РФ журналистсен Союзĕн членĕ. Районти культурăпа искусствăна аталантарас ĕçре уйрăмах палăрнăшăн, 2008 çулта тăван районăн социаллă-экономикăлла пурнăçĕ çинчен çырнă публицистикăлла матералсемшĕн тивĕçнĕ (2008). 

Тăван тăрăхран пахи те çывăхраххи урăх çук. Виктор Михайлович Данилов журналистшăн та Еншик Чуллă тăрăхĕнчи Аслă Чуллăран хаклăраххи, пархатарлăраххи урăх çук. Кунти кашни вырăн, кĕтес, урамĕпе çырми-çатри, улăх-çаранĕ унăн чĕри варĕнче вырнаçнă. Унпа вĕсем хăйсен ентешĕ ку тăрăха çаврăнса çитсен, чуна уçса ăшшăн та тарават сăмахлаççĕ кашниех.
Виктор Данилов Аслă Чуллăра 1957 çулхи февралĕн 24-мĕшĕнче çуралнă. Ашшĕпе амăшĕ иккĕшĕ те чăн-чăн çĕр ĕçченĕсем, пилĕк-çурăма авса тăван хуçалăхăн тĕрекне çирĕплетес шухăш-кăмăлпа ĕçлесе пурăннă çынсем пулнипе паллă. 
Ашшĕ — Михаил Данилович, шел пулин те, 1994 çулта çĕре кĕнĕ. Амăшĕ — Лидия Васильевна — 1934 çулта çуралнă. Халь кил-çуртра пĕр-пĕчченех кăштăртатса пурăнать. Тăватă ача: виçĕ ывăл та пĕр хĕр пăхса çитĕнтернĕ Даниловсем. Чи асли — Виктор. Ун хыççăнхи — Юра. Тăван ялта кил-çурт çавăрнă. Леня — Шупашкарта электрик пулса ĕçлет, Ольга Çĕнĕ Шупашкарта строительте вăй хурать. 

«Доррис» УАО фирмăн нумай тиражлă «Механизатор» хаçат редакторĕ. РФ журналистсен Союзĕн членĕ. Марк Аттай поэт, Виталий Петров юрăç, Чăваш халăх поэчĕ Юрий Сементер ентешсен пурнăçĕпе пултарулăхне халалланă, 2008 çулта кун çути кăтартнă «Три струны» («Виçĕ хĕлĕх») кĕнекешĕн тивĕçнĕ (2008).

Раççей Журналистсен союзĕн членĕшĕн, Чăваш Республикин культурăн тава тивĕçлĕ ĕçченĕшĕн А.Яковлевшăн иртнĕ çул пысăк çитĕнÿпе палăрса юлнă: "Дорисс” акционерсен уçă обществин "Механизатор” хаçачĕн редакторĕнче тăрăшакан Александр Васильевич пĕлтĕр "Татьяна Рощина и ее дети. Книга о династии строителей” тата "Курсом обновления” кĕнекесем пичетлесе кăларчĕ. Вĕсем строительсен, механизаторсен, çул-йĕр ăстисен нумай енлĕ ĕç-хĕлне çутатаççĕ. 2008 çул вĕçĕнче А.Яковлевăн виççĕмĕш кĕнеки "Виçĕ хĕлĕх” /"Три струны”/ ятпа вулакан патне çитрĕ. Вăл виçĕ ентешĕн пултарулăхне туллин сăнлать. Кĕнеке ум сăмахĕнче Красноармейски район пуçлăхĕ С.Николаев искусство çыннисен ăс-хакăл пултарулăхне тăван кĕтесри Кĕçĕн Шетмĕ, Мăн Шетмĕ, Ункă, Мăн Çавал юхан шывĕсем пуянлатма вăй-хал парса тăнине палăртать.
Автор Марк Аттай сатирик /Çĕньял Упи ялĕ/, Виталий Петров юрăç /Кĕçĕн Шетмĕ/ тата Юрий Сементер сăвăç /Танăш ялĕ/ пирки пуян материал пухнă, унпа питĕ виçеллĕ, ăста усă курнă. Марк Аттайпа пĕр ялтан пулнăран ун çинчен нумай пĕлет, тĕплĕн çырса кăтартать. 
РФ тата ЧР тава тивĕçлĕ артисчĕпе Виталий Петровпа Красноармейскинчи вăтам шкулта пĕрле вĕреннĕ автор. Çавăнпах Кĕçĕн Шетмĕ шăпчăкĕ пирки ăшшăн аса илет. 
А.Яковлев хăйĕн аслă юлташĕпе - Чăваш халăх поэчĕпе Юрий Сементерпе чăннипех мăнаçланнине пĕлтерет, пултаруллă сăвăç-юрăç çинчен ăш пиллĕ сăмахсемпе каласа парать. Кунтах Юрий Семеновичăн чăвашла тата вырăсла пичетленнĕ, вăл куçарнă кĕнекесен списокне, Пушкăрт халăх поэчĕ Мустай Карим, Станислав Репьях сăвăç, "Нарспи” поэмăна якутла куçарнă Семен Руфов ентешĕн ăсталăхне хакласа çырнисене тата унăн сăввисене тупса вулама пулать.