Хаваспах шкула утатăп
Эпĕ лăпкă ирсерен.
Вĕрентекене куратăп —
Савăнатăп чĕререн.
Кăмăллăн класа кĕретĕп,
Вăл та васкаса кĕрет.
Урока хатĕрленетĕп —
Кашнинех çитет черет.
Вăл ăс-тăн парать пурне те —
Питĕ лайăх вĕрентет:
"Хăвăршăн пурнăç çулне те
Суйламашкăн пĕлĕр!” — тет.
— Калаçма, тĕрĕс çырма та,
Пит илемлĕ вулама,
Тарăннăн шухăшлама та,
Ăраскала палăртма.
— Ват çынна хисеплеме те,
Яланах ыр çын пулма.
Чăваш чĕлхине пĕлме те —
Юратма та упрама.
— Çут çанталăка курма та,
Чечек шăршине туйма,
Пур чĕрĕ чуна савма та,
Тăван ене мухтама…
Чунтанах эп хисеплетĕп
Хамăн вĕрентекене.
Ăнăçу, телей сĕнетĕп —
Ăна манмăп ĕмĕрне. Кăçалхи кĕркунне районти шкулсенче вĕренекен çамрăк сăвăçсен Н. Ершов поэт ячĕллĕ конкурсĕ иртрĕ, унăн пĕтĕмлетĕвĕсене хаçат урлă пĕлтертĕмĕр. ”Ял пурнăçĕ” конкурс çĕнтерÿçисен сăввисене пичетлт. Малтанхи сăмах — 1-мĕш вырăн йышăннă Александра Яковлевана. Вăл Красноармейскинчи вăтам шкулăн 9-мĕш класĕнче пĕлÿ илет.
| 
