Юнкун, 06.11.2024, 12:18
Эсир кунта çак ятпа кĕтĕр Хăна | Ушкăн "Хăнасем"

Тĕп страница | Манăн профиль | Тухас

                     Нестĕр Янкас ячĕллĕ пĕрлĕх

                

)?>
Салам кĕтесĕ
500
Тĕп страница » Статьясем » Пирĕн пултарулăх
Пайра миçе материал: 538
Пурĕ миçе материал кăтартнă: 81-85		Страницăсем: « 1 2 ... 15 16 17 18 19 ... 107 108 »
Аса ил пире, Раççей
Чечняра пуç хунă салтаксен
чунĕсем пирĕнпе калаçни.

Эс пире вăрçа ăсатрăн...
Каймасан - ВĂЙПА хăратрăн...
Кайсанах... пире пăрахрăн...
Астăватăн-и, Раççей?
Эп вилменччĕ-ха, аттеçĕм!
Эп вилменччĕ-ха, аннеçĕм!
Эп вилменччĕ-ха, савниçĕм!
Çăлаймарăн эс, Раççей...

Халь эпир çĕрте выртатпăр...
Те начар салтак... Те паттăр...
Кам мĕнле шутлать... Шутлаччăр...
Эсĕ те шутла, Раççей!
Аттесем пире кĕтеççĕ...
Аннесем пире кĕтеççĕ...
Савнисем пире кĕтеççĕ...
Эс кĕтетĕн-и, Раççей?

Мĕн тума пире çак вăрçă...
"Кирлĕ!" - текенсем те пур çав!..
Халь пире кăшлать çĕр хурчĕ...
Эх! Раççей! Раççĕй! Раççей...
Аттесем! Тархасшăн чăтăр...
Аннесем! Ытлах ан йĕрĕр...
Савнисем! Пире ан кĕтĕр...
Эпир вилнĕ вĕт, Раççей!

Пурнăç вăл - ытла та ырă!..
Халь пулсассăн... Пурăн! Пурăн...
Ан пуçла эс вăрçă урăх!
Ан пуçла, Раççей! Раççей!
Е çапах... Пуçлас тесессĕн...
Чăнласах пуçлас тесессĕн
Аса ил пире, Раççей...

16.07.1998 ("Ял пурнăçĕ")

Николай Петров (Мăн Шетмĕ) пултарулăхĕ | Миçе çын пăхнă: 305 | Кам хушнă: mixaj_58 | Хăçан: 11.11.2013 | Рейтинг: 5.0/1 | Комментарисем (0)

Вăхăт çитрĕ авланма...
Вăхăт çитрĕ авланма.
Сар хĕрсем! Эсир мĕн-ма
Тухса тарнă-ха ялтан?
Эп чупмастăп хыçалтан!

Тăхтăр... Тăхтăр... Кăшт канам...
Тепĕр виççĕ авланам...
Вара эпĕ те ялтан...
Кам хăвалĕ хыçалтан?
Николай Петров (Мăн Шетмĕ) пултарулăхĕ | Миçе çын пăхнă: 264 | Author: Николай Петров (Мăн Шетмĕ) | Кам хушнă: mixaj_58 | Хăçан: 11.11.2013 | Рейтинг: 5.0/1 | Комментарисем (0)

Хăть кала...
Эс пуласшăн аслă
Аслисемсĕрех.
Эс пуласшăн ăслă
Ăс илмесĕрех.

Эс пуласшăн ятлă
Ним тумасăрах.
Эс пуласшăн чаплă
Палăк лармаллах.

Эс пуласшăн Турă
Ĕненмесĕрех...
Каламастăп урăх...
Хăть кала - пĕрех!
Николай Петров (Мăн Шетмĕ) пултарулăхĕ | Миçе çын пăхнă: 321 | Author: Николай Петров (Мăн Шетмĕ) | Кам хушнă: mixaj_58 | Хăçан: 11.11.2013 | Рейтинг: 5.0/1 | Комментарисем (0)

Çĕнĕ чăлха тăхăнсан
Çĕнĕ чăлха тăхăнсан
Çĕнĕ пушмак кирлĕ.
Çĕнĕ пушмак тăхăнсан
Пурçăн тутăр кирлĕ.

Пурçăн тутăрне çыхсан
Хитре саппун кирлĕ.
Хитре саппунне çаксан
Хитре кĕпе кирлĕ.

Çĕнĕ кĕпе тăхăнсан
Мерчен шăрçа кирлĕ.
Мерчен шăрçине çаксан
Ылтăн çĕрĕ кирлĕ.

Ылтăн çĕрĕ тăхăнсан
Çĕн упăшка кирлĕ.
Çĕнĕ упăшка пулсан
Кивви кама кирлĕ!
Николай Петров (Мăн Шетмĕ) пултарулăхĕ | Миçе çын пăхнă: 288 | Author: Николай Петров (Мăн Шетмĕ) | Кам хушнă: mixaj_58 | Хăçан: 11.11.2013 | Рейтинг: 5.0/1 | Комментарисем (0)

Ĕнер пĕçереттĕнччĕ эсĕ апат
Кашни кухаркăн патшалăха
ертсе пыма пĕлмелле.
В.И.Ленин

Ĕнер пĕçереттĕнччĕ эсĕ апат...
Ĕнер эс çăваттăнччĕ савăт-сапа...
Мухтатчĕç сана
Çиекен çынсем:"Ах!
Эс тутлă апат пĕçеретĕн. Чăнах!"

Паян пĕçерсе çитереççĕ сана!
Паян эс тиркетĕн мĕн пиçнĕ - çавна!
Сăлтавĕ кăшт паллă:
Паян эс - ХУÇА!
Тăвасшăн хăв майлă... Мĕн килнĕ пуçа!

Анчах та пуçра сан салат... винегрет...
Мухтав сăмахне ку илтмешкĕн çитмест!
Апла-тăк, тăванăм...
Атя-ха, ыран
Çакатпăр каллех чап илмешкĕн... ХУРАН!
Николай Петров (Мăн Шетмĕ) пултарулăхĕ | Миçе çын пăхнă: 276 | Author: Николай Петров (Мăн Шетмĕ) | Кам хушнă: mixaj_58 | Хăçан: 11.11.2013 | Рейтинг: 0.0/0 | Комментарисем (0)



Кĕмелли форма

Пайри уйрăмсем
Геннадий Юмарт [0]
Николай Карай пултарулăхĕ [96]
Поэзи тата проза
Леонид Антонов пултарулăхĕ [27]
Поэзи
Юрий Сементер пултарулăхĕ [26]
Поэзи
Исмай Исемпек пултарулăхĕ [7]
Николай Ершов-Янкер пултарулăхĕ [28]
Поэзи
Шетмĕ Михали пултарулăхĕ [2]
Николай Петров (Мăн Шетмĕ) пултарулăхĕ [94]
Георгий Тусли пултарулăхĕ [11]
Проза тата публицистика
Гурий Дубров пултарулăхĕ [69]
Николай Ункай пултарулăхĕ [4]
Поэзи
Анатолий Раскай пултарулăхĕ [1]
Юрий Шепилов юррисем [4]
Юрă тексчĕсем
Лука Семенов пултарулăхĕ [7]
Геннадий Сергеев [1]
Кулăш
Валентина Рудникова [13]
Поэзи
Çемен Эреш [1]
Поэзи
Галина Яковлева-Çуткÿл [6]
Поэзи
Зинаида Михайлова-Селиме пултарулăхĕ [4]
Калавсем. Сăвăсем
Галина Макарова пултарулăхĕ [8]
Поэзи
Мария Ильина пултарулăхĕ [1]
Поэзи
Ачасен пултарулăх конкурсĕ [71]
Красноармейски (Трак) районне туса хунăранпа 75 çул тата Нестер Янкас ячĕллĕ пĕрлĕх йĕркеленнĕренпе 20 çул çитнине халалланă литература конкурсĕ
Ача-пăча пултарулăхĕ [49]
Районти пултаруллă ачасен ĕçĕсем
Александра Яковлева, Николай Янгер ячĕллĕ преми лауреачĕ [3]
Виталий Петров юрăçа халалланă сăвăсем [5]
Виталий Петров юрăç çуралнăранпа 60 çул çитнине халалласа ирттернĕ "Улăп-2014" вăйă конкурс материалĕсем

Шырав

Ыйту
Cайта хак парăр
Пурĕ миçе хурав: 88

Баннерсем

null

null

null

chuvash.eu

Пушкăрт чăвашĕсен хаçачĕ


Сайт тусĕсем

Статистика
Кунта халĕ: 3
Хăнасем 3
Юзерсем 0

!--
Copyright © Аксар Чунтупай 2024Сделать бесплатный сайт с uCoz