Тăвайкки умра та — хăпарса çитмен,
Майĕпен утсассăн вăй çитермелле,
Лăпкăн çак тăвайккине çĕнтермелле.
Икĕ самана, ик тĕрлĕ — ан тирке,
Йышăнах çакна, ку пулмалли йĕрке:
Çамрăк чух çĕнсе илен ту тăррине,
Ватлăхра, мехел тупса, — тăвайккине.

* * *
Уй хапхинчен çул пуçланать,
Уй урлă каçрăн — тепĕр уй...
Хĕвел тухать, хĕвел анать,
Кун иртнине сисмерĕн пуль?
Уй хыççăн уй... Тата мĕн чул?..
Тухаяс çук вĕçне-хĕрне.
Кун хыççăн кун, çул хыççăн çул...
Сисмерĕн ĕмĕр иртнине.