Пирĕн пултарулăх - Каталог статей - Нестер Янкас ячĕллĕ пĕрлĕх

Сан пекки урăх пур-ши?

Хăв çуралнă çуртра çитĕнме

Атте Турă паман пехилне.

Пурнăçри асапа çĕнтерме

Эс пултартăн тупма мехелне.

Пĕчĕкрен çич ютра çитĕнсе,

Телей тупрăн ĕçпе виçĕнсе.

Яланах хисепре хăв ĕçре,

Сан пекки урăх пур-ши тепре?

Вĕренсе тухрăн эс тухтăра,

Çынсене халь сиплетĕн ăста.

Çĕпĕрте, кăнтăрта, тухăçра,

Ыр ята тивĕç эс хăть ăçта!

Тухăçран кун çути кармашать,

Шурăм пуç сан сăнна çутатать.

Хĕр тути сар хĕвел пек кулать,

Чĕрере юрату çуралать.

Мăшăрпа пурăнатăр тату,

Юрату, чĕрере ырă ту!

Хĕр-пике çитĕнет чечек пек!

Пур енчен те вăл амăшĕ пек.

Çамрăк ĕмĕр юлать хыçала,

Çутă ĕмĕт хушать вăй-хала.

Турă çырнă мăшăрупала

Утăр ĕмĕр пĕрле малалла!

Пурăн савăнса

Шетмĕ хĕрринче ларать Кăмакал,

Кун çути курнă савнă тăван ял.

75 çул тултартăн кăçал,

Анчах ăраскал эс куртăн сахал.

- Хуйхи-суйхине чăтса ирттерме,

Турă çырнă пуль?- тетчĕ анне.

Хăраххăн юлса пире ÿстерме,

Çитерчĕ тăнне тата вăй-халне.

Вăрçă çулĕсем амантрĕç пире,

Манăçми суран халь те чĕрере.

Çĕрĕк улмине çирĕмĕр чылай,

Анне куççульпе çăвăнчĕ самай.

Утрăн тинкерсе анне çулĕпе,

Вăрман ĕçĕнче пултăн хĕлĕпе.

Усмарăн пуçна, чăтрăн арçын пек,

Савăк пурăнан халь шăллусемпе.

Атте-анне пек хитре сăн-питрен,

Юрри-ташшипе хыврăн вĕсене.

Ĕçе çамрăклах кÿлĕнтĕн вара,

Килте пит сайра – ялан фермăра.

Пĕчĕкрен курса кун-çул хÿхĕмне,

Пĕлтĕмĕр эпир пурнăç техĕмне.

Мухтав чĕререн атте-аннене,

Манас çук нихçан эпир вĕсене.

Йыснапа пĕрле çемье çавăрсан,

Ÿсрĕç пĕр вартан тăватă пĕр тăван.

Мăнуксем те пур, пиллĕкĕн вĕсем,

Пирĕн несĕлсен йăх-тымарĕсем.

Тек нихçан ан кур тертне, нушине,

Турă ас тутăр ĕлĕк курнине.

Сана малашне ыр пулăм сунса,

Калам ик сăмах: «Пурăн савăнса!»

2005 çулхи раштавăн 14-мĕшĕ.

Çивĕч эсĕ ăс-тăнран

Фольклорпа çула тухсассăн,

Эс пире вăй-хал паран.

Купăсна алла тытсассăн,

Халăха савăнтаран.

Юрă-ташăпа эс туслă,

Вăл пырать мĕн ачаран.

Пурнăç икерчи сан тутлă,

Турă пиллĕх панăран.

Сăмаха кивçен илместĕн,

Çивĕч эсĕ ăс-тăнран.

Йăх-яха тирен, йĕплетĕн,

Çунтаратăн хаçатра.

Чĕререн сума сăватпăр,

Хаклă тусăмăр, Тусли!

Сывлăхпа телей сунатпăр,

Пултăр сĕтел çи тулли!

Хисепре – Чăваш енре

Аллă пиллĕк çул тултартăн,
Пĕр сисмесĕр – туххăмрах.
Çемьере пĕр ача пултăн,
Çунатлантăн çич ютра.

Вĕренме ăс-тăн çитертĕн,
Пуç усмарăн пурпĕрех.
Халăх сывлăхшĕн тимлетĕн,
Маттур эсĕ чăннипех!

Медицина кандидачĕ,
Хисепре – Чăваш Енре!
Тăван халăх сана пачĕ -
Çак хисеп вăл ĕмĕре!

Пурнăçăн илемлĕ тĕсĕ,
Çунтăр саншăн ĕмĕрех!
Хăв ачушăн çăлтăр эсĕ,
Хĕм сапатăн, чĕререх!

Санпала эп мухтанатăп,
Эс тĕреклĕ юманран.
Пурăнма 100 çул сунатăп,
Хавшак мар вĕт сывлăхран!

2008 çул, çĕртме уйăхĕ.

Çирĕп-ха Çерушăн йăх-тымарĕ

Çирĕп-ха Çерушăн йăх-тымарĕ,

Яланах ем-ешĕл çеçкисем.

Хунав хыççăн çĕн хунав кăларĕ,

Маттур пулччăр унăн папкисем!

Юбилей паян сан, ырă çыннăм,

Кĕреке тулли, ав, хăнусем!

Ташă-çемĕпе пулам эп çуммăн,

Уççăн шăратар-ха юрăсем!

Шут ĕçне мĕн ачаран юратрăн,

Ку ĕçе пуçларăн райпора.

Чĕрĕк ĕмĕр халь газра тимлетĕн,

Куртăн сахал мар хура-шура.

Алран-ал тытса пĕрле утатăр,

Пурнăç çулĕ пултăрччĕ яка.

Мăшăрпа пĕр ывăла ÿстертĕр,

«Асанне» ята илтме паха!

Упи çĕрĕ эс çуралнă вырăн,

Чечек пек илемлĕ те хитре!

Çĕр çула çити эс, Люда, пурăн,

Йăл куллу ан сÿнтĕр сăн-питре!

2008 çул, çĕртме уйăхĕн 16-мĕшĕ.