Пирĕн пултарулăх - Каталог статей - Нестер Янкас ячĕллĕ пĕрлĕх

Нимере

Анна карчӑк умӗнче

Чӑх-чӗп каҫӑртнӑ пуҫне.

Ҫулте, ват йӑмра ҫинче,

Куртӑм кайӑк ушкӑнне.

Хӗвӗшеҫҫӗ, шӑпланаҫҫӗ —

Пикенсех тем ӑстапаҫҫӗ.

Пӗр улатакка тук-тук

Тутарать мӑлатукпа.

Кунта ӗҫсӗр кайӑк ҫук:

Пӑрчӑкан мӑн савапа.

Кӑсӑя линейкӑпа.

Шӗвӗртет патак ҫерҫи, —

Ытла ҫивӗч ун ҫӗҫҫи.

Хӑма кар та кар татса

Хытах ывӑннӑ курак.

"Кан-ха кан! Кӑшт кан ларса!

Кӑшкӑрать ӑна чакак.

Шӑнкӑрч сарӑ кайӑка

Вӗрентет: "Ҫапларах кас!"

Урам урлӑ аякка

Шӑхӑрса вӗҫет турпас.

Кайӑксен ӗҫне курма С

ӗтӗрет кушак пусма. Прис!

Каçарăр, ачасем!

Мe коньки! Ак—шайба!

Клюшка!

Выльӑр! Савӑнӑр!

— О кей!

Пӑр ҫине утать пӗр ушкӑн:

«Юрӗ! Ҫапӑпӑр хоккей!»

Пӗр самант пӑхса тӑратӑп

Вӗсене эп кантӑкран.

Ыранхи пирки шутлатӑп...

Мӗн туса парас ыран?

Тен, ирпе сырас та йӗлтӗр

Йӗр тӑвас пуль ҫырмара?..

Тӑваймарӑмӑр та пӗлтӗр—

Ярнаканӗсем... Шыра!

Хӗлӗпе те курӑнмарӗҫ!

Ачисем-ши ҫавнашкал...

Е (хама илсе каларăм)

Ашшӗ-амӑшӗ кахал...

Ав, ҫулла, ача тапсассӑн,

Мечӗк куснӑ ҫырмана.

Кӳршӗ ман илсе парсаччӗ

Виҫӗ кун иртсен кӑна.

Пĕлеймен тӳрех, мӑнтарӑн...

Эп—килте пулман пуль ҫав.

Виҫӗ кун ҫапла вӗт ларнӑ

Мечӗксӗр ача-пӑча.

Сӑпаҫҫипӑ сана, кӳршӗ!

Эс пулман пулсан... чӑнах...

(Вӑхӑтра каламаннишӗн

Мӗн вӑрҫатӑн ачана...)

Алӑкран такам шаккарё:

—Мӗн сана тата, ачам?

Лӑпкӑн вӑл ҫапла каларӗ:

—Катокне ма тасатман?..

Эп санран хăратăп

—Мӗн, хӑратӑн-и, ачам

Ҫыртасран ҫав йытӑ.

Алла ил те пӗр рычак

Çan ӑна эс хытӑ!

Вӑл вара хӑех тарать

Каялла пӑхмасӑр!

Е чулпа пер ҫав мура...

— Ҫук! -Паратӑп сахӑр!

Ачашлатӑп ҫурӑмран—

Вӑл хӳре вылятӗ...

Хӑрамастӑп йытӑран...

Эп... санран... хӑратӑп...

Çĕнĕлле ĕçлекен Илле

Тракторпа ӗҫлет Илле,

Мӗн калас та, ҪЁНЁЛЛЕ!

Мӗнле?

Итле.

Унӑн тракторĕ куллен

Айккалла «чупать» иккен

Хуллен.

Тӳррен...

Ял ҫыннин терт-нушине

Вӑл «тиенӗ» хӑй ҫине.

Айле —

Ҫийпе.

Анкарти, ав, сухалать.

Вутӑ-шанкӑ турттарать,

Турат...

Юрать.

Вӑранман-ха ыйхинчен—

Ҫын тӑрать ун умӗнче.

Пӗччен

Темччен...

Тархаслать. Ыйтать. Чӗнет...

«Ку» та, «леш» те хатӗр, тет,

«Тӑр!» —тет,

Кӗтет...

Ма нумай кӗттермелле?

Вӑшт! Сиксе тӑрать Илле!

Мӗнле

Тимлет!..

Тапратать вăл мотора

Хӑйӗн кӑмӑлне кура.

Вара...

Ларать.

Кӑмӑлӗ ун - ай-ай-яй!

Сыпмалли пĕрмай...

«Пирвай

Тавай!...»

Паянхи ӗҫке нихҫан

Ырана вӑл хӑварман!

Ан ман,

Тӑван.
Пырӗ ярӑнсан—ШУРРИ!

Ярӑнмасть-тӑк—МЁН ПУРРИ!

Хӗрли...

Пур-и?
Ним те пулмасан, вара —

Хӑяр шывĕ те... СӐРА?

Ара,

Парас...
Пит-куҫне пӗркелесе Банкӑран хӗпӗртесех

Веҫех...

Ĕҫех...
«Тӑн пырса кӗрсен»... кӑштах

Вӑл сиксе тӑрать вӑштах!

«Тӑхта!

Хӑта!...
Хӑяр шывӗпе-и?.. Тьфу!

Вӑл шывпа ӗҫле эс ху! А-Апчху!..
.....!»
Ун БАРОМЕТР-ПЫРНЕ

Улталаймӑн ӗмӗрне!

Мӗнех;

Кил! Me...
Вара тин (ан иккӗлен)

Тракторпа хуллен-хуллен

Тӳррен...

Вĕрен!..
Чӑн та тёлӗнмелле!

Ҫӗнӗлле-тӑк ҫӗнӗлле!

Илле

Ĕҫлет...

Библиотекарь

Ача чухнехи вӑхӑта асилсессӗн

Тухать куҫ умне тӗлӗнтермӗш пӗр ҫурт.

Эпир — шкул ачи

Вулама та пӗлместпӗр,

Чупатпӑр унта кунсерен миҫе хут!

Библиотека

Уҫӑ-ши тетпӗр,

Ман кӗнеке вулас килет.

Ашӑ пит-куҫлӑ

Библиотекарь

Ырӑ сунса пире хӑйӗн ачи пек кӗтет.

Сисмерӗмӗр те — иртсе кайрӗ Ачалӑх.

Умра халь пачах урӑхла Ёмӗтсем!

Ҫав Ёмӗтсенче Юрату пур! Тасалӑх!..

Тата... хуравне тупма ҫук ыйтусем...

Библиотека

Уҫӑ-ши тетпӗр,

Ман кӗнеке вулас килет.

Ӑшӑ пит-куҫлӑ

Библиотекарь

Ырӑ сунса пире хӑйӗн ачи пек кӗтет.

Ҫулсем иртнӗҫем Пурнӑҫа ӑнланатпӑр.

Ҫыратпӑр паян хамӑрах Кӗнеке.

Хальччен пӗлменни патнелле ӑнтӑлатпӑр

Хуса ҫитес пек Ёмӗтри Ёмӗте.

Библиотека

Уҫӑ-ши тетпӗр.

Ман кӗнеке вулас килет.

Ӑшӑ пит-куҫлӑ

Библиотекарь

Ырӑ сунса пире хӑйӗн ачи пек кӗтет.

Хальхи Самана хӑш чухне питӗ шелсӗр,

Пире мантарать Хитре Ёмӗтсене...

Анчах та Этем пурнаймасть Ҫут Хӗвелсӗр!

Хӗвелӗ вара — сан умри Кӗнеке!

Библиотека

Уҫӑ! Пӗлетпӗр.

Ман кӗнеке вулас килет.

Ырӑ чӗреллӗ

Библиотекарь

Халь те пире чун-чӗре ӑшшине парнелет.