Кĕçнерникун, 28.03.2024, 11:32
Эсир кунта çак ятпа кĕтĕр Хăна | Ушкăн "Хăнасем"

Тĕп страница | Манăн профиль | Тухас

                     Нестĕр Янкас ячĕллĕ пĕрлĕх

                

)?>
Салам кĕтесĕ
500


Тĕп страница » Хайлавсем » Пирĕн пултарулăх » Гурий Дубров пултарулăхĕ

Категорире миçе материал: 69
Миçе материал кăтартнă: 61-65
Страницăсем: « 1 2 ... 11 12 13 14 »

Сортла: Дате · Названию · Рейтингу · Комментариям · Просмотрам
                      Çума-çумăнах утатăр, 
                      65 çул пĕрле.
                      Сывлăха чипер упратăр,
                      Турă пулăштăр сире!
 
                          Хушса юрламалли:
                            Атăл шывĕ йăлтăр-йăлтăр
                            Çĕклет сирĕн кăмăла.
                            Пурăнăр-ха, савнă мăшăр,
                            Сирн телейĕр çурмалла.
 
                       Тимĕр туй сайра пулать вăл,
                       Пурăнма пĕлсен кăна!
                       Эс маттур, хăта! Ан ватăл,
                       Юратать тăхлач сана.
                                 Хушса юрламалли.
 
                       Ĕмĕр çулĕ вăрăм пултăр,
                       Кĕленче пек яп-яка.
                       Сăн-питре хĕвел йăл! култăр,
                       Хуйхă вĕçтĕр аякка.
                                  Хушса юрламалли.
 
                       Ачасем пурри вăл – ырă,
                       Пирĕн шанчăк ватлăхра.
                       Уявра янратăр юрă,
                       Ыр ят юлтăр халăхра!
 
                       Çу уйăхĕн 7-мĕшĕ, 2010 çул.
Гурий Дубров пултарулăхĕ | Миçе çын пăхнă: 289 | Author: Гурий Дубров | Кам хушнă: mixaj_58 | Хăçан: 12.01.2011 | Рейтинг: 5.0/1 | Комментарисем (0)

Вăрçă вучĕ витĕр тухрăн,
Вилĕме хирĕç тăрса.
Çĕр питне юнпа шăвартăн
Чăтрăн йывăр суранна.
Тăхлан çумăра пăхмасăр
Вăй хуран лазаретра.
Яланах пач куç хупмасăр
Сиплен йывăр сурана.
Вилĕмрен çăлса хăвартăн
Сахал мар салтаксене!
Халĕ те асран ямастăн
Çав хăруш самантсене.
Хура-шур самай эс куртăн –
Йывăр пулчĕ самана!
Халĕ мăшăрпа пурнатăн,
Савăнатăп эп санпа!
Тăван халăхăм манмарĕ,
Хăйĕн паттăр салтакне.
Тватă орденпа чысларĕ,
Илем кĕртрĕ кăкăрне!
Мухтанап санпа, хăтаçăм,
Сывлăха ăста упран!
Тăхăр вунă çул тултартăн,
Хавшак мар эс сывлăхран.
Атте турă пехиллерĕ,
Тватă ывăла сире.
Савнă мăшăрпа телейлĕ!
Хĕм сапать ялан чĕре!
Пур сăлтавĕ савăнмашкăн,
Ăслă-тăнлă ывăлсем.
Ватлăхра чуна уçмашкăн,
Сахал мар вĕт мăнуксем!
Сĕрме купăсне юратрăн,
Эс ăна яман алран.
Ачусем выляç хастаррăн,
Савăнар пĕрле паян!
Ваттисем çапла калаççĕ:
- Пурăнать ыр çын 100 çул!
Тăвансем сана сунаççĕ:
- Çирĕп сывлăхлă эс пул. 
Гурий Дубров пултарулăхĕ | Миçе çын пăхнă: 256 | Author: Гурий Дубров | Кам хушнă: mixaj_58 | Хăçан: 12.01.2011 | Рейтинг: 5.0/1 | Комментарисем (0)

Юнлă вăрçа кайрĕç çамрăксем,
Яла тăрса юлчĕç ватăсем.
Уй-хир ĕçне турĕç вĕсемех,
Ачисене кĕтрĕç вĕçĕмех.

Паттăрла пуç хунă пиччесем,
Куççульпе йĕретчĕç инкесем.
Ĕçре уçăлатчĕç кăмăлсем,
Асăмран каймаççĕ вилнисем.

Выçă хырăм пит аван пĕлет,
Пушă пулнă кил-çуртри кĕлет.
Çил арманĕ курман тыр пĕрчи,
Сайра çинĕ çăнăх икерчи.

Ачана е суккăр- чăлаха,
Шеллемерĕ нимĕç никама.
Йывăр пурнăç килчĕ халăха,
Пулман вăхăт çывăрса канма.

Тăван халăх паттăр пулнăран,
Хăтăлчĕ чăваш та тамăкран.
Çитрĕç киле сывă юлнисем,
Пĕрлех килчĕç йывăр сурансем.

Тухрĕç уява ветерансем,
Кĕмĕлленнĕ çÿç пĕрчийĕсем.
Кăкăр тулли орден-медальсем,
Çĕр-шыв панă хаклă парнесем!
Гурий Дубров пултарулăхĕ | Миçе çын пăхнă: 272 | Author: Гурий Дубров | Кам хушнă: mixaj_58 | Хăçан: 12.01.2011 | Рейтинг: 5.0/1 | Комментарисем (0)

Иртрӗҫ ача ҫулӗсем,
Вĕсене аса илем... 
Ытамра ялти илем,
— Эп кунта ялан килем.

Ҫуркунне хӑвалӑхра
Ҫурӑлаҫҫӗ ҫӗмӗртсем.
Шур пӗркенчӗк пек умра:
Пилеш, палан ҫеҫкисем.

Шурӑ ҫеҫке айӗнче  
Кайӑк йышӗ савӑнать.
Ҫемҫе тӗмӗ ҫийӗнче 
Кӑвакал чӗп кӑларать.

Йышланаҫҫӗ чӗр чунсем:
Сӑвӑрсемпе ӑтӑрсем,
Карассемпе ҫӑрттансем,
Хитре вӗҫен кайӑксем.

Хӑва папки мӑнтӑркка,
Кӑчки сарӑ, йӑлтӑркка.
Вулли хӑмӑр, яштака,
Ҫулҫи унӑн тӑсланка.

Ҫывӑхрах ларать утар,
Вӗллисем те сахал мар.
Ӗрчетсе хурт-хӑмӑрне,
Хатӗрпеҫҫӗ сим пылне.

Хветӗр пичче кӳршӗре,
Ӑсталатчӗ лӑпӑсем.
Вырсарни кун Ишекре,
Сут тӑватчӗ вӗсемпе.

Сыхӑ тӑнӑ хӑвана,  
Юраман касма ӑна.
Вӑрçӑ ҫулӗнче кӑна, 
Халӑх каснӑ вут тума.

Тӳрӗ, хитре хӑваран,  
Тунӑ ӑстаҫсем кӑрман.
Ӗҫре усӑ курнӑран,
Нихӑҫан тухмасть асран.

Хӑвалӑхри ҫырмара  
Чӗкеҫ тӑмӗ сахал мар. 
Тунӑ шӑхличӗ тӑмран,
Пит хитреччӗ кӑвакран.
 
Гурий Дубров пултарулăхĕ | Миçе çын пăхнă: 420 | Кам хушнă: mixaj_58 | Хăçан: 14.01.2010 | Рейтинг: 5.0/1 | Комментарисем (0)

Ҫӳремет ҫырми лапамӗнче,
Вырӑн тупнӑ Лариван ҫарань.
Юлчӗ ӗмӗр куҫ ытамӗнче,
Тухас çук ман асӑмран нихçан.

Тӗрлӗ тӗслӗ пин-пин чечексем, 
Тутлӑ шӑршӑ сараҫ улӑхра. 
Сӗр-сӗрлеҫҫӗ вӗлле хурчӗсем,
Сӗрме купӑс пекех хӑлхара.

Асӑмра пурӑнать ҫак илем,
Ҫепӗҫ юрӑ хамран парнелем.
Ҫӗр ҫырли хӗрелсе тут илсен,
Юратаҫ пикесем пуҫтарма.

Ҫаран курӑк ÿссе ҫитӗнсен, 
Ҫамрӑксем ҫул тытаҫсӗ ҫулма.
Сар хӗвел тÿперен хӗм сапатъ,
Таврара юрӑ-кӗвӗ юхать.

Каччӑсем ҫавапа ут ҫулса,
Вӑй виҫеҫҫӗ ӗҫре тупӑшса. 
Ҫывӑхрах шӑпчӑк юрӑ хывать,
Пикесен йӑл кулли ытамлать. 

Паккус хыҫҫӑн паккус йӑванать,
Сӑрт хыҫне сар хӗвел пытанать.
Асӑмра пурӑнать ҫак илем,
Ҫĕнӗ юрӑ хамран парнелем!
Гурий Дубров пултарулăхĕ | Миçе çын пăхнă: 384 | Кам хушнă: mixaj_58 | Хăçан: 14.01.2010 | Рейтинг: 5.0/1 | Комментарисем (0)

1-5 6-10 ... 51-55 56-60 61-65 66-69


Кĕмелли форма

Пайри уйрăмсем
Геннадий Юмарт [0]
Николай Карай пултарулăхĕ [96]
Поэзи тата проза
Леонид Антонов пултарулăхĕ [27]
Поэзи
Юрий Сементер пултарулăхĕ [26]
Поэзи
Исмай Исемпек пултарулăхĕ [7]
Николай Ершов-Янкер пултарулăхĕ [28]
Поэзи
Шетмĕ Михали пултарулăхĕ [2]
Николай Петров (Мăн Шетмĕ) пултарулăхĕ [94]
Георгий Тусли пултарулăхĕ [11]
Проза тата публицистика
Гурий Дубров пултарулăхĕ [69]
Николай Ункай пултарулăхĕ [4]
Поэзи
Анатолий Раскай пултарулăхĕ [1]
Юрий Шепилов юррисем [4]
Юрă тексчĕсем
Лука Семенов пултарулăхĕ [7]
Геннадий Сергеев [1]
Кулăш
Валентина Рудникова [13]
Поэзи
Çемен Эреш [1]
Поэзи
Галина Яковлева-Çуткÿл [6]
Поэзи
Зинаида Михайлова-Селиме пултарулăхĕ [4]
Калавсем. Сăвăсем
Галина Макарова пултарулăхĕ [8]
Поэзи
Мария Ильина пултарулăхĕ [1]
Поэзи
Ачасен пултарулăх конкурсĕ [71]
Красноармейски (Трак) районне туса хунăранпа 75 çул тата Нестер Янкас ячĕллĕ пĕрлĕх йĕркеленнĕренпе 20 çул çитнине халалланă литература конкурсĕ
Ача-пăча пултарулăхĕ [49]
Районти пултаруллă ачасен ĕçĕсем
Александра Яковлева, Николай Янгер ячĕллĕ преми лауреачĕ [3]
Виталий Петров юрăçа халалланă сăвăсем [5]
Виталий Петров юрăç çуралнăранпа 60 çул çитнине халалласа ирттернĕ "Улăп-2014" вăйă конкурс материалĕсем

Шырав

Ыйту
Cайта хак парăр
Пурĕ миçе хурав: 88

Баннерсем

null

null

null

chuvash.eu

Пушкăрт чăвашĕсен хаçачĕ


Сайт тусĕсем

Статистика



Кунта халĕ: 1
Хăнасем 1
Юзерсем 0

!--
Copyright © Аксар Чунтупай 2024Сделать бесплатный сайт с uCoz