Пирĕн пултарулăх - Каталог статей - Нестер Янкас ячĕллĕ пĕрлĕх

Мечĕк

Мечĕк ÿкрĕ алăран -

Эп ун хыҫҫӑн.

Meчӗк сикрĕ алăкран -

Эп ун хыҫҫăн.

Meчĕк кусрĕ урама -

Эп ун хыҫҫӑн.

Мечĕк кусрĕ ҫырмана -

Эп ун хыҫҫăн.

Мечĕк кусрĕ пĕвене -

Эп ун хыççăн.

Мечĕк манăн йӗпенет -

Эп ун хыҫҫӑн.

Кун каҫа чупатăп эп

Мечĕк хыҫҫăн!

Ҫук! Ыран пулмасть кун пек:

ВĂЛ - ман хыҫҫӑн!

13.02.1997

Чăваш Ен çинчен хывнă юрă

Çут тĕнче пуриншĕн те вăл ырă!

Пуранатпăр тĕрлĕ халăхсем.

Кашниннех пур савнă çĕр-шывĕ,

Пирĕншĕн - мухтавлă Чăваш ен!

Вăл пире çак пĕр йыша пуçтарнă -

Атăлпа Сăр шывĕ тăрăхне.

Пулнă пирĕн несĕлсем мухтавлă:

Çĕр çинче хăварнă хăй йăхне!

Çав йăха эпир халь тăсаканĕ -

Чăваш енĕн ывăль-хĕрĕсем.

Çĕнĕ Ĕмĕре çул хываканĕн

Пулмаллах мухтавлă ĕçĕсем.

Чăн ĕçре этем кăна телейлĕ!

Ăнланатпăр хамăр тивĕçе:

Пурăнасчĕ пурнăçа йĕркеллĕ,

Кашни кун ĕçлесчĕ çĕр çинче.

Уй-хирте кашлатăр тырă-пулă,

Симĕс тум тумланччăр вăрмансем.

Уявра янратăр вăйă-кулă,

Сывă ÿсчĕр пирĕн ачасем.

Юмахри пек керменсем çĕкленччĕр,

Илем кÿччĕр ял-хуласене.

Çамрăк кĕрĕм юратса пĕрлештĕр,

Хисеплеччĕр хамăр йĕркене.

Çут тĕнче пуриншĕн те вăл ырă!

Пуранатпăр тĕрлĕ халăхсем.

Кашниннех пур савнă çĕр-шывĕ,

Пирĕншĕн - мухтавлă Чăваш ен!

08.02.2000

Герой пулма питĕ те йывăр

Тăван çĕр-шывшăн пынă Аслă вăрçăра паттăррăн пуçне хунă Совет Союзĕн Геройĕ Васильев Владимир Васильевич палăкĕ умĕнче шухăша кайни

Герой пулма питĕ те йывăр!

Герой вăл - чи паттăр салтак!

Чĕри пулмалла унăн тимĕр -

Пултартăр чăтмашкăн йăлтах!

Герой пулма питĕ те йывăр

Тăшман вăйлăрах тăк санран!

"Сыв пул, юратнă çĕр-шывăм!"

Герой нихăçан та чакман!

Герой пулма питĕ те йывăр!

Герой ... вăйлăрах вилĕмрен!

Анчах та, тархасшан. ан тивĕр

Камсем вăл ята илеймен!

Герой пулма питĕ те йывăр!

Çич хут паттăр пул хăвăнтан -

Ăна параканĕ - Çĕр-шывăм!

Ыйтса илейместĕн унран!

Герой пулма питĕ те йывăр!

А камшăн, тен, çăмăл та пуль...

Ун пек тăк - парсан та ан илĕр!

Хăть ĕмĕр наградăсăр пул!

Герой пулма питĕ те йывăр!

Герой пулаймасть кашниех!

"Пуласчĕ!" - тесе тем ан шырăр...

Кам тивĕç - пулать вăл хăех!

Герой пулма питĕ те йывăр!

Чăн-чăн геройла хăть пуç хур...

Васильев - Герой! Лăпкă çывăр.

Манмастпăр сана. Эсĕ пур!

Герой пулма питĕ те йывăр!

Сана, ав, пушшех йывăр, тен...

Герой пулнине хăв, Владимир,

Паян кунчченех пĕлменрен...

Герой пулма питĕ те йывăр!

Герой вăл - мĕн ĕмĕр салтак!

Ун чухлĕ чăтаймĕ, тен, тимĕр -

А сан чăтмалла! Чăтмаллах!

Герой пулма питĕ те йывăр!

Эп халь ... ăнланатăп ăна.

Хушсассăн мана та Çĕр-шывăм...

... Вăрçийĕ ан пултăр кăна.

09.11.2001

ХУТ ÇĔЛEH

Кĕтрĕм-кĕтрĕм пиччене -

Вăл килмерĕ. Пӗчченех

Ăсталарӑм хут ҫӗлен

Эп пичче тетрадĕнчен.

Хут çĕлен! Хут çĕлен!

Эс ҫÿле-çӳле ҫĕкленI

Итлеместĕн тĕк мана

Вĕҫтерместĕп эп сана!

Хут ҫĕлен вӗҫет! Вĕҫет!

Илӗртет ӑна инçет!

Туртăнать вăл ҫÿлеллех!

Ҫав тери тĕлĕнмелле!

Хут çĕлен! Хут çĕлен!

Эc çÿле-ҫӳле çĕклен!

Пиччене курсан... вара

Каялла ан хăвӑртрах!

Ав, атте килет ĕҫрен.

-Кур-ха! Кур-ха! Хут ҫӗлен!

-Хӑвах турăн-и, ачам?

Ну, кăтарт-ха, пахалам.

Хут çĕлен! Хут çĕлен!

Эс татах ҫӳле çĕкленI

Пичче илнĕ "иккӗне"

Кӑтартмастпăр...аттене!

Каҫ пулать хуллен - хуллен

Хуллен9 ывӑнать ман хут çӗлен...

Ав, выртать ҫерем ҫинче...

А килте кĕтет... пичче!

Хут çĕлен... Хут çĕлен...

Эс мана... Ҫук... Ак çилен...

Итлесем мана... Юрать?

Пул каллех... каллех тетрадь...

ЭП САНРАН ХĂРАТĂП...

-Мĕн, хăратăн-и, ачам

Ҫыртасран ҫав йытӑ?

Алла ил те пёр рычак,

Çап ăна эс хытă!

Вăл вара хăех тарать

Каялла пăхмасăр!

Е чулпа пер ҫав мура.

- Ҫук! Паратӑп сахăр!

Ачашлатăп çурăмран

-Вăл хÿре вылятĕ.

Хăрамастăп йытӑран!

Эп... санран хăратăп.