Николай Петров (Мăн Шетмĕ) пултарулăхĕ - Пирĕн пултарулăх - Каталог статей

Мӑн Шетмӗ

Юхать, юхать Мӑн Шетмӗ,

Хӑй тупнӑ йӗрӗпе.

Эпир шкула ҫӳретпӗр

Мӑн Шетмӗ хӗррипе.

Кӗнекесем вулатпӑр,

Шутлатпӑр примерсем.

Тетрадь ҫине ҫыратпӑр,

Тӑватпӑр йӑнӑшсем.

Пӗри ҫырать «Мӑн Шетмӗ»

Ҫемҫелӗх (ь) паллипе.

Тепри пуҫне чикет те

Ҫырать ӑна пӗрле!

А виҫҫӗмӗшён, курӑр, -

Шыв ячӗ пӗчӗкрен!

Ҫук! Ҫук! Пӑхмастӑп урӑх,

Ҫыратӑп хам... Пӗччен!

Тен... эп те йӑнӑш ҫырнӑ...

Ах! Кам-ши тӗрӗслет...

Вулать... Вулать учитель...

Вулать те... Тӗлӗнет!

Эп хам та тӗлӗнетӗп:

Мӗнле вара, ҫапла.

Юхать, юхать Мӑн Шетмӗ

Виҫ тĕрлӗ йӑнӑшпа?..

Юхать, юхать Мӑн Шетмӗ

Ҫавна пӗлмесёрех.

Эпир шкула ҫӳретпӗр

Мӑн Шетмӗ хӗррипе.

Пурнăç

Ганна Петровна АНДРЕВĂНА, чӑн-чӑн ВЁРЕНТЕКЕНЕ.

Камшăн пурнăç — вăйă-кулă,

Камшӑн — тӗпсӗр кӗленче.

Камшӑн — лӑпкӑ, пӑнтӑх кӳлӗ.

Саншӑн — тӑвӑллӑ тӗнче!

Тӑвӑлра этем вӑй-халлӑ!

Тӑвӑлра — чёри ун вут!

Эс ҫапла пулма ҫуралнӑ!

Лӑпкӑ пурнӑҫ саншӑн ют.

Эс утатӑн тӑвӑл витӗр

Кунĕн-ҫӗрӗн малалла.

Кам сана халь хуса ҫиттӗр —

Камӑн чунё тӑвӑлра!

Ҫав чуна эс ӑнланатӑн

Хӑв чунна ӑнланнӑ пек,

Ёненӳ, вӑй-хал паратӑн ...

Вӑл ҫавна курима пӗлет

Вӑл пӗлет: хӑш чух сана та

Шеллемеҫҫӗ тӑвăлсем.

Эс ҫавах. ҫавах утатӑн

Ас-тӑнпа йӑлт ҫёнтерсе!

Вӑл пӗлет: ҫул-йӗр тумхахлӑ,

Тепӗр чух яка, шуҫлак .

«Ҫав ҫулпа утни —ухмахлӑх!»-

Тенине те илтрӗ ак.

Вӑл пӗлет: ун хӑйӗн ҫулӗ...

Тусӗсем... Тӑшманӗсем...

Хӑйӗн савӑнӑҫ. Куҫҫулĕ...

Туррипе шуйттанĕсем.

Вӑл пӗлет: сан пек пулаймё;

Ҫитесси сана —инҫе.

Чи кирли—пуҫа вăл таймĕ

Тӗрӗсмарлӑх умӗнче!

Вӑл пӗрре ӳксе аманчӗ,

Ҫунчӗ ирсӗр элекре.

Эс ӑна паратăн шанчӑк

Ҫав асар-писерлӗхре.

Тӳрленмен-ха ун суранӗ:

Чун тени—ытла черчен!

Пурпĕр ҫӑмӑллӑх шырамӗ

Вӑл, юлсассӗн та пӗччен.

Вӑл шанать: темле пулсан та-

Ӳктӗр! Ҫунтӑр вӑл тепре!—

Эс ӑна чунпа ӑнланӑн,

Парӑн вӑй ҫӗнме тӗпрен!

...Чунӗпе те, чӗрипе те

Вӑл тӑрать ҫав ҫул ҫинчех...

...Камшӑн пурнӑҫ лӑпкӑ питӗ.

Камшӑн — тӑвӑллӑ тӗнче...

25.02 — 4.11.99.
Николай ПЕТРОВ

Тĕлĕнтермĕш ача

—Пулас килет ман йыт ҫури!

—Апла пулсассӑн — пултăр-им.

Xăйнe Кампур тесе чӗнме каларӗ.

Ляв! Ляв! теме, чӑнах та, йывӑр мар.

Анчах пӗр каҫ та «йытӑ» сас памарӗ!

Ирех кӗрсе выртасшӑн ҫывӑрма!

—Пулас килет кушак ҫури!

—Мӗнле шутлатӑр? Пултӑр-и?

Мӑр-мӑр тума ҫур сехетрен вӗренчӗ,

Питне ҫӑвать апат ҫисен анчах.

Шӑши тытма хушсан вара «именчӗ»... '

Кун пек кушак пулман тӗнчен пачах!

Пулас килет ман... cap автан!

—Пулах, эппин хӑв пултарсан...

Килкартинче ҫур кун ҫӳрекелерӗ,

Каҫчен темскер шырарӗ пахчара.

Ирпе вӑл хӑй «ӗҫне» кӑшт пӗлеймерӗ—

Хӗвел тухмарӗ ҫав кунне вара!

Гена мотоциклĕ

Генӑн «тӗлӗнтермӗш» мотоциклĕ ҫине ача-пӑча куҫӗпе пӑхни
Илсе панӑ Генӑна
Мотоцикл... тем тума...
Урама тухмассерен
Йӗкӗлтет пур шӑлйӗрен:
—Ну, мӗнле сан, Геннади,
Мотоцикл чупать-и?
—Чуптарас пулсан ӑна,
Руль тытас пулать кӑна!
Урӑх нимӗн те кирлӗ мар!
—Пулаймасть-тӑк —хама пар!..
Мотоцикл Генӑна
Ывӑлӗ мӗскер тума
Илсе панӑ. Ых! Ӑна...