Николай Петров (Мăн Шетмĕ) пултарулăхĕ - Пирĕн пултарулăх - Каталог статей

Мăн Шетмĕ тăрăхĕн мухтавлă ывăл-хĕрĕсем. Сăвăлла калав.

Мартынккӑра ҫуралнӑ-ӳснӗ.

Учитель. Леонид Кузьмич.

Район хаҫачӗпе вăл туслӑ:

Ҫырать. Девизĕ: "Ҫиччӗ виҫ!"

(Паллах, ӗнтӗ: пӗрре касмашкӑн!)

Тӗрленчӗкӗ-очеркӗсем

Хӑйне май витӗмле! Чӑн саслӑ! —

Чуна кӗрет вуланăҫем.

Анчах... пули-пулми ҫырмасть вӑл:

Ик-виҫ ҫулта ҫеҫ... теплерен

Шӑрҫаланса тухать хӑватлӑн —

Ҫырас тенийӗ! — чӗререн.

Вара каллех... каллех пӗр тапхӑр

Сассийӗ унӑн илтӗнмест...

Пулин! Эпир ҫавах мухтатпар

Ӑна! (Хӑйне, тен... килӗшмест...)

Мартынккӑ ывӑлӗ

Виталий Иванович тесессӗнех

Мӑн Шетмӗре кашнийӗ калӗ

Ӑна: "Тархасшӑн! Килĕрех!

Сӑлтавӗ? Вăл пире вӗрентнӗ

Ӗҫленӗ чух тахҫан кунта.

Пирӗн ачасене халь ӗнтӗ

Пӗлӳ парать аслӑ шкулта,

Ӗҫчен, сӑпайлӑ питӗ-питӗ!

Талантлӑ! Ҫук пустуй шӑв-шав.

Ун пӗ-ӗ-чӗк ӗҫӗнче те

Мӗн чухлӗ ҫӗн тӗпчев! Шырав!

Ахальтен мар ӑна каланӑ

Ялти пӗр юмӑҫ пӗчӗклех:

"Ӳссен — чӗлхеҫӗ эс пулатӑн!"

Юрать каланӑ! Тӗрӗсех!

Тата кам юлчӗ-ха... Галина!

Кӑшт ҫеҫ манса эп хӑварман

Ăна. Вӑл Кушкӑ ялӗн кинӗ,

А хӑй вара Кӳлҫырмаран.

Сасси — хӑйне кура ун — ҫепӗҫ,

Ахаль-им лирик? Ҫавӑнпа!

Ӑна халь ытларах пӗлеҫҫӗ

"Ҫуткӳль" текен псевдонимпа.

Сӑвви-юррийӗ ун виҫеллĕ,

Тухса каймасть йӗрке-картран.

Те лайӑх ку, а... тен — ҫитменлӗх:

Пымашкӑн пӗр йӗрпе ялан...

Ӑна хӑйне те йӑлӑхтарчӗ,

Ман шутпала. Шӑп ҫавӑнпах

Вӑл хӑйӗн "лашине"... тӑварчӗ.

Пӗлместӗп: те... яланлӑхах...

(Вӗҫӗ пулать).

Мăн Шетмĕ тăрăхĕн мухтавлă ывăл-хĕрĕсем. Сăвăлла калав. Хыçсăмах.

Вӗҫленчӗ акӑ ман калавӑм.

Вӗҫлесшӗн марччӗ те халех.

Нумай... Нумай кӗтсе эп лартӑм

Ҫӗн ят... Кӗтнийӗ — ахалех:

Çук. Курăнмасть никам утни те

Пирӗн хыҫран... Пирĕн йӗрпе...

Тен... куҫ ман... кураймасть пуль витӗр?

Пулсассӑн — курмаллах ӗнтӗ...

Нивушлӗ ҫук паян Мӑн Шетмӗн

Ҫырас талантлӑ хăть... пӗр ҫын?

Нивушлӗ аякран кӗтетпӗр?

Эп хирӗҫ мар-ха... Килччӗрин...

Кунта та, ав... пӑхкаласассӑн —

Кӑшт пур... тапаҫланакансем.

Анчах... хӑйсем тӗллӗн утмашкӑн

Ытла та вӑйсӑр-ҫке вӗсем...
2
Паллах, пулӑшмалла. Пӗлетпӗр.

Май пур таран! Шăл ҫыртсах!

Ҫапла тӑвас тесех ӗҫлетпӗр.

Ҫитмест пуль ҫав... Сахалтарах...

(Ҫапла каларӑм-ха та... Уншӑн

Мана ӗнтĕ... патак лекет:

Кам яланах... "сахал" курасшӑн...

Ҫынна... "тиркес тесе" тиркет...

Ун пеккисен хуравӗ янтӑ:

(Пĕрре кăна ҫеҫ эп илтмен!)
Кĕтес пулать ҫеҫ, чун кӑварӗ

Амаланма тытăнасса. вара — каять.

Вара — чараймӑн:

Ҫĕн сӑвӑ хыҫҫӑн сӑвӑ кӗт!

Анчах... кашнинченех пулаймӗ —

"Ҫырма пӗлсессӗн" те — поэт.

Ӑна валли панийӗ кирлӗ:

Ҫӳлтен... Туррийӗ... Суйласа!

Эпир вара... чылайӑш "чирлӗ"!

(Ҫыратпӑр-ха та ҫырасса...)

..........................................
Ҫапах шанас килет-ха манӑн
Кам та пулин; ҫӗкленессе!
Çак тӗнчене — паян... ыран-и...

Станислав Юхтара

Ларсан... шутлатăн тепĕр чух:

"Нивушлĕ пирĕн пурнăç çакă?

Пулма пултараймасть! Çук! Çук!

Пулать пулсан... Халех хăть çакăн!"

Пулать вĕт-ха. Пулать! Пулать!

Хуллен пурнатпăр, ав... Вилместпĕр.

Вилсессĕн те... Тĕнче юлать!

Тĕнче вăл - эпĕ... Эсĕ... Эс те!

8.07.2001

Мана ан вăрçăр, тусăмсем

Мана ан вăрçăр, тусăмсем,

Эп сирĕнпе пулайманнишĕн,

Эп сирĕн пек пулайманнишĕн,

Сире хăш чух манса кайнишĕн

Мана ан вăрçăр, тусăмсем!

Эп пулаймастăп сирĕн пек:

Паян туслаш - ыран эрехçĕ,

Паян юлташ - ыран элекçĕ...

Ав, сирĕн юлташсем килеççĕ!

Эп пулаймастăп вĕсем пек.

Мана ăнланăр, тусăмсем!

Эп никам пек те пулаймастăп,

Сире те хам пек тăваймастăп!

Тăвас тесе те тăрăшмастăп!

Мана ан вăрçăр, тусăмсем.

30.09.2001

Сăлтавлăр этемле!

Каллех ӳстерчӗҫ вӗт ах, Турӑ!

(Миҫемӗш хут, ҫине-ҫинех)

Милиципе прокуратура

Ӗҫченӗсен ĕҫ укҫине!

Сӑлтавӗ? Пур: "Ан илччӗр взятка

Шалу ытла сахал тесе!"

Кӑшт шутлӑр-ха, мӗн калаҫатӑр?!

Тархасшӑн шутлӑр, ҫӳлтисем!

Ҫынна — ҫитмест! Эсир пӗлетӗр:

Паян пани паянлӑх ҫеҫ!

Ыран каллех: "Илеҫҫӗ!" - тетёр!

Малаллине... калас килмест!

Эп хирёҫ мар шалу ӳснишӗн,

Май пур пулсан ӳстермелле.

Анчах хӑть маншăн, хӑть теприншĕн

Ăна сӑлтавлӑр этемле!