|
Пайра миçе материал: 538
Пурĕ миçе материал кăтартнă: 481-485 | Страницăсем: « 1 2 ... 95 96 97 98 99 ... 107 108 » |
|
Мӑнаҫлӑн юхать сарлака, тулӑх Атӑл.
Хумсем илсе килнĕ салам инҫетрен.
Вуншар халӑхпа ӗмӗр туслӑ пурнатӑн,
Эс туслӑх Ҫӗршывӗ, Тӑван Чӑваш ен.
Ӗҫчен халӑха ҫӗн кунпа саламланӑн
Тухать йӑлкӑшса сар хӗвел ирсерен.
Таса тӳпери ҫут хӗвел пек ҫунатӑн
Телейлӗ кунҫулшӑн, Тӑван Чӑваш ен.
Садсем ҫурӑлсан янӑрать уҫӑ саслӑн
Маттур ҫамрӑксен юррисем шуҫӑмччен.
Ҫӗр-пин юрӑпа кӑмӑла йӑлататӑн,
Эс хӑв ҫепӗҫ юрӑ, Тӑван Чӑваш ен.
Инҫет ҫӗрсене эп ҫитсе курнӑҫемӗн
Вӗри чунӑмпа туйса илтӗм хитрен,
Ҫуралнӑ Ҫӗршыв, эсӗ пурнӑҫ илемӗ,
Санпах ӗмӗр пулӑп, Тӑван Чӑваш ен.
|
|
Хаклӑран та хаклӑ эс, аннеҫӗм,
Халӗ эп инҫе-инҫе санран.
Тунсӑхлать, ҫунать вӗри чӗреҫӗм:
Куҫа-куҫӑн тӗл пуласчӗ ман.
Юнашар манпа ялан тӑратӑн.
Куҫ умне тухать йӑваш куллу.
Ырлӑх-сывлӑх та телей сунатӑи,
Асăмрах тӑрать сан ҫут сӑну.
Çырупа çеç çыхăну тытатăн –
Ҫепӗҫ сӑмахсем чӗрӳ тулли.
Пурнӑҫра хӑват парса тӑратӑн –
Нимӗн те шел мар хӗрӳ валли.
Тусӑмсем! Ак мӗн сире калатӑп:
Аннӗре ан манӑр нихӑҫаи.
Юратма та упрама ыйтатӑп:
Пурнӑҫ .лайӑх, аннесем пулсан!
|
Вăрçă тени пулмасть-çке çухатусăр,
Вилнисене йĕрлевçĕсем шыраççĕ…
Таврăннисем те: е чăлах, е сусăр –
Ветерансем сахаллансах пыраççĕ.
Сыв юлнисем те халь хĕрÿ хевтесĕр,
Вăй-халĕсем кунсеренех ыраççĕ…
Пур пеккине ялан хисеплĕр эсĕр –
Ветерансем сахаллансах пыраççĕ.
Уяв çитсен, вĕсем çавах хаваслă,
Ват салтаксем те сухалне хыраççĕ…
Вĕсен сăмахĕ пирĕншĕн чăн аслă –
Ветерансем сахаллансах пыраççĕ.
Тепре чухне аса килет-ши яшлăх;
Вăййа тухма çĕн çăпата сыраççĕ…
Анчах хăйĕн ĕçнех тăвать-мĕн ватлăх –
Ветерансем сахаллансах пыраççĕ.
Пуçран тухмасть пуль ĕлĕкхи ĕçченлĕх:
Кирлех пулсан – каллех тырă выраççĕ…
Питех те шел, нумайăшĕн пĕчченлĕх,
Ветерансем сахаллансах пыраççĕ.
Манса пĕрин ятне те ан хăварăр,
Вĕсем çинчен ĕмĕрĕпех çыраççĕ…
Кирек хăçан çул парăр, вырăн парăр –
Ветерансем сахаллансах пыраççĕ.
|
|
Вăрçă асапне кашниех пĕлет,
Вăл – кашни этем чунĕнче…
Ветерансене саламлас килет
Аслă Çĕнтерÿ кунĕнче!
Вăрçă тенине кашниех сивлет,
Вăл – кашни ăру юнĕнче…
Ветерансене ыталас килет
Аслă Çĕнтерÿ кунĕнче!
Паттăрсен ĕçне халăх ас илет,
Ячĕсем – чĕре çумĕнче…
Ветерансене юратас килет
Аслă Çĕнтерÿ кунĕнче!
Пирĕншĕн пĕрмай пултăрччĕ тивлет,
Пурăнар-ха çын шутĕнче…
Ветерансене тав тăвас килет
Аслă Çĕнтерÿ кунĕнче!
Шанчăк юлашки самантра вилет,
Хаклă пирĕншĕн çутă тĕнче…
Ветерансемпе савăнас килет
Аслă Çĕнтерÿ кунĕнче!
Çĕршыв яланах телейне пиллет,
Парăмлă – вĕсен умĕнче…
Ветерансемпе мухтанас килет
Аслă Çĕнтерÿ кунĕнче!
|
Ешĕл улăхăн илемĕ Капăр тумлă чечексем. Татăттăм,- сире иленнĕ Сывлăм пĕрчисем. Ģăлтăр евĕр çуталатăр
Куçăмран сапса хĕлхем.
Чĕрĕлĕх шывне сапатăр,
Сывлăм пĕрчисем. Сирĕнтен хитри мĕн пур-ши?
Аллăма сире илем.
Сирĕнтен таси мĕн пур-ши?
Сывлăм пĕрчисем. |
|
|
| Статистика |
Кунта халĕ: 1 Хăнасем 1 Юзерсем 0 |
!--
|
