Пирĕн пултарулăх - Каталог статей - Нестер Янкас ячĕллĕ пĕрлĕх

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Йĕпрем ялне, тархасшăн, килĕр!

(Хăш-пĕрисем, тен, ыйтĕç: "Ма?"

Арсентий ывăлĕ Владимир

Ĕçĕсемпе кăшт паллашма!

Кăмăлĕпе вăл питĕ уçă,

Сăпайлă, шухăшлă ялан,

Мăн Шетмĕ тăрăхне ун чухлĕ

Пĕлекенсем... çукрах паян!

Ун ĕçĕнче — вун виçĕ ялăн

Кун-çулĕ, ĕçĕ-хĕлĕсем...

Кама мĕнле "турти, пăявё"

Лекет... Тата вăл хăш енчен...

Пурне те тупнă, йĕркеленĕ

Пĕччен. Вуншар çулсем хушши.

Пĕл: Нестор çакăн пек ĕçленĕ!

Владимир — çав çынсем йышши!

Тăват пурт хĕрĕ те Алина

Çырма пуçланă хаçата

Шкулта чухнех. "Пулать ун! — тенё

Редакци çыннисем. — Хута

Вараламасть сăлтавсăр-мĕнсĕр!"

Хĕр университеталла

Шăп çавăн пек хаклавшăн ĕнтĕ,

Çул тытнă. Ак, кĕçех алла

Илет диплом. Тăван чĕлхемĕр

Пуянланать çав самантран —

Пĕр шÿтлемесĕрех, ĕненĕр —

Чăн-чăн специалиста! Аван!

Ишек енче тымар вăл янă —

Çак сăвăç чунлă хĕр-пике.

Ĕçлет шкулта. Çырать. Кăларнă

Ик-виçĕ пĕчĕк кĕнеке!

{Малалли пулать).

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Илья Романович Степанов —

Обществӑлла корреспондент.

(Турри тата ӑна кӑшт панӑ

Ҫырмашкӑн музыка. А...тен...

Памасӑрах вӑл... илнĕ. Вӑрттӑн...

Анчах та... тивмӗпӗр ӑна.

Ку темӑпа.., кайран... йӑлт, курттӑм...

Халь мӗн... пустуйшӑн вакланма.)

Ҫапла. Вăл Кушкӑ ял ҫыннийӗ;

Килте лармасть: ялан шырать.

Ӑҫта мӗн пулнӑ-курнӑ-илтнӗ-

Шырӑнӑ-тупнӑ — йӑлт ҫырать! -

Чылай чухне унран пӗлетпӗр

Ялта мӗн пулнӑ-иртнине.

Паллах, ҫӗн ӳсӗмсем кӗтетпӗр:

Ан тутӑхтартӑр перине!

Ун мӑшӑрӗ — колхоз-совхозшӑн —

Чи "перекетлӗ" шут ăсти.

(Ӗненмесен... килсе... тархасшӑн...

Пӗлмесӗрех... суятӑп-ши?

Суйсассӑн та пӗрре хӑть;А мĕн?

Ҫук-ҫук! Ун пек вăл... аван мар...

Тата... тӗллев те урӑхла ман.

Вӑт ун ҫинчен кӑшт... калаҫар.)

Паллаштарам: "тӗллевӗм" — Нина.

Ивановна, хисеплесе.

Муркаш енчен кунта вӑл килнӗ.

Экономист. Ҫырать текстсем,

Юрра-кӗвве хӑш чух хывмашкӑн

Талант-вӑраннӑ самантра

Ун упӑшкин. Ҫынсем... юрлаҫҫё!

Алла тăк... вăл та халь шутра!

(Малалли пулать)

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Мартынккӑра ҫуралнӑ-ӳснӗ.

Учитель. Леонид Кузьмич.

Район хаҫачӗпе вăл туслӑ:

Ҫырать. Девизĕ: "Ҫиччӗ виҫ!"

(Паллах, ӗнтӗ: пӗрре касмашкӑн!)

Тӗрленчӗкӗ-очеркӗсем

Хӑйне май витӗмле! Чӑн саслӑ! —

Чуна кӗрет вуланăҫем.

Анчах... пули-пулми ҫырмасть вӑл:

Ик-виҫ ҫулта ҫеҫ... теплерен

Шӑрҫаланса тухать хӑватлӑн —

Ҫырас тенийӗ! — чӗререн.

Вара каллех... каллех пӗр тапхӑр

Сассийӗ унӑн илтӗнмест...

Пулин! Эпир ҫавах мухтатпар

Ӑна! (Хӑйне, тен... килӗшмест...)

Мартынккӑ ывӑлӗ

Виталий Иванович тесессӗнех

Мӑн Шетмӗре кашнийӗ калӗ

Ӑна: "Тархасшӑн! Килĕрех!

Сӑлтавӗ? Вăл пире вӗрентнӗ

Ӗҫленӗ чух тахҫан кунта.

Пирӗн ачасене халь ӗнтӗ

Пӗлӳ парать аслӑ шкулта,

Ӗҫчен, сӑпайлӑ питӗ-питӗ!

Талантлӑ! Ҫук пустуй шӑв-шав.

Ун пӗ-ӗ-чӗк ӗҫӗнче те

Мӗн чухлӗ ҫӗн тӗпчев! Шырав!

Ахальтен мар ӑна каланӑ

Ялти пӗр юмӑҫ пӗчӗклех:

"Ӳссен — чӗлхеҫӗ эс пулатӑн!"

Юрать каланӑ! Тӗрӗсех!

Тата кам юлчӗ-ха... Галина!

Кӑшт ҫеҫ манса эп хӑварман

Ăна. Вӑл Кушкӑ ялӗн кинӗ,

А хӑй вара Кӳлҫырмаран.

Сасси — хӑйне кура ун — ҫепӗҫ,

Ахаль-им лирик? Ҫавӑнпа!

Ӑна халь ытларах пӗлеҫҫӗ

"Ҫуткӳль" текен псевдонимпа.

Сӑвви-юррийӗ ун виҫеллĕ,

Тухса каймасть йӗрке-картран.

Те лайӑх ку, а... тен — ҫитменлӗх:

Пымашкӑн пӗр йӗрпе ялан...

Ӑна хӑйне те йӑлӑхтарчӗ,

Ман шутпала. Шӑп ҫавӑнпах

Вӑл хӑйӗн "лашине"... тӑварчӗ.

Пӗлместӗп: те... яланлӑхах...

(Вӗҫӗ пулать).

Мăн Шетмĕ тăрăхĕн мухтавлă ывăл-хĕрĕсем. Сăвăлла калав. Хыçсăмах.

Вӗҫленчӗ акӑ ман калавӑм.

Вӗҫлесшӗн марччӗ те халех.

Нумай... Нумай кӗтсе эп лартӑм

Ҫӗн ят... Кӗтнийӗ — ахалех:

Çук. Курăнмасть никам утни те

Пирӗн хыҫран... Пирĕн йӗрпе...

Тен... куҫ ман... кураймасть пуль витӗр?

Пулсассӑн — курмаллах ӗнтӗ...

Нивушлӗ ҫук паян Мӑн Шетмӗн

Ҫырас талантлӑ хăть... пӗр ҫын?

Нивушлӗ аякран кӗтетпӗр?

Эп хирӗҫ мар-ха... Килччӗрин...

Кунта та, ав... пӑхкаласассӑн —

Кӑшт пур... тапаҫланакансем.

Анчах... хӑйсем тӗллӗн утмашкӑн

Ытла та вӑйсӑр-ҫке вӗсем...
2
Паллах, пулӑшмалла. Пӗлетпӗр.

Май пур таран! Шăл ҫыртсах!

Ҫапла тӑвас тесех ӗҫлетпӗр.

Ҫитмест пуль ҫав... Сахалтарах...

(Ҫапла каларӑм-ха та... Уншӑн

Мана ӗнтĕ... патак лекет:

Кам яланах... "сахал" курасшӑн...

Ҫынна... "тиркес тесе" тиркет...

Ун пеккисен хуравӗ янтӑ:

(Пĕрре кăна ҫеҫ эп илтмен!)
Кĕтес пулать ҫеҫ, чун кӑварӗ

Амаланма тытăнасса. вара — каять.

Вара — чараймӑн:

Ҫĕн сӑвӑ хыҫҫӑн сӑвӑ кӗт!

Анчах... кашнинченех пулаймӗ —

"Ҫырма пӗлсессӗн" те — поэт.

Ӑна валли панийӗ кирлӗ:

Ҫӳлтен... Туррийӗ... Суйласа!

Эпир вара... чылайӑш "чирлӗ"!

(Ҫыратпӑр-ха та ҫырасса...)

..........................................
Ҫапах шанас килет-ха манӑн
Кам та пулин; ҫӗкленессе!
Çак тӗнчене — паян... ыран-и...

Станислав Юхтара

Ларсан... шутлатăн тепĕр чух:

"Нивушлĕ пирĕн пурнăç çакă?

Пулма пултараймасть! Çук! Çук!

Пулать пулсан... Халех хăть çакăн!"

Пулать вĕт-ха. Пулать! Пулать!

Хуллен пурнатпăр, ав... Вилместпĕр.

Вилсессĕн те... Тĕнче юлать!

Тĕнче вăл - эпĕ... Эсĕ... Эс те!

8.07.2001