Михайлова (Филиппова) Лидия Михайловна журналиста, сăвăç-çыравçăна, «Тăван Атăл» журнал редакторне, филологи наукисен кандидатне, Чăваш Республикинчи Профессиллĕ писательсен пĕрлĕхĕн председательне 2019 çулта Трак тăрăхĕнчи çыравçăсен хайлавĕсене кун çути кăтартнăшăн тата юлашки вăхăтра пичетленнĕ «Чун таппи» (2015), «Заколдованная черёмуха» (2019) кĕнекисемшĕн. Лауреат ятне пама Чăваш Республикин Красноармейски районĕнчи Нестер Янкас ячĕллĕ культурăпа искусство тата литература пĕрлĕхĕ тăратнă.
Филиппова Лидия Ивановна 1967 çулта Чăваш Республикин Канаш районĕнчи Çеçпĕл ялĕнче çуралнă. 1989 çулта Чăваш патшалăх университечĕн историпе филологи факультетĕнчен вĕренсе тухнă. Журналист. Тĕрлĕ хаçат редакцийĕсенче вăй хунă: Пушкăрт Республикинче – «Пелепей хыпарĕсем» тата «Урал сасси», Чăваш Республикинче – «Хыпар» тата «Республика». Халĕ – «Тăван Атăл» литературăпа ÿнер журналĕн редакторĕ. 2019 çулта ăна Чăваш Республикинчи Профессиллĕ писательсен пĕрлĕхĕн председательне суйланă. 2019 çулта писательсемпе Пушкăртстанра, Тутарстанра, Чулхула, Самар, Чĕмпĕр облаçĕсенче пулнă, вулавçăсемпе тĕл пулусем, пултарулăх каçĕсем ирттернĕ. Çав вăхăтрах Чăваш патшалăх университетĕнче ĕçлет, наука ĕçĕсем çырать, студентсене вĕрентет. Доцент, филологи наукисен кандидачĕ. 100 ытла пичет ĕçĕ кун кăтартнă, вĕсен шутĕнче 4 ĕçĕ методика енĕпе, 11 ĕçĕ – наука енĕпе. Доктор диссертацине çырать, чăваш литературине тата çыравçăсен ĕçĕ-хĕлне çĕнĕ шая çĕклессипе чунтан-вартан тăрăшса ĕçлет.
Петров Сергей Германович эстрада юрăçине, композитора, педагога 2019 çулта чăваш юрри-кĕввине Раççей Федерацийĕн тĕрлĕ регионĕсенче анлă сарнăшăн, Трак ен халăхне хăйĕн ăсталăх-пултарулăхĕпе паллаштарнăшăн. Лауреат ятне пама Чăваш Республикинчи «Эстрада юрăçисен пĕрлĕхĕ» тăратнă.
Петров Сергей Германович 1989 çулта Чăваш Республикин Красноармейски районĕнчи Тусай ялĕнче çуралнă. Чăваш патшалăх университечĕн культурологи факультетĕнчен вĕренсе тухнă, Чăваш патшалăх педагогика университетĕнче музыка енĕпе пĕлĕвне ÿстернĕ. Пушкăртстанри тата Чăван енри шкулсенче музыка предмечĕ вĕрентнĕ. Чăваш Республикинчи «Эстрада артисчĕсен пĕрлĕхĕн» пайташĕ. Юрăç хăйĕн пултарулăхĕпе 2019 çулта кăна Сургут, Тюмень, Стерлитамак, Питĕр хулисенче, Чăваш енри, Пушкăртстанри, Тутарстанри, Чĕмпĕр облаçĕнчи хуласенче тата ялсенче гастрольсенче пулнă, хăйĕн чуна тыткăлакан юррисемпе халăха килентернĕ. Тăван Трак ене те час-часах килсе çÿрет юрăç. Акă ыран, раштавăн 25-мĕшĕнче, Çĕнĕ çул каçĕ умĕн, кивĕ стильпе Сурхури кунĕсем пуçланнă май, çак сцена çинчен ăна тата унăн юлташĕсене курма тата итлеме пултарăпăр.
Волкова Роза Семёновна сăвăç-юрăçа, çыравçăна тата композитора, педагогика ĕçĕн ветеранне, Анатолий Емельянов ячĕллĕ преми лауреатне чăваш халăхне илемлĕ юрăсем парнеленĕшĕн, «Улмуççи шап-шурă çеçкереччĕ» (2014), «Хăçан тĕл пулăпăр?» юрă кĕнекисемшĕн. Лауреат ятне пама Чăваш Республикин Цифра аталанăвĕпе информаци политикин тата массăллă коммуникацисен министерствин «Красноармейски районĕн «Ял пурнăçĕ» хаçат редакцийĕ» хăй тытăмлă учрежденийĕ тăратнă.
Волкова Роза Семёновна 1937 çулта Чăваш Республикин Элĕк районĕнчи Çĕнкас Юнтапа ялĕнче çуралнă. Пирĕн районти Çирĕклĕ ялĕн кинĕ пулать. Канашри педагогика училищинчен, Чăваш патшалăх педагогика институтĕнчен вĕренсе тухнă. Çирĕм çул ытла Трак тăрăхĕнчи шкулсенче (Карай, Яманак шкулĕсенче) ачасене вырăс чĕлхипе литератури вĕрентнĕ. Каярах Нурăсри пулăшу кÿрекен шкул-интернатра тăрăшнă. Мĕн çамрăкранпах сăвă-юрă çырассипе туслашнă. 2012 çулта «Манăçми сăнсем» ятпа сăвăсен кĕнекине кун кăтартнă. Тата ку таранччен 120 ытла юрă кĕвĕленĕ. Унăн юррисене Л. Семенова, В. Раймов, А. Максимова, И. Николаев, Н. Заводскова паллă юрăçсем шăрантараççĕ. Ĕç ветеранĕ обществăлла ĕçе те хастар хутшăнать.
Сергеев Геннадий Сергеевич халăх пултарулăх тата шÿт ăстине, Красноармейскинчи Культура çурчĕ çумĕнчи Халăх хорĕн юрăçине тата Халăх театрĕн артистне 2019 çулта Трак ен халăхне хăйĕн иксĕлми пултарулăхĕпе паллаштарса тăнăшăн, халăх пултарулăхне аталантарас ĕçре сумлă тÿпе хывнăшăн, обществăлла ĕçсене хастар хутшăннăшăн. Лауреат ятне пама Красноармейскинчи Культура çуртĕнчи Халăх театрĕн, Халăх хорĕн тата унта ĕçлекен культура ĕçченĕсен пĕрлехи пухăвĕ тăратнă.
Сергеев Геннадий Сергеевич 1933 çулта Чăваш Республикин Вăрмар районĕнчи Пысăк Енькасси ялĕнче çуралнă. Калининградри милици шкулне пĕтернĕ, кун хыççăн – СССРăн Шалти ĕçсен министерствин аслă шкулне. Рыбинск хулинче, Хĕрлĕ Чутай, Çĕрпÿ, Етĕрне, Йĕпреç, Вăрмар, Красноармейски районĕсенчи шалти ĕçсен пайĕсенче ОБХСС оперуполномоченнйĕнчен тытăнса пуçлăх таранах тăрăшса ĕçленĕ. Халĕ – отставкăри майор. Ĕс ветеранĕ. Красноармейски Культура çурчĕ çумĕнчи Халăх театрĕн чи хастар пайташĕ. Шанса панă рольсене чунтан тăрăшса вылять. Вăл Ф.Павловăн «Ялта», Юхма Мишшин «Уйăх тулнă каç», А. Чебановăн «Тарçă», П. Осиповăн «Икĕ каччăн пĕр шухăш», «Ылханнă йăх», В. Синичкинăн «Салтак амăшĕ», Н. Сидоровăн «Шупашкарти савни», «Шăматкун каçхине», Çеçке çурчĕ юрату», «Юрату – шÿт мар», Мунча Мишшин «Кăмака çинче ларса качча каяймăн», Маргарита Михайлован «Шăпа» тата ытти пьесăсенчи сăнарсене спектакльсенче калăпланă.
Фёдорова Эльвира Ивановна халăх пултарулăх ăстине, Красноармейскинчи Культура çурчĕ çумĕнчи «Трак ен» фольклор ушкăнĕн, Халăх хорĕн тата Ĕç ветеранĕсен хорĕн юрăçине 2019 çулта Трак ен халăхне хăйĕн иксĕлми пултарулăхĕпе паллаштарса тăнăшăн, халăх пултарулăхне аталантарас ĕçре сумлă тÿпе хывнăшăн, обществăлла ĕçсене хастар хутшăннăшăн. Лауреат ятне пама Чăваш Республикин Красноармейски районĕнчи «Культура тата библиотека ĕçне аталантаракан центр» муниципаллă бюджетлă культура учрежденийĕ тăратнă.
Вăл 1955 çулта Чăваш Республикин Красноармейски районĕнчи Алманч ялĕнче çуралнă. 1997 çултанпа Красноармейскинчи Культура çурчĕ çумĕнчи «Трак ен» фольклор ушкăнне çÿрет. Чылай уяв вăл хутшăнмасăр пĕрре те иртмест. «Трак ен» ушкăнпа вăл Мари Эл, Тутарстан республикисенче, Тюмень, Чулхула облаçĕсенче тата Мускав хулинче пулнă, хăйĕн иксĕлми пултарулăхĕпе тĕлĕнтернĕ. Юрăç – 2017 çулхи «Шетмĕпе Çавал кĕввисем» фестивалĕн лауреачĕ. Ăна Чăваш Республикин Ял хуçалăх министерствин, Культурăпа национальноçсен, информаци политикин тата архив ĕçĕсен министерствин, Тюмень облаçĕнчи чăвашсен «Тăван» ассоциацийĕн, «Раççейри пенсионерсен пĕрлĕхĕ» обществăлла организацин районти уйрăмĕн, Нестер Янкас ячĕллĕ культурăпа искусство тата литература пĕрлĕхĕн тата ытти нумай обществăлла тытăмсен Хисем хучĕсемпе чысланă.
Ефимов Лев Архипович аслă шкул вĕренÿçине, истори наукисен докторне, Чăваш патшалăх педагогика университечĕн профессорне, Чăваш наци академийĕн чăн пайташне Чăваш Республикин Красноармейски районĕн энциклопедине кăларма сумлă тÿпе хывнăшăн. Лауреат ятне пама Чăваш Республикинчи таврапĕлÿçĕсен Союзĕн Красноармейски районĕнчи уйрăмĕ тăратнă.
Вăл 1953 çулхи декабрĕн 3-мĕшĕнче Чăваш Республикин Элĕк районне кĕрекен Какаç ялĕнче çуралнă. Муркаш районĕнчи Тивеш шкулĕнче, Чăваш патшалăх университечĕн историпе филологи факультетне пĕтернĕ, аспиратурăра тата докторантурăра вĕреннĕ. 25 çул хушши Элĕк районĕнчи Чăваш Сурăм вăтам шкулĕнче историпе обществознании учителĕнче, директор çумĕнче тата директорта вăй хунă. 2000 çултанпа Чăваш патшалăх педагогика университетĕнче отечествăлла тата пĕтĕмĕшле истори кафедринче профессорта тимлет. Ку таранччен 2200 публикаци хатĕрлесе кун çути кăтартнă, 330 наука ĕçĕ пичетленĕ, çав шутра 18 монографи, 40 вĕренÿ кĕнеки. Вĕсен пĕтĕмĕшле тиражĕ – 680 пин экземпляр. Красноармейски районĕшĕн тунă чи сумлă ĕçĕ – район энциклопедийĕ. Вăл унăн наука редакторĕ тата составителĕ. Вăл М.П. Петров, К.В. Элле ячĕллĕ премисен лауреачĕ, Пĕтĕм Раççейри таврапĕлÿлĕх конкурсĕсен лауреачĕ. Паллă учёнăй Элĕк районĕн хисеплĕ гражданинĕ, Чăваш наци академийĕн чăн пайташĕ тата унăн вице-президенчĕ, Пĕтĕм тĕнчери педагогика пĕлÿлĕхĕн член-корреспонденчĕ.
Михайлова Зинаида Петровна педагог-сăвăçа, Чăваш наци конгресĕн районти уйрăмĕн председательне, Раççей пĕтĕмĕшле вĕрентĕвĕн хисепĕ ĕçченне, Чăваш Республикин тава тивĕçлĕ учительне чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн, «Чун ăшши» сăвă кĕнекишĕн. Лауреат ятне пама Чăваш наци конгресĕн Красноармейски районĕнчи уйрăмĕ тăратнă.
Зинаида Петровна 1959 çулхи нарăсăн 1-мĕшĕнче Тутарстанри Аксу районĕнчи Савкаç (Савгачево) ятлă чăваш ялĕнче çуралнă. Ялти вăтам шкулта, И.Н.Ульянов ячĕллĕ Чăваш патшалăх университечĕн историпе филологи факультечĕн чăваш уйрăмĕнче вĕреннĕ. Элĕк районĕнчи Юнтапари сакăр çул вĕренмелли шкулта, Вăрнар районĕнчи Вăрманкасри вăтам шкулта, Красноармейски районĕнчи Красноармейски 1-мĕш номерлĕ вăтам шкулĕнче (халĕ Трак шкулĕ) ĕçленĕ. Хальхи вăхăтра (37-мĕш çул ĕнтĕ, шкул уçăлнăранпах) Красноармейски пĕтĕмĕшле пĕлÿ паракан вăтам шкулĕнче чăваш чĕлхипе литератури вĕрентет.
Тăван чĕлхене вĕрентнипе пĕрлех 10 çул ачасен «Кăмăлпи» фольклор ушкăнне ертсе пынă. Çак ушкăнпа вăл Чулхулара, Пушкăртстанри Пелепей районĕнчи Слакпуç ялĕнче (Нарспи çĕр-шывĕнче), Чăваш наци конгресĕ йĕркеленĕ «Берлинри чăваш культурин кунĕсенче» (Германи çĕр-шывĕ) пулнă, курма пыракансене чăваш халăх юрри-ташшипе савăнтарнă. «Кăмăлпи» фольклор ушкăнĕ – Нестер Янкас ячĕллĕ преми лауреачĕ. Халĕ, 17 çул ĕнтĕ, районти ачасен пултарулăх çурчĕ çумĕнчи «Кăмăл» литературăпа краеведени вĕренÿ пĕрлешĕвне ертсе пырать. Ку пĕрлешÿре хушма пĕлÿ илекен ачасен сăвви-калавĕсем район тата республика хаçачĕсенче пичетленеççĕ. Пултаруллă кăмăлçăсем район тата республика йĕркелесе ирттерекен тĕрлĕ конкурссенче, олимпиадăсенче, фестивальсенче, наукăпа практика конференцийĕсенче хастар хутшăнаççĕ, малти вырăнсене çĕнсе илеççĕ.
2018 çулта унăн "Чун ăшши" кĕнеки пичетленсе тухрĕ. Ку кĕнекене унăн тĕрлĕ вăхăтра çырнă сăввисене кĕртнĕ. Вĕсем шкул пурнăçне, вĕрентÿпе воспитани ĕçне çутатса параççĕ. Юратупа пейзаж лирики, гражданла лирика та палăрать. Туслăх, сапăрлăх, çынлăх темисене хускатнă хайлавсем те пур.
Педагогикăри çитĕнÿсемшĕн Чăваш наци академийĕн Геннадий Волков медальне тата чăвашлăха аталантарас ĕçре пысăк тÿпе хывнăшăн Нестер Янкас ячĕллĕ пĕрлĕхĕн «Чăвашлăха аталантарнăшăн» медальне тивĕçнĕ.
«Газпром трансгаз Нижний Новгород» чикĕллĕ яваплăхлă обществăн филиалĕн – «Заволжский ЛПУМГ» предприятин «Заволжский» клубне чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн. Лауреат ятне пама «Газпром трансгаз Нижний Новгород профсоюз» – «Заволжский ЛПУМГ» предприятин пĕрлештернĕ пуçламăш организацийĕ тăратнă.
Клубра пĕтĕмпе 19 пултарулăх коллективĕ ĕçлет, вĕсене 10 культура ĕçченĕ ертсе пырать. Вĕсенчен виççĕшĕ – Чăваш Республикин культурăн тава тивĕçлĕ ĕçченĕ. Пултарулăх ушкăнĕсене 441 çын çырăннă. Пурĕ пилĕк коллектив «Халăх пултарулăх ушкăнĕ» ята тивĕçнĕ: халăх хорĕ, «Апрель» ВИА, «Юность» ача-пăча ташă ушкăнĕ, «Радуга» ача-пăча театрĕ тата «Пÿрнеске» ача-пăча кружокĕ. Çак коллективсем Пĕтĕм тĕнчери, Раççейри тата Чăваш Республикинчи тĕрлĕ конкурссенче çĕнтереççĕ. Район центрĕнче пурăнакан халăх валли те сахал мероприятии йĕркелет клуб. 2018 çулта кăна 150 кану каçĕпе тĕрлĕ мероприяти ирттернĕ.
«Карай ен» фольклор ушкăнне, чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн. Лауреат ятне пама Красноармейски районĕнчи Карай ял тăрăхĕн депутатсен пухăвĕ тăратнă.
«Карай ен» фольклор ушкăнĕ 2009 çулта йĕркеленнĕ. 2018 çулта ял халăхĕн канăвне йĕркелесе вĕсен умĕнче 18 концерт лартса панă, вĕсенчен 5-шне - район тулашĕнче. Сăмахран, Элĕк тата Шупашкар районĕсенче, Шупашкарти оперăпа балет театрĕнче Ильин Анатолий Владимирович режиссёрăн чыслав каçĕнче тата Шупашкарти тракторостроительсен керменĕнче Владимир Витальевич Леонтьев эстрада юрăçин чыслав каçĕнче. Ансамбльте юрлакансем – яли çынсем: ял хуçалăх ĕçĕн ветеранĕсем, педагогика ĕçĕн ветеранĕсем, суту-илÿре тата ветеринарии ĕçĕнче тимлесе тивĕçлĕ канăва тухнисем, предпринимательсем.
Владимир Витальевич Леонтьев 1968 çулхи апрелĕн 27-мĕшĕнче Красноармейски районне кĕрекен Карай ялĕнче çуралнă. 1975-85 çулсенче Карай вăтам шкулĕнче пĕлÿ пухнă, ун хыççăн Совет Çарĕн ретĕнче хĕсметре пулнă. 1988-92 çулсенче Шупашкарта, Ф.П. Павлов ячĕллĕ музыка училищинче юрă-кĕвĕ ăсталăхне туптанă. 1992 çултан пуçласа Чăваш патшалăх юрăпа ташă ансамблĕнче тата Чăваш патшалăх академи капеллин йышĕнче хăйĕн пултарулăхне кăтартнă. 1999 çултанпа вара - чăваш эстрада артисчĕ. 2000-05 çулсенче Шупашкарти культурăпа искусство институтĕнче пĕлĕвне тарăнлатнă, опера юрăçи, камерлă юрăç тата вокал искусствин преподавателĕн специальноçĕсене алла илнĕ. 20 çул ытла чăваш эстрада сцени çинче пулнă май юрăç Шупашкарти Культура çуртĕнче 80 ытла концерта хутшăннă. Унăн пултарулăхĕпе Мускав, Тутарстан, Пушкăрт, Тюмень, Чĕмпĕр, Самара, Оренбург тата ытти регионсенчи чăвашсем паллашнă. Унăн репертуарĕнче 100 ытла чăваш тата вырăс юррисем, вĕсенчен 20-мĕшĕ - халăх юррисем. Хăй те юрăсем çырать, пурĕ 30 яхăн юрă çырса кĕвĕленĕ.
Михайлова (Филиппова) Лидия Михайловна журналиста, сăвăç-çыравçăна, «Тăван Атăл» журнал редакторне, филологи наукисен кандидатне, Чăваш Республикинчи Профессиллĕ писательсен пĕрлĕхĕн председательне 2019 çулта Трак тăрăхĕнчи çыравçăсен хайлавĕсене кун çути кăтартнăшăн тата юлашки вăхăтра пичетленнĕ «Чун таппи» (2015), «Заколдованная черёмуха» (2019) кĕнекисемшĕн. Лауреат ятне пама Чăваш Республикин Красноармейски районĕнчи Нестер Янкас ячĕллĕ культурăпа искусство тата литература пĕрлĕхĕ тăратнă.
Петров Сергей Германович эстрада юрăçине, композитора, педагога 2019 çулта чăваш юрри-кĕввине Раççей Федерацийĕн тĕрлĕ регионĕсенче анлă сарнăшăн, Трак ен халăхне хăйĕн ăсталăх-пултарулăхĕпе паллаштарнăшăн. Лауреат ятне пама Чăваш Республикинчи «Эстрада юрăçисен пĕрлĕхĕ» тăратнă.
Волкова Роза Семёновна сăвăç-юрăçа, çыравçăна тата композитора, педагогика ĕçĕн ветеранне, Анатолий Емельянов ячĕллĕ преми лауреатне чăваш халăхне илемлĕ юрăсем парнеленĕшĕн, «Улмуççи шап-шурă çеçкереччĕ» (2014), «Хăçан тĕл пулăпăр?» юрă кĕнекисемшĕн. Лауреат ятне пама Чăваш Республикин Цифра аталанăвĕпе информаци политикин тата массăллă коммуникацисен министерствин «Красноармейски районĕн «Ял пурнăçĕ» хаçат редакцийĕ» хăй тытăмлă учрежденийĕ тăратнă.
Сергеев Геннадий Сергеевич халăх пултарулăх тата шÿт ăстине, Красноармейскинчи Культура çурчĕ çумĕнчи Халăх хорĕн юрăçине тата Халăх театрĕн артистне 2019 çулта Трак ен халăхне хăйĕн иксĕлми пултарулăхĕпе паллаштарса тăнăшăн, халăх пултарулăхне аталантарас ĕçре сумлă тÿпе хывнăшăн, обществăлла ĕçсене хастар хутшăннăшăн. Лауреат ятне пама Красноармейскинчи Культура çуртĕнчи Халăх театрĕн, Халăх хорĕн тата унта ĕçлекен культура ĕçченĕсен пĕрлехи пухăвĕ тăратнă.
Фёдорова Эльвира Ивановна халăх пултарулăх ăстине, Красноармейскинчи Культура çурчĕ çумĕнчи «Трак ен» фольклор ушкăнĕн, Халăх хорĕн тата Ĕç ветеранĕсен хорĕн юрăçине 2019 çулта Трак ен халăхне хăйĕн иксĕлми пултарулăхĕпе паллаштарса тăнăшăн, халăх пултарулăхне аталантарас ĕçре сумлă тÿпе хывнăшăн, обществăлла ĕçсене хастар хутшăннăшăн. Лауреат ятне пама Чăваш Республикин Красноармейски районĕнчи «Культура тата библиотека ĕçне аталантаракан центр» муниципаллă бюджетлă культура учрежденийĕ тăратнă.
Ефимов Лев Архипович аслă шкул вĕренÿçине, истори наукисен докторне, Чăваш патшалăх педагогика университечĕн профессорне, Чăваш наци академийĕн чăн пайташне Чăваш Республикин Красноармейски районĕн энциклопедине кăларма сумлă тÿпе хывнăшăн. Лауреат ятне пама Чăваш Республикинчи таврапĕлÿçĕсен Союзĕн Красноармейски районĕнчи уйрăмĕ тăратнă.
Михайлова Зинаида Петровна педагог-сăвăçа, Чăваш наци конгресĕн районти уйрăмĕн председательне, Раççей пĕтĕмĕшле вĕрентĕвĕн хисепĕ ĕçченне, Чăваш Республикин тава тивĕçлĕ учительне чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн, «Чун ăшши» сăвă кĕнекишĕн. Лауреат ятне пама Чăваш наци конгресĕн Красноармейски районĕнчи уйрăмĕ тăратнă.
«Газпром трансгаз Нижний Новгород» чикĕллĕ яваплăхлă обществăн филиалĕн – «Заволжский ЛПУМГ» предприятин «Заволжский» клубне чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн. Лауреат ятне пама «Газпром трансгаз Нижний Новгород профсоюз» – «Заволжский ЛПУМГ» предприятин пĕрлештернĕ пуçламăш организацийĕ тăратнă.
«Карай ен» фольклор ушкăнне, чăваш литературипе искусствине тата культурине аталантарас енĕпе уйрăмах палăрнăшăн, 2018 çулхи пултарулăх ĕçĕнче çитĕнÿсем тунăшăн. Лауреат ятне пама Красноармейски районĕнчи Карай ял тăрăхĕн депутатсен пухăвĕ тăратнă.
Владимир Витальевич Леонтьев 1968 çулхи апрелĕн 27-мĕшĕнче Красноармейски районне кĕрекен Карай ялĕнче çуралнă. 1975-85 çулсенче Карай вăтам шкулĕнче пĕлÿ пухнă, ун хыççăн Совет Çарĕн ретĕнче хĕсметре пулнă. 1988-92 çулсенче Шупашкарта, Ф.П. Павлов ячĕллĕ музыка училищинче юрă-кĕвĕ ăсталăхне туптанă. 1992 çултан пуçласа Чăваш патшалăх юрăпа ташă ансамблĕнче тата Чăваш патшалăх академи капеллин йышĕнче хăйĕн пултарулăхне кăтартнă. 1999 çултанпа вара - чăваш эстрада артисчĕ. 2000-05 çулсенче Шупашкарти культурăпа искусство институтĕнче пĕлĕвне тарăнлатнă, опера юрăçи, камерлă юрăç тата вокал искусствин преподавателĕн специальноçĕсене алла илнĕ. 20 çул ытла чăваш эстрада сцени çинче пулнă май юрăç Шупашкарти Культура çуртĕнче 80 ытла концерта хутшăннă. Унăн пултарулăхĕпе Мускав, Тутарстан, Пушкăрт, Тюмень, Чĕмпĕр, Самара, Оренбург тата ытти регионсенчи чăвашсем паллашнă. Унăн репертуарĕнче 100 ытла чăваш тата вырăс юррисем, вĕсенчен 20-мĕшĕ - халăх юррисем. Хăй те юрăсем çырать, пурĕ 30 яхăн юрă çырса кĕвĕленĕ.
