Н. ЕРШОВ. районти Нестер Янкас ячёллӗ литературӑпа искусство тата культура пӗрлехӗн хисеплӗ ертӳҫи

Хыпарлать кунçулăн чанĕ
Тепĕр çул иртни çинчен.
Çамрăклăх лашин каçанĕ
Хыçала юлать иккен.

Кивелетпĕр. Çакă шухăш
Сухăр пек хăпмасть манран.
Эсĕ çеç, çавра сар уйăх,
Вĕçĕм çĕнелсе тăран.

Авăт, авăт, путенем,
Сансăр аслă хир кичем.

Эсĕ лăпкăн авăтсан,
Тулă ÿсĕ ярăнса.

Янăравлă сассупа
Паркарах çуллен урпа.

Çепĕç туйăмна кура
Хÿхĕмрех ыраш уйра.

Авăтсамччĕ кăмăлтан,
Эп те савăк санпалан.

Юрлать валак. Ģут шуç витре.
Сар çу – çĕн уйăх – тÿпере.
Кулать савни, шÿтлет савни:
Ģĕн уйăха тытайăн-и?
Мана парне парайăн-и?
Кăмăлăма уçайăн-и?
Юрлать валак. Тулать витре.
Ишет сар уйăх витрере.

Шăнкăрч тусăм килмелле,
Ăсталарăм эп вĕлле.

Улăхрăм тирек çине,
Ģакрăм сар хĕвел питне.

Умĕнче хунав турат,
Шăнкăрч ун çиче ларать.

Лăпкăн çеç çунат сулса
Юрă юрлĕ тав туса.

Шыв юхать , кĕрлет апрель.
Ман вĕлле пушах-ха , шел.

Пулчĕ кăлăхах кĕтни,
Кайрĕ харама шанни.

Сар хĕвеллĕ ирхине
Пăхрăм эп вĕлле çине.

Умĕнче ĕçчен çерçи
Сиккелет, шавлать чим-чим!

Эп хавас, çерçи те кайăк.
Пурăнах, манран çук айăп.