Ачасен пултарулăх конкурсĕ - Пирĕн пултарулăх - Каталог статей

Савнă ен - Трак ен/"Ачасен пултарулăхĕ" конкурса

Трак ен, Трак ен – савнă ен!

Эп саватăп сана чĕререн.

Ешерен илемлĕн çулсерен –

Эп çырап çак сăвва сан çинчен.

Мĕн тери хитре урамусем,

Кашни çул хăпараççĕ çуртсем.

Пурăнаççĕ унта юлташсем,

Чăвашсен, вырăссен çемйисем.

Мăнаçланать газ станцийĕ кунта,

Таврара шкулсемпе садиксем…

Район пуласлăхĕ ÿсет-çке кунта -

Чечеклен, тĕреклен эс Трак ен!

Женя Суховетрюк, 5-а класс

Ертÿçи – Михайлов В.М.

ТĂВАЙККИНЧЕ/"Ачасен пултарулăхĕ" конкурса

Урамра лапка-лапка юр çăвать. Таврара йăлт шап-шурă. 5 çулхи Мишша чъречерен тулалла пăхса ларать. «Эх, ыран ярăнатпăр ĕнтĕ тăвайккинче!»- шухăшлать вăл.

Ашшĕ ăна паян кăна йĕлтĕр илсе килсе пачĕ. Йĕлтĕрĕ кăн-кăвак тĕслĕ. Çутă çинче йăлтăр-йăлтăр тăвать. Мишша паянах ярăнма тухасшăнччĕ - анчах каç пулнă.

-Ыран пулсан ыран эппин, ыран,- ĕмĕтленчĕ пĕчĕк ача.

Ытти каçсенче вăл выртнă-выртман ыйха путаканччĕ. Кĕçĕр час çывăрса каяймарĕ. Вăл ыранхи çинчен шухăшларĕ.

Ирхине Мишша вăранчĕ те васкаса вырăн çинчен тăчĕ, тумланчĕ. Апат çимесĕрех урама чупса тухрĕ. Унăн часрах Валерик патне кайса йĕлтĕрне кăтартас килчĕ. Ара урамри ытти ачасем шкула каяççĕ-çке-ха. Валерик те ав çитес кĕркунне шкула кайма хатĕрленет.

Валерик ун йĕлтĕрне курсан савăнсах кайрĕ.

-Епле чаплă йĕлтĕр! Сана аçу илсе пачĕ-и?- ыйтрĕ вăл.

-Атте çав, ĕнер каçпа Шупашкартан илсе килчĕ,- мăнаçлăн тавăрчĕ Мишша.

Унпала эс ан туслаш!/"Ачасен пултарулăхĕ" конкурса

Урампала, ахăртнех,

Утать Уртем хăй килне.

Тĕлĕнтермĕш темелле:

Мăсăрланать пуç çинче.

Пирус хыпнă çăварне,

Явăнтарать тĕтĕмне.

Пăх та кур эс тамаша,

Ку мĕскерле апăрша?

Чĕрни сарă, шăлĕ хăмăр,

Пăхсан: Катемпи ку, тейĕр.

Йăлт çухатнă сăн- питне,

Паллама çук ку камне.

Кун пеккине эс курсан

Ут уйрăлса аякран.

Вăл пулас çук сан юлташ.

Унпала эс ан туслаш.

Пируса Алла тытни-

Сывлăха хавшаклатни.

Пурнăçа тăсас тесен

Унсăр пурăнма вĕрен!

Çыру/"Ачасен пултарулăхĕ" конкурса

Сывă-и, аякри тусăм, Лена.

Санран нумай пулмасть çыру илтĕм. Тавах сана уншăн. Эсĕ мана аннем çинчен çырса пĕлтерме ыйтнă. Эпĕ ун çинчен пĕр вĕçĕмсĕр çырма пултаратăп. Кайран вуласа ывăнтăм тесе ан пăшăрхан. Итле эппин.

Манăн анне ячĕ - Людмила. Вăл вырăсла "людям милая" тенине пĕлтерет. Чăнах та, анне çынсемпе ырă пулма тăрăшать: ваттисемпе ватă çынпа пупленĕ пек калаçать, çамрăксемпе - çамрăк çынпа калаçнă евĕр. Кашни çын валлиех ăшă сăмах тупăнать унăн. Кукамай анне пирки: "Чуна лăплантармалли сăмахĕсене ăçтан тупать-ши?"- тесе тĕлĕнет. "Санпа калаçса чуна лăплантартăм. Халĕ урăх кулянмастăп ĕнтĕ,"- тенине тăтăшах илтетĕп эпĕ кукамайран. Мамак (асанне) вара хăйне тăтăшах апи тесе чĕннĕшĕн хĕпĕртет. Вĕсем пĕрле 13 çул пурăнаççĕ ĕнтĕ. Эпĕ вĕсем хирĕçнине пĕрре те курман. Анне мамак çинчен е мамак анне çинчен тиркесе калаçнине те илтмен. Анне пире те ваттисене хисеплеме вĕрентет. Вĕсен сывлăхĕпе кăсăкланмаллине, чей лартса ĕçтермеллине, ĕçлесе пулăшмаллине тăтăшах аса илтерсе тăрать.

"Ĕç вăл-пурнăç тыткăчи,- тет тата пире анне. -Кашни ашшĕ-амăшĕн хăйĕн пепкине ĕçлеме хăнăхтармалла.

Сăпка юрри-1. Пьеса/"Ачасен пултарулăхĕ" конкурса

Вылякансем:

Марук - 6 çулта

Амǎшĕ - 34 çулта

Миша - Марукпа пĕр урамра пурǎнакан, 5-7 çулта

Хветĕр пичче - индивидуаллǎ хуçалăх хресченĕ

Лена - Марукǎн чǎн-чǎн амǎшĕ, 35 çулта

Ĕçе пурнăçлаканĕ: Красноармейски районĕнчи Пикшик вăтам шкулĕнчи 7-мĕш класра вĕренекен Ершова Наталия

Ĕçе ертсе пыраканĕ: чăваш чĕлхипе литература вĕрентекен Тихонова Л.А.