Юнкун, 06.11.2024, 20:19
Эсир кунта çак ятпа кĕтĕр Хăна | Ушкăн "Хăнасем"

Тĕп страница | Манăн профиль | Тухас

                     Нестĕр Янкас ячĕллĕ пĕрлĕх

                

)?>
Салам кĕтесĕ
500
Тĕп страница » Статьясем » Пирĕн пултарулăх
Пайра миçе материал: 538
Пурĕ миçе материал кăтартнă: 121-125		Страницăсем: « 1 2 ... 23 24 25 26 27 ... 107 108 »
Юр çинчи сукмакăм
Юр çинчи сукмакăм!
Ĕнтĕ мĕн тăвам...
Çакăнта çухалнă
Çепĕç юррăм ман...

Эс ăна курман-и?
Шурă кĕпепе
Вăл иртсе кайсаччĕ
Çакăнтан ирпе.

Ăна хирĕç тухрăм
Тĕл пулас тесе...
Юрĕ тарăн пулчĕ - 
Çитеймерĕм-çке...

Урăх халь ман юрă
Çак сукмак çинче:
Шурă-шурă тумлă
Çуркунне çинчен!
Николай Петров (Мăн Шетмĕ) пултарулăхĕ | Миçе çын пăхнă: 339 | Author: Н.П.Петров | Кам хушнă: mixaj_58 | Хăçан: 03.05.2013 | Рейтинг: 5.0/1 | Комментарисем (0)

Улăхри çăлкуçран юхан шыв пуçланать

Улăхри çăлкуçран юхан шыв пуçланать,
Вăл юхать, сарăлать малалла юхнăçем.
Шăнкăр-шăнкăр сасси таврана вăратать,
Вăй параççĕ ăна ытти пĕчĕк шывсем.
 
Ах! Мăн Шетмĕ! Мăн Шетмĕ!
Юхан шывăм эс ман!
Ах! Мăн Шетмĕ! Мăн Шетмĕ!
Эс васкатăн ялан.
 
Пĕрин хыççăн тепри Шетмĕ тăрăх ялсем
Хăй йăли-йĕркипе ларса тухнă авал.
Ман тымарăм кунта. Кунта – манн тăвансем!
Çавăнпа маншăн хаклă кунти кашни ял.
 
Ах! Мăн Шетмĕ! Мăн Шетмĕ!
Юхан шывăм эс ман!
Ах! Мăн Шетмĕ! Мăн Шетмĕ!
Эсĕ манăн тăван.
 
Шетмĕ шывĕ юхать – Çавалпа пĕрлешет,
Çавалпа пĕрлешсен вăл тухать Атăла.
Çан умра манн çĕршыв! Вĕçсĕр-хĕрсĕр инçет!
Эс юхатăн каллех малалла… Малалла…
 
Ах! Мăн Шетмĕ! Мăн Шетмĕ!
Юхан шывăм эс ман!
Ах! Мăн Шетмĕ! Мăн Шетмĕ!
Тĕнчене эс тухан.
 
Улăхри çăлкуçран юхан шыв пуçланать,
Вăл тулать, сарăлать малалла юхнăçем.
Шăнкăр-шăнкăр сасси таврана саланать,
Вăй параççĕ ăна ытти пĕчĕк шывсем.
 
Ах! Мăн Шетмĕ! Мăн Шетмĕ!
Юхан шывăм эс ман!
Ах! Мăн Шетмĕ! Мăн Шетмĕ!
Çăлкуçна эс ан ман…
Николай Петров (Мăн Шетмĕ) пултарулăхĕ | Миçе çын пăхнă: 302 | Author: Н.П.Петров | Кам хушнă: mixaj_58 | Хăçан: 30.04.2013 | Рейтинг: 5.0/1 | Комментарисем (0)

Кĕр иртет
Кĕр иртет иккен чăнах – 
Ăшă тарчĕ.
Сивĕтет кунран-кунах –
Хĕл çывхарчĕ.
 
Кайăксем те кăнтăра
Вĕçсе кайрĕç.
Çитрĕç пуль хальччен, ара –
Çурран мар вĕт!
 
Йĕпе юр… Хăш чух тĕтре…
Ыран хăшĕ?
Эп ларатăп хăть пÿртре –
Мана ăшă.
 
Сивĕ… Сивĕ урамра.
Çил кĕрлерĕ.
Çулçă вĕçрĕ… Кăнтăра… –
Çитеймерĕ…
 
25.11.95.
Николай Петров (Мăн Шетмĕ) пултарулăхĕ | Миçе çын пăхнă: 301 | Author: Н.П.Петров | Кам хушнă: mixaj_58 | Хăçан: 30.04.2013 | Рейтинг: 5.0/1 | Комментарисем (0)

Тăван кĕтес
Эпир курман-илтмен çĕрсем
Хитре пек туйăнать темме.
Килтен кайсан
Тин ăнланан
Тăван кĕтесĕн тунсăхне.
 
Таçта темскер çухатнă пек
Чĕре ыйтать çине-çинех:
«Илтетĕн-и?
Илтетĕн-и
Тăван кĕтесĕн сассине?»
 
Инçе çĕрсен ытаменчен
Хăпса тухсассăн кил енне
Васкать этем,
Васкать этем
Тăван кĕтесĕн ытамне.
 
Ак ĕнтĕ йăлт куç умĕнче:
Уй-хир, çаран, вăрман-ĕшне…
Пирвайхи пек
Куратăн эс
Тăван кĕтесĕн илемне.
 
Пире татах чĕнен çулсем
Илсе кайсассăн инçене
Эп манас çук,
Эп манас çук
Тăван кĕтесĕн ăшшине.
Николай Петров (Мăн Шетмĕ) пултарулăхĕ | Миçе çын пăхнă: 328 | Author: Н.П.Петров | Кам хушнă: mixaj_58 | Хăçан: 30.04.2013 | Рейтинг: 5.0/1 | Комментарисем (0)

Мăн Шетмĕ
Юхать, юхать Мăн Шетмĕ
Хăй тупнă йĕрĕпе.
Эпир шкула çÿретпĕр
Мăн Шетмĕ хĕррипе.
 
Кĕнекесем вулатпăр,
Шутлатпăр примерсем.
Тетрадь çине çыратпăр
Тăватпăр йăнăшсем.
 
Пĕр çырать «Мĕн Шетмĕ»
Çемçелĕх (ь) паллипе.
Тепри пуçне чикет те
Çырать ăна… пĕрле!
 
А виççĕмĕшĕн, курăр,
Шыв ячĕ пĕчекрен!
Çук, çук! Пăхмастăп урăх,
Çыратăп хам! Пĕччен!
 
Тен… эп те йăнăш çырнă…
Ах! Кам-ши тĕрĕслет…
Вулать… Вулать учитель…
Вулать те… Тĕлĕнет!
 
Эп хам та тĕлĕнетĕп:
Мĕнле вара çапла
Юхать… Юхать Мăн Шетмĕ
Виç тĕрлĕ йăнăшпа?
 
Юхать, юхать Мăн Шетмĕ
Çавна пĕлмесĕрех.
Эпир шкула çÿретпĕр
Мăн Шетмĕ хĕррипех.
Николай Петров (Мăн Шетмĕ) пултарулăхĕ | Миçе çын пăхнă: 321 | Кам хушнă: mixaj_58 | Хăçан: 30.04.2013 | Рейтинг: 5.0/1 | Комментарисем (0)



Кĕмелли форма

Пайри уйрăмсем
Геннадий Юмарт [0]
Николай Карай пултарулăхĕ [96]
Поэзи тата проза
Леонид Антонов пултарулăхĕ [27]
Поэзи
Юрий Сементер пултарулăхĕ [26]
Поэзи
Исмай Исемпек пултарулăхĕ [7]
Николай Ершов-Янкер пултарулăхĕ [28]
Поэзи
Шетмĕ Михали пултарулăхĕ [2]
Николай Петров (Мăн Шетмĕ) пултарулăхĕ [94]
Георгий Тусли пултарулăхĕ [11]
Проза тата публицистика
Гурий Дубров пултарулăхĕ [69]
Николай Ункай пултарулăхĕ [4]
Поэзи
Анатолий Раскай пултарулăхĕ [1]
Юрий Шепилов юррисем [4]
Юрă тексчĕсем
Лука Семенов пултарулăхĕ [7]
Геннадий Сергеев [1]
Кулăш
Валентина Рудникова [13]
Поэзи
Çемен Эреш [1]
Поэзи
Галина Яковлева-Çуткÿл [6]
Поэзи
Зинаида Михайлова-Селиме пултарулăхĕ [4]
Калавсем. Сăвăсем
Галина Макарова пултарулăхĕ [8]
Поэзи
Мария Ильина пултарулăхĕ [1]
Поэзи
Ачасен пултарулăх конкурсĕ [71]
Красноармейски (Трак) районне туса хунăранпа 75 çул тата Нестер Янкас ячĕллĕ пĕрлĕх йĕркеленнĕренпе 20 çул çитнине халалланă литература конкурсĕ
Ача-пăча пултарулăхĕ [49]
Районти пултаруллă ачасен ĕçĕсем
Александра Яковлева, Николай Янгер ячĕллĕ преми лауреачĕ [3]
Виталий Петров юрăçа халалланă сăвăсем [5]
Виталий Петров юрăç çуралнăранпа 60 çул çитнине халалласа ирттернĕ "Улăп-2014" вăйă конкурс материалĕсем

Шырав

Ыйту
Cайта хак парăр
Пурĕ миçе хурав: 88

Баннерсем

null

null

null

chuvash.eu

Пушкăрт чăвашĕсен хаçачĕ


Сайт тусĕсем

Статистика
Кунта халĕ: 1
Хăнасем 1
Юзерсем 0

!--
Copyright © Аксар Чунтупай 2024Сделать бесплатный сайт с uCoz