Николай Петров (Мăн Шетмĕ) пултарулăхĕ - Пирĕн пултарулăх - Каталог статей

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Мӑн Шетмӗ шкулӗнче ӗҫленӗ

Сатирик — Сӳпенкке Илли.

Ҫырма ӑна вара пилленӗ

Иван Мучин ҫӑмӑл алли.

Тусĕсемпе — Шавли, Сироткин,

Уяр, Колюшкинпа Нямань –

Тĕл пулнă, ҫырусем ҫÿретнӗ,

Пĕрне-пĕри вĕсем манман!

Сÿпенккене юратнă «Капкăн»

Хăй ачи пек. Мĕн-ма тесен

Пулнах çав хăйне май талантлă

Ун шÿчĕ-фельетонĕсем.

Шкулта та ӑннӑ унӑн ӗҫӗ.

Директор пулнӑ. Тивĕҫпех.

Анчах та шел: ылханлӑ вӑрҫӑ

Татать ҫыравҫӑ пурнӑҫне.

Манман-ха кӑшт астукалаҫҫӗ

Мӑн Шетмӗ шур сухалёсем!

Хӗветёр Уяра. Ҫыравҫӑ,

Синкерлӗ вӑхӑтсем ҫитсен,

Кунта ачасене вӗрентнӗ

Тӑван чӗлхемӗре кӑштах.

Шупашкарта вăл тем тесен те

Ĕҫ тупайман ӗнтӗ, паллах.

Вӑл вӑхӑтра: камсем элекҫӗ —

Ҫавсем ҫеҫ пулнӑ хисепре.

Чӑвашӑн чӑн интеллигенчӗ!

Чӗтре вӗсем умне тӑрсан! Чӗтре!

Ҫук! Ҫук! Вӗсем... хӑйсем чӗтренӗ

Пулнишӗн вӑйсӑр Уяртан!

А вӑл ҫав "ҫынсене"... хӗрхеннӗ,

Пĕр сив сăмах та каламан...

(Малалли пулать).

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Художник Алексей Григорьев -

Профессор пулнă. Четриксем.

Картинăсем ăста ÿкернĕ.

Поэзи чунĕллĕ этем.

Шкултах, Супенккене пула вăл,

Пуçланă сăвăсем çырма.

Ун пулнă псевдоним - "Бывалый"!

Кăшт... çапларах-ши курăнма...

Анчах сăввисене нихçан та

Вăл пичете паман пулас.

Хăй пуçĕпе хăех ăнланнă: '

Поэт пулмашкăн... кирлĕ сас!

Вара вăл каснă урăх алăк

Тăван культурăна кĕме:

Мĕн чуль тĕпчев, статья, каталог...

Никам хаяймĕ тиркеме!

Трофимов Прохор: Çap çыннийĕ.

Полковник. Пулнă вăрçăра.

Ку темăпа вăл мĕн çырнийĕ

Выртман библиотекăра.

Эпир ача чухне: вуланă

Пĕр-пĕринпе ăмăртмалла.

Мĕнле-ха савăннă, мухтаннă

Ун кĕнеки лексен алла!

Вара... вара алран ямасăр,

Çыврас килсея те — çĕрĕпе

«Çÿренĕ" чăлкăм куç хупмасăр

Кĕнекери геройсемпе.

Ирпе ирех, шкула кайсассăн,

Сăмах — çав кĕнеке тавра!

Çапла вĕрентнĕ юратмашкăн

Пире çуралнă çĕр-шыва.

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Редакторччĕ Хисеплĕ Анна

Васильевна. Кушар енчен.

Вăл хăйĕн пурнăçне йăлт панă

Хаçат ĕçне. Ним юлмиччен.

Тракра ĕçлерĕ вăл пĕр хушă,

Каярахпа, ав - Сĕрпуре.

Пĕлместĕп: пулнă-ши ун пушă

Самант хăть хăй валли пĕрре?

Пулман! Пулман тесех калатăп

Ăна эп çывăх пĕлнĕрен.

(Турти кăштах лекет-мĕн-ха та

Мана Çĕньял Шетмĕ енчен).

Ялан - шырав! Ялан - çĕннийĕ!

Мĕн канăва тухичченех!

Вăл пулнă самана сассийĕ!

Алла тăк — хăй вырăнĕнчех!

Учитель-фронтовик Георгцй

Трофимович тесен, эпир —

Шетмĕ енсем — пĕлетпĕр пурте:

Хăварнă вăл çапах та йĕр

Поэзире. "Çырни сахал ун —

Тесе ÿпкелеме пулать.

Анчах вăл... пурăнман кахаллăн!

Ăна кашни савса вулать:

Сăввисене... çу пек шăратнă!

Пиçсе çитмесĕр васкаман

Тÿрех редакцие чупмашкăн!

Çынпа та пулнă вăл аван:

Калаçнă, кулнă е шÿтленĕ,

Анчах та... виçине тытса.

Черкке те, май пулсан, çĕкленĕ

Пире пурне те ыр сунса!

(Малалли пулать).

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Анат Типçырмаран - Леонтий

Семенович. Чăн-чăн этем!

Таçта ун пек çын пур тесен те

Эп ĕненместĕп. Ма тесен

Ун пек учитель, сăвăç, юрăç,

Сăпайлă, кăмăллă чăваш

Тупма май çук. Мĕн чухлĕ ыр eн

Хăварчĕ вăл - чунĕпе яш! —

Ĕçпеле вăрçă ветеранĕ!

Анчах та çав терт-нуша мap

Ун ырăчĕринче упраннă:

Вăл — юрату! Сÿнми кăвар!

Ăна хаçан, мĕнле вут тивнĕ,

Мĕнле пултарнă вăл çунма —

Çавна йăлтах юрра вăл хывнă

Пире валли. Çапла пулма.

Четрик ялнех тепре килер-ха:

Василий. Турккă йăхĕнчен.

Ăна та иртнĕ вăрçă терчĕ

Тÿпкенĕ чунĕ каниччен:

Аманнă икĕ хут. Çĕнтернĕ:

Виç орден! Медальсем, паллах.

Вăл хăйĕн ĕмĕрне ирттернĕ -

Мĕнле цуçланнă - шофертах.

Сăввийĕсем чылай ун пурччĕ,

Эп хам вуланă вĕсене.

Анчах пĕри çеç "Арман пÿрчĕ» -

Тухайрĕ çутă тĕнчене.

Ытгисене... ĕлкĕреймерĕ.

Пичетлемешкĕн вăхăтра...

Поэзире хăварнă йĕрĕ

Çухалмĕ уншăн халăхра.

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Василин шăллĕ пулнă — Петĕр.

Петрович, ашшĕ ячĕпе.

Çырма пуçланă вăл, пĕлетпĕр,

Тур панине хурса тĕпе.

Турри ăна чăнах та панă:

(А вăл памасть пули-пулми!)

Шкул çумĕнчех вăл калăпланă

Поэма – «Якувар çырми».

Унтан – салтак, колхоз ĕçченĕ:

Çÿретнĕ трактор, каярах

Бухгалтера кăштах вĕреннĕ.

Ĕçне пултарнă – Тур çырлах!

Çырма вăл, чарăнса тăман-тăк –

Пĕр-пĕр поэт пулатчĕ, тен…

Анчах… хастарлăхĕ вăраннă

Вăл пенсие тухсассăн тин.

Ун ывăлĕ (паллах, Петрович.

Ятран калас тăк - Николай) -

Хăйне кура... чĕлхеллĕ сăвăç.

Учитель. Пуçлăхра самай

Вăл тĕрлĕ щкулсенче ĕçлерĕ

Пĕр щеллемесĕрех хăйне.

Анчах... поэзипе карьера

Ура хураççĕ пĕр-пĕрне.

Шел, каярах юлса ăнланчĕ

Çавна вăл. (Тен... шăп вăхăтра!)

Начар-и, лайăх-и - халь ĕнтĕ

Поэзи лаççинче, штатра.

Çырать пĕр вĕçĕм, чарăнмасăр,

Хуса çитес пек иртнине...

Хăй хыççăн йыхăрать, кам харсăр,

……………………………………….