Юратнӑ пысӑк атте салтакра. Чикӗ хуралҫи вӑл. Эпӗ виҫҫӗмӗш класра кӑна вӗренетӗп пулин те ҫыру ҫӳрететпӗр. Вӑл - салтакри, эпӗ ялти пурнӑҫ-курнӑҫ ҫинчен пӗр-пӗрне тӑтӑшах пӗл-терсе тӑратпӑр.
Пысӑк атте - чыслӑ салтак. Чикӗ хуралне вӑл Арӑслан ятлӑ утпа ҫӳрет. Ӑна хӑйӗн чи шанчӑклӑ тусӗ вырӑнне хурать. Урхамахне те питӗ лайӑх пӑхать. Вӑхӑтра хыркӑчлать, ҫилхине ятарлӑ турапа якатать. Йӗвенӗ те, йӗнерӗ те пур енчен йӗркеллӗ, ҫыпӑҫуллӑ. Пӗр ҫырура ярса панӑ ҫар хаҫатӗнчен касса илнӗ сӑн ӳкерчӗкре вӑл Арӑсланпа юнашар тӑрать. Ҫавӑнтах вӗсене мухтаса ҫырнӑ хайлав пур. Пысӑк атте часть ялавӗ умӗнче сӑн ӳкерӗнме тивӗҫнӗ. Ҫуллахи пӗр тӗттӗм каҫ вӑл чикӗри йӗркене пӑсакан ҫынна тытса чарнӑ чух хӑюлӑхпа паттӑрлӑх кӑтартнӑ. Ку хыпара генерал тав ҫырӑвӗнче ашшӗ-амӑшне пӗлтернӗ.
Пысӑк атте мана шкулта лайӑх вӗренме пил парать. "Пур ҫӗрте те хастар пул, лайӑх салтак пулма хатӗрлен. Уссе ҫитсен эсӗ те чикӗре тӑрӑн, - тет. - Ан ман, пирӗн асатте Салтак хушма ята ахальтен мар тивӗҫнӗ, хӗсметре ҫирӗм ҫул Тӑван ҫӗр-шыва хӳтӗленӗ вӑл."
Эпӗ тӑрӑшатӑп. Вӗренӳ ҫулне "пиллӗк" паллӑсемпе пӗтертӗм. Ун ҫинчен пысӑк аттене питӗ хавхаланса пӗлтертӗм. Маттур ача эсӗ, санпа мухтанатӑп тенине кӗтсе ӗнтӗ.
Тепӗр эрнерен почтальон эпӗ хур кӗтӳҫи пулнӑ вӑхӑтра ятарласа ҫырмана ансах салтак курки тыттарчӗ.

Ман юратнă ен – Трак ен,

Саламлатăп сана эп чунтан:

Çултан çул ÿссех эс пыран –

Çитрĕн 75-е кăçал!

 

Мухтанмалли санăн нумай –

Ĕçре, спортра, культурăра…

Маттур çынсем кунта чылай –

Район чысне ямасть никам.

 

Тăван Трак ен – манми кĕтес,

Пире вăй-хал парса тăран.

Калас килет чунтан-вартан:

«Трак ен пулнă, пур, пулать!»

 

Николаева Виктория, 5-а класс

Ертÿçи – Михайлов В.М.

Эп çуралнă ял вăл - Красноармейски,

Пур сăлтавĕ мухтанмашкăн ман:

Иртет ачалăх çулĕ çакăнта,

Тăвансемĕр çунатланнă çак ялта.

 

Мăнаçланса ларать кунта ман пÿрт,

Урамĕсем хитре те пит çап-çут.

Тасалăхпа чуна манне çĕклет,

Чĕре манăн уншăн хĕпĕртет.

 

Ман çуралнă ялăм, савнă ял,

Эс тухатăн куç умне ялан.

Санпа тусăм хĕпĕртет саркаланса,

Кăкăрне çапать вăл хаваспа.

 

Стас Илларионов, Красноармейски 2-мĕш шкулĕ, 5-а класс

Ертÿçи - Михайлов В.М.

Трак ен, Трак ен – савнă ен!

Эп саватăп сана чĕререн.

Ешерен илемлĕн çулсерен –

Эп çырап çак сăвва сан çинчен.

 

Мĕн тери хитре урамусем,

Кашни çул хăпараççĕ çуртсем.

Пурăнаççĕ унта юлташсем,

Чăвашсен, вырăссен çемйисем.

 

Мăнаçланать газ станцийĕ кунта,

Таврара шкулсемпе садиксем…

Район пуласлăхĕ ÿсет-çке кунта -

Чечеклен, тĕреклен эс Трак ен!

                           

Женя Суховетрюк, 5-а класс

Ертÿçи – Михайлов В.М.