|
Категорире миçе материал: 94
Миçе материал кăтартнă: 61-65 | Страницăсем: « 1 2 ... 11 12 13 14 15 ... 18 19 » |
Сортла:
Дате ·
Названию ·
Рейтингу ·
Комментариям ·
Просмотрам
Кĕр иртет
иккен чăнах –
Ăшă
тарчĕ.
Сивĕтет
кунран-кунах –
Хĕл
çывхарчĕ.
Кайăксем
те кăнтăра
Вĕçсе
кайрĕç.
Çитрĕç
пуль хальччен, ара –
Çурран
мар вĕт!
Йĕпе юр…
Хăш чух тĕтре…
Ыран
хăшĕ?
Эп
ларатăп хăть пÿртре –
Мана ăшă.
Сивĕ…
Сивĕ урамра.
Çил
кĕрлерĕ.
Çулçă
вĕçрĕ… Кăнтăра… –
Çитеймерĕ…
25.11.95. |
Эпир
курман-илтмен çĕрсем
Хитре пек
туйăнать темме.
Килтен
кайсан
Тин
ăнланан
Тăван
кĕтесĕн тунсăхне.
Таçта
темскер çухатнă пек
Чĕре
ыйтать çине-çинех:
«Илтетĕн-и?
Илтетĕн-и
Тăван кĕтесĕн
сассине?»
Инçе
çĕрсен ытаменчен
Хăпса
тухсассăн кил енне
Васкать
этем,
Васкать
этем
Тăван
кĕтесĕн ытамне.
Ак ĕнтĕ
йăлт куç умĕнче:
Уй-хир,
çаран, вăрман-ĕшне…
Пирвайхи
пек
Куратăн
эс
Тăван
кĕтесĕн илемне.
Пире
татах чĕнен çулсем
Илсе
кайсассăн инçене
Эп манас
çук,
Эп манас
çук
Тăван
кĕтесĕн ăшшине. |
Юхать,
юхать Мăн Шетмĕ
Хăй тупнă
йĕрĕпе.
Эпир
шкула çÿретпĕр
Мăн Шетмĕ
хĕррипе.
Кĕнекесем
вулатпăр,
Шутлатпăр
примерсем.
Тетрадь
çине çыратпăр
Тăватпăр
йăнăшсем.
Пĕр
çырать «Мĕн Шетмĕ»
Çемçелĕх
(ь) паллипе.
Тепри
пуçне чикет те
Çырать
ăна… пĕрле!
А
виççĕмĕшĕн, курăр,
Шыв ячĕ
пĕчекрен!
Çук, çук!
Пăхмастăп урăх,
Çыратăп
хам! Пĕччен!
Тен… эп
те йăнăш çырнă…
Ах!
Кам-ши тĕрĕслет…
Вулать…
Вулать учитель…
Вулать
те… Тĕлĕнет!
Эп хам та
тĕлĕнетĕп:
Мĕнле
вара çапла
Юхать…
Юхать Мăн Шетмĕ
Виç тĕрлĕ
йăнăшпа?
Юхать,
юхать Мăн Шетмĕ
Çавна
пĕлмесĕрех.
Эпир
шкула çÿретпĕр
Мăн Шетмĕ
хĕррипех. |
Тарҫӑра ӗмӗрӗпех
Пурӑнатпӑр эпӗр.
Анчах
хамӑр
пурпӗрех
Хуҫа пек ҫӳретпӗр!
Мӗн хуҫийӗ пирӗнтен?
-Хӑйне
майлӑ
курнӑҫ!
Чӑн Хуҫа вӑл ӗмӗртен
Турӑ панӑ
Пурнӑҫ! |
Мӗн тума мана татах
Ҫавӑн чуль асап-хӗн?
Чӑтаймастӑп эп
йӑлтах...
Пайласа парас-мӗн...
Ҫук! Ан пайлӑр! Кирлӗ
мар!
Мӗн пурри - йӑлт манӑн!
Тата кӑшт... асапланар!
Е унта... юлман-и... |
|
|
| Статистика |
Кунта халĕ: 1 Хăнасем 1 Юзерсем 0 |
!--
|
