Уйăх, çăлтăр куллипе
Сурхури лăпкать чуна.
Шухă пурнăç çунипе
Ыткăнатăп эп — хăна.

Йăлтăр-йăлтăр шурă юр
Пĕр çунать, йĕплет куçран.
Шартламан асамлăх пур,
Чĕпĕтет вăл хăлхаран.

Улталаймăн пурнăçа.
Аллăмра ман — тилхепе.
Ман кун-çулăм — хам хуçа,
Сурхури, телей пилле.

Макар мучи тесе чĕнеттĕм
Ялти чи сумлă ватăна.
Вĕсем патне кайса çÿреттĕм,
Татса параттăм вутă та.

Çурт çумĕнчи илемлĕ сачĕ
Ларатчĕ капăр тумĕпе.
Çуркуннепе — шур шупăрпаччĕ,
Кĕрпе — сăйлатчĕ улмипе.

Сад çуммипе çырма юхатчĕ, —
Илет хăват Çÿреметрен.
Макар мучи мунча хутатчĕ,
Шывне йăтатчĕ пĕверен.

Макар мучин хура мунчаччĕ, —
Пире вăрах вăл кĕттермен.
Кашни эрнеренех хутатчĕ,
Хаклă вутта та хĕрхенмен.

Черечĕпе мунча хутатчĕç,
Вутти-шанкийĕ çитменрен.
Çÿремете вутта çÿретчĕç —
Каç пулттипе е ирсерен.

Нимĕç вăрçи асаплантарчĕ,
Нихçан тухмасть вăл чĕререн.
Макар мучин мунча хăвачĕ
Çăлса хăварчĕ инкекрен.

Тавах, мучи, хисеплĕ ватă,
Сана илеймĕн ытама.
Хушăмăрта эс çук пулсан та,
Çырса хуратăп сан ятна.

Пĕчченех пурăнать пĕр хĕрарăм
Унччен пулнă сысна ферминче.
Вăтăр ик çулта çеç-ха, вăл çамрăк,
Уншăн пур пĕр кичем çут тĕнче.

Хăй ятпе килĕ çук — ăçта кайăн,
Пурăнать кăмакасăр пÿртре.
Пĕр тĕлте шăтса кайнă урайĕ —
Сивĕпе хăйĕн ÿчĕ чĕтрет.

Пĕр хусах арçынпа вăл çыхланнă,
Кунта килнĕ унпа вăл ерсе.
Анчах леш тахçанах ăна маннă,
Пурăнать çак хĕрарăм йĕрсе.

Ялти пуçлăх ăна ĕçе чĕнчĕ,
Кайма хушрĕ ĕне фермине.
Пурăнма унта пур хурал пÿрчĕ, —
Пĕтерет çав ăна ÿркенни.

Пулайман вăл никамăн та кинĕ,
Ачине ÿстерет ют çĕрте.
Хăш чухне ун ăна курас килнĕ,
Каяймасть пăрахса сив пÿрте.

Çире пир йĕм-кĕпе,
Урисенче пушăт çăпата,
Ункă шывĕ хĕррипе
Утнă Ишеке çулла.

Çурăм çинче кушиле:
Ултă-çичĕ кĕнеке,
Çĕр улми унта пĕрле,
Урăх çуккă нимĕн те.

Хĕлĕп тăрăшса в (ĕ)ренет,
Вулать нумай кĕнеке
Хăй шутланă кĕввине
Шăрантарать кĕслепе.

Ишек шкулне пĕтерсен,
Тĕп хулана çул тытать.
Унта вĕренме кĕрсен,
Юрăç пулма вăл шутлать.

Çăмăл пулман вĕренме
Мĕскĕн чăваш ачине,
Хветĕр Павлов в(ĕ)рентнипе
Тупать хăйĕн телейне.

Училище пĕтерсен
Нумай юрă кĕвĕлет.
Çамрăк чăваш хĕрсене
Юр юрлама вĕрентет.

Унăн ĕмĕчĕ — мала,
Вăл талпăнать малалла.
Хăй пĕлĕвне ÿстерме
Унăн татах в(ĕ)ренмелле.

Сывă пул,çуралнă ял,
Хыçа юлать Тури ял.
Атте-анне, сире тав,
Мана кĕтет халь Мускав.

Аслă пиччĕш Левăпа,
Сыв пуллашса ял-йышпа
Çул тытаççĕ Мускава
Шăхран урлă поездпа.

Нумай вăхăт вĕренет,
Дирижер ятне илет.
Чăваш çĕрĕ ăна кĕтет:
Ун умĕнче мăн тивлет.

Нумай юрă вăл çырать,
Сакăр çĕртен ирттерет.
Чăваш халăх тĕлĕнет:
Ăçтан унăн вăй çитет.

Ун илемлĕ юррине
Раççей халăхĕ юрлать.
Хăйĕн паллă ывăлне
Чăваш манмĕ ĕмĕрне.

Аллă çул ытла утатпăр пĕр çулпа,
Пурăнатпăр пĕрле çуралнă ялта.
Ача-пăча ăшшипе ырă курса,
Пĕр-пĕрне пурнăçра сыхласа.

Хĕвел тухнипе автан авăтсан,
Кун йĕрки пуçланать авалтан.
Çăмăл пулман пурнăçра ачаран,
Уншăн эпир ĕçрен хăраман.

Кун иртет те çул иртет, 
Сывлăх пур чух пурăнас килет.
Мăшăрăм, паян сан çуралнă кун,
Çакăн пек чипер курăн ялан.

Пурнăçра чи пахи ачасен сасси,
Вĕсемпе савăнса пĕрле пурнасси.
Чунăм хĕпĕртет, юрă юрлар-и,
Пĕр-пĕрне сывлăх сунар-и?