваш сас пачӗ космосран!
Мухтав ӗҫӳшӗн ӗмӗрӗмӗр,
Тавах, тӑванӑм, Андриян!

Сана паллаҫҫӗ халь таҫта та,
Калаҫҫӗ: "Ав маттур чӑваш!"
Аван-ха ку. Пӗлет планета:
Чӑваш вӑл—аптраман тавраш.
1962 ҫ.

Шӑнкӑр-шӑнкӑр Шетмӗ теҫҫӗ, 
Тек ҫыраҫҫӗ сӑвӑсем.
Шӑнкӑрсассӑмра илтмеҫҫӗ
Манӑн упкеве вӗсем.

Мӗншӗн-ха мана ҫын манчӗ?
Ма эп ӗҫсӗр шӑнкӑрти?
Кунашкал ят-сумсӑр марччӗ —
Астӑватӑн пуль, ватти?

Мӗн чул ҫын шьвра чухеннӗ,
Ярӑннӑ хур-кăвакал,
Ҫыранпа хумсем пупленӗ,
Хум яма юлмарӗ хал.

Ҫӑвӗн-хӗлӗн хӑнтӑртатнӑ
Ман вӑйпа улт-ҫич арман.
Тырӑ авӑртнӑ, ҫӑм тапнӑ—
Эп ахаль шӑнкӑртатман.

Эп ҫӗкпенӗ нӳрӗ варкӑш,
Сывлӑм шӑрҫисем акса.
Авӑтнӑ каҫ-ирӗн карӑш,
Пурҫӑн улӑха савса.

Шетмӗ — ГЭС тени пӗр хушӑ
Ҫутатсаччӗ Васнара.
(Тӑрӑшнӑ пӗр вырӑс уншӑн,
Ял усрать ятне асра).

Халӑх! Ӳпкеве илтсемӗр,
Пулӑшсамӑр: ҫӗкленем!
Яманак ял-йышӗн евӗр
Пулччӑр ҫирӗп пӗвесем.

Пулӑсем сиксе выляччӑр,
Тулӑхланччӑр улӑхсем.
Ырлӑхӑм ҫинчен ҫуралччӑр
Ҫĕнӗ сӑвӑ-юрӑсем.

Эс лаштраран, симпыллӑран 
Сана лартатпӑр ӗмӗртен.
Ҫӗр-аннене те эс упран
Шыв-шурпала ишӗлесрен.

Санпа, йăмра, ҫырма-ҫатра
Вӑрман пек лартӑр кашласа.
Ҫӑл куҫ вӑй илтӗр сулхӑнра,
Палкатӑр, юхтӑр юрласа.