Вĕçленейсен çурхи аки-сухи,

Епле паха тус-юлташсен куравĕ.

Шавлать паян ентешĕмсен пуххи...

Ку — чăннипех чăваш çыннин уявĕ!

Куç умĕнче халь пирĕн мĕн пурри

Мĕн лайăххи — Тăван çĕршыв мухтавĕ.

Янрать паян ентешĕмсен юрри...

Ку — чăннипех чăваш çыннин уявĕ!

Чун савăнать, тăванăм, акă, туй...

Ĕçчен çынна — Тăван çĕршывăм тавĕ.

Кĕрлет паян хаваслă Акатуй...

Ку — чăннипех чăваш çыннин уявĕ!

Вĕçленейсен çурхи аки-сухи,

Епле паха тус-юлташсен куравĕ.

Шавлать паян ентешĕмсен пуххи...

Ку — чăннипех чăваш çыннин уявĕ!

Куç умĕнче халь пирĕн мĕн пурри

Мĕн лайăххи — Тăван çĕршыв мухтавĕ.

Янрать паян ентешĕмсен юрри...

Ку — чăннипех чăваш çыннин уявĕ!

Чун савăнать, тăванăм, акă, туй...

Ĕçчен çынна — Тăван çĕршывăм тавĕ.

Кĕрлет паян хаваслă Акатуй...

Ку — чăннипех чăваш çыннин уявĕ!

Мĕнпур чăвашсен Тутарстанри Аслă уявне халалласа

Тутар хули — Нурлат,

Кунта чăваш юрлать...

Юрла, тăван, юрла —

Чăвашсене ырла!

Тутар хули — Нурлат,

Юмахри пек курнать...

Ыр сун, тăван, ыр сун

Çапла хушать ыр чун!

Тутар хули — Нурлат,

Малашлăхпа пурнать...

Çĕнел, хула, çĕнел —

Йăл култăр çут хĕвел!

Пултаруллă ентеше — Иван Афанасьевич Прокопьев-Чураль сăвăç-юрăçа, çуралнăранпа 65 çул тултарнă май тата паянхи творчество каçне халалласа.

Тавралăх мамăк пек шап-шурă,

Паян та кăшт çăватчĕ юр...

Иван Чураль хайлать çĕн юрă —

Кĕвĕлеме таланчĕ пур.

Илсе ăсталăхне хăй тĕллĕн,

Тухайрĕ юрă тĕнчине...

Янраç вĕсем пит илĕртỹллĕн —

Савăнтараççĕ çынсене.

Хăех вăл сăвăç, композитор,

Юрлать хăех, купăс калать...

Ĕмĕтленни ун чăн та çиттĕр —

Çапла Трак енĕм халаллать!

Кĕçĕн Шетмĕри хăйсен ентешне,Чăваш халăх поэтне — Юрий Сементере хисеплесе пỹлĕм уçнă уяв ячĕпе

Савса ỹстернĕ Кĕçĕн Шетмĕ

Вышкайсăр чаплă çынсене.

Тавралăхпа хитре çĕнетнĕ —

Куратпăр паллă сăнсене.

Çак хутлăх вăл —сăваплă вырăн,

Çавна чун-чĕрепе сисеп.

Ентешсене чыслаççĕ ыррăн,

Тăван кĕтес парни — хисеп.

Паян кунта уçатпăр пỹлĕм—

Сементере сума суса.

Вăл музеех пулать, ав, ỹлĕм,

Хăварăпăр халь — тав туса.

Асрах тытать çуралнă Танăш.

Мухтавлă улăпĕсене.

Тăванлăх туйăмĕ ку — шанăç:

Манса каймаççĕ вĕсене!

Манмастпăр, Виталий Петров, сана,

Манмастпăр эпир юрӑçа.

Пуриншěн те çывăх, ентеш сан ятна

Тытатпăр ир-каç ăна асра.

Эс чаплă юрӑç пулса пурнăçра

Çунтарнă пиншер чěрене.

Юратнă çěр-шывшăн чипер самантра

Тăман хěрхенсе вăй-хална.

Патвар, улăп евěр чăваш ачине,

Мухтатпăр сана сăвăра.

Çак сăвва сан палăку вырăнне

Упратпăр тăван халăхра.

Усраççě ятна Чӑваш ен çыннисем

Ентешě пекех чěрере.

Пуриншěн те хаклă та çутă сăнна

Çухатмěç куçран ěмěрех.