Апрель.Шыв-шур тапраннă вăхăт.
Ģĕмĕрĕлсе юхать çырма.
Хула çынни е лăпкă Сăкăт
Васкать пăр кайнине курма.

Ăçта васкать-ши шавлă юхăм?
Манса çуралнă Ģĕршывне.
Ача пуçпа епле-ха юлăн
Анмаср тулăх шыв хĕрне.

Юхать , юхать пăр караванĕ
Пĕр тĕкĕшсе, пĕр ăмăртса.
Капмар пăрсен хитре янравĕ
Чуна çĕклет çунат хушса.

Сулмаклă пăр – кашни пĕр сулă.
Тĕрекĕ караппа пĕр тан.
Ģакна чарлан ăнланнă сумлăн,
Кур, ярăнса анать туран.

Ача-пăчашăн çак ÿкерчĕк
Юмах тĕнчи пекех паха.
Пăрпах пуль çав лартса вĕçтертĕм
Ытарайми ачалăха.

Ем-ешĕл улăх. Каçсерен
Телей çулне хывап пĕччен.
Чечек çыххи пухма тăрсассăн,
Алран çунтарчĕ вĕлтĕрен.
Ах, вĕлтĕренĕм, вĕлтĕрен.
Мана эс мĕншĕн пĕçертен?
Эп кÿршĕ ял хĕрне савнишĕн,
Сисетĕп, эсĕ кĕвĕçен.
Сукмакăм хĕрринчех шăпкан
Пуçне таять мана курсан.
Ан хуçăл, улăх шăнкăравĕ,
Ģул кăтартса ешер ялан.
Ģул такăрларăм каçсерен,

Васкамасăр, киленсе
Ешĕл улăхпа иртетĕп.
Умăмра çÿçе сÿречĕ,
Ģунтарать хĕвел ĕнтсе.

Ывăнман-ха. Сулхăнран
Ютшăнса çÿçе кÿренĕ.
Улăх кĕпине çĕленĕ
Эрешленĕ пурçăнтан.

Чĕпĕтет кăрлач, хуçа пуласшăн
Тулăх сурхури кĕрекинче.
Пĕр тĕпренчĕк çеç апат тупасшăн,
Кăсăя ташлать пÿрт умĕнче.
Ал лаппи çине хуратăп çăкăр,
Илĕртсе илемлĕ кайăка.
Пурăнăç нихçан та пулмĕ çăмăл,-
Хăналанччĕ, юлмăп эп çука.
Шанăçа тÿрре кăларчĕ кайăк,
Ютшăнмарĕ кучченеçĕмрен.
Пĕчĕк çеç самант, Халь кăмăл лайăх.
Ģынлăха упрар мĕн виличчен.

Тутанăр, киленĕр, ыр курăр,
Сыватăр ĕшеннĕ чуна.
Юхать валак тăрăх çăлкуçĕ
Сипетлĕх парса таврана.
Атте, асатте те тутаннă
Ун сиплĕ шывне ĕмĕртен.
Черечĕ мана юлнăран-ши,
Ģÿретĕп кунта кунсерен.
Тути! Шерпетне улăштармăп.
Ун тĕсĕ хĕвел пек таса.
Ģынпа пулнăран пархатарлă
Хăвачĕ тăрать хушăнса.