Кỹлĕ ялĕ — Кỹлхĕрри Карай:

Питĕ ырă, пурăнма та — рай.

Каласассăн чăвашла сăмах:

Савнă енĕм — чăннипех çăтмах!

Малашне те пирĕн Кỹлхĕрри

Юмахри пек капăр пултăр-и!

Пĕр çемье пекех тăван-пĕтен.

Уявра, ав, авăнать сĕтел...

Хăнана килсен хăта-тăхлач —

Йышпала хитре юрлаç-ташлаç!

Малашне те пирĕн Кỹлхĕрри

Пуринчен те туслă пултăр-и!

Ĕçлĕ халăх эпĕр ĕлĕкрен —

Пурнăçа çĕнетрĕмĕр тĕпрен.

Çавăнпах-ши кулленех туян:

Кĕрекемĕр пуянтан пуян!

Малашне те пирĕн Кỹлхĕрри

Таврара чи чаплă пултăр-и!

Районти вулавăш ĕçченĕсене халалласа

Сахал мар кĕнеке тусĕсем,

Черетре те нумай кĕтекен...

Вулама юратаççĕ вĕсем —

Пурнăçра усси пур кĕнекен!

Вулаканшăн уçах алăксем,

Кулленех паллашма çĕннипе,

Ытларах кăмăллаç çамрăксем —

Тăван килĕ пекех чăннипе.

Килсерен кĕнеке çутипе

Ăнтăлатпăр пĕлỹ тĕнчине.

Тан утатпăр кун-çул уттипе —

Ыр сунатпăр мĕнпур çынсене...

Кĕнеке пире ăс панăран,

Малашне те вулар юратса...

Вăл ан кайтăр нихçан алăран —

Тăтăр çак пурнăçа çутатса!

Вĕçленейсен çурхи аки-сухи,

Епле паха тус-юлташсен куравĕ.

Шавлать паян ентешĕмсен пуххи...

Ку — чăннипех чăваш çыннин уявĕ!

Куç умĕнче халь пирĕн мĕн пурри

Мĕн лайăххи — Тăван çĕршыв мухтавĕ.

Янрать паян ентешĕмсен юрри...

Ку — чăннипех чăваш çыннин уявĕ!

Чун савăнать, тăванăм, акă, туй...

Ĕçчен çынна — Тăван çĕршывăм тавĕ.

Кĕрлет паян хаваслă Акатуй...

Ку — чăннипех чăваш çыннин уявĕ!

Вĕçленейсен çурхи аки-сухи,

Епле паха тус-юлташсен куравĕ.

Шавлать паян ентешĕмсен пуххи...

Ку — чăннипех чăваш çыннин уявĕ!

Куç умĕнче халь пирĕн мĕн пурри

Мĕн лайăххи — Тăван çĕршыв мухтавĕ.

Янрать паян ентешĕмсен юрри...

Ку — чăннипех чăваш çыннин уявĕ!

Чун савăнать, тăванăм, акă, туй...

Ĕçчен çынна — Тăван çĕршывăм тавĕ.

Кĕрлет паян хаваслă Акатуй...

Ку — чăннипех чăваш çыннин уявĕ!

Мĕнпур чăвашсен Тутарстанри Аслă уявне халалласа

Тутар хули — Нурлат,

Кунта чăваш юрлать...

Юрла, тăван, юрла —

Чăвашсене ырла!

Тутар хули — Нурлат,

Юмахри пек курнать...

Ыр сун, тăван, ыр сун

Çапла хушать ыр чун!

Тутар хули — Нурлат,

Малашлăхпа пурнать...

Çĕнел, хула, çĕнел —

Йăл култăр çут хĕвел!

Пултаруллă ентеше — Иван Афанасьевич Прокопьев-Чураль сăвăç-юрăçа, çуралнăранпа 65 çул тултарнă май тата паянхи творчество каçне халалласа.

Тавралăх мамăк пек шап-шурă,

Паян та кăшт çăватчĕ юр...

Иван Чураль хайлать çĕн юрă —

Кĕвĕлеме таланчĕ пур.

Илсе ăсталăхне хăй тĕллĕн,

Тухайрĕ юрă тĕнчине...

Янраç вĕсем пит илĕртỹллĕн —

Савăнтараççĕ çынсене.

Хăех вăл сăвăç, композитор,

Юрлать хăех, купăс калать...

Ĕмĕтленни ун чăн та çиттĕр —

Çапла Трак енĕм халаллать!