Ял-йышсем
вăрçа ăсатрĕç
Вăй
питти арçынсене.
Нимĕçе
вĕсем тустарчĕç,
Шеллемерĕç
хăйсене.
Куçмасем
пăхса ÿстернĕ
Хăйсен
пилĕк ывăлне.
Çитĕнтернĕ
те çитернĕ
Хĕвел
анăç чиккине.
Ялта
паллă ал ăстиччĕ
Аслă
ывăлĕ Йăван.
Иккĕмĕш
– Антон ятличчĕ,
Агроном
- çĕрпе пуян.
Таврара
пурте пĕлетчĕç,
Захара
– виççĕмĕшне.
Именкассине
çÿретчĕ
Вĕрентме
ачасене.
Шурă
халатпа çÿретчĕ
Кĕçĕн
ывăлĕ Хĕлип.
Сиплеме
ăста пĕлетчĕ,
Çыпăçман
нихçан та грипп.
Упине
ĕçе утатчĕ
Çамрăк
вăй питти ача.
Хăй
ĕçне вăл юрататчĕ -
Астăвать
ача-пăча.
- Çырура
халь пĕлтеретĕп,
Аллă
çухрăм Берлинтан.
Эп
киле часах çитетĕп,
Салам
йышăнăр манран.
Юлашки
çыру çак пулчĕ,
Халĕ
- ĕмĕрлĕх хыпар.
Медицина
лейтенанчĕ
Пулчĕ
пирĕншĕн – сăнар.
Амăшне
пăхма килмерĕç,
Пуçне
хучĕç вăрçăра.
Куçĕсем
типме пĕлмерĕç
Ватă
амăшĕн вара.
Йăван
Яккăльч трактористчĕ
Сухаланă
уй-хире.
Вăрçăра
хастар танкистчĕ.
Паман
канăç ирсĕре.
Тупăран
персе çунтарнă
Вăл
кĕтмен хăнасене.
Гусеницăпа
тустарнă
Юлнă
шăм-шаккисене!
Паттăр
кÿршĕ килеймерĕ
Каялла,
ÿснĕ яла.
Куçĕ
мăшăрĕн типмерĕ.
Юлчĕ
Ольга суккăра…
Купăсне
аван калатчĕ
Тухсан
вăйă картинче.
Ташлама
та пултаратчĕ -
Пулман
канăç чĕринче.
Кÿршĕре
Калли пурнатчĕ
Вăл
та юлчĕ вăрçăра.
Лашапа
ялан çÿретчĕ,
Хăй
ĕçлетчĕ конюхра.
Ухванеç
Унтри вырнаçнă,
Çилармань
Туçи çумне.
Кăмăллă
ялан калаçнă,
Йăмра
лартнă пÿрт умне.
Танкĕпе
вăл «сухаланă»
Нимĕç
окопĕсене.
Пĕрле
хăй те çунса кайнă,
Курайман
ачисене.
Йăмрасем
халь те ÿсеççĕ,
Хăрайман-ха
тымартан.
Хуçи
çукшăн хурланаççĕ,
Килмен
вăл та вăрçăран.
Урам
урлă пурăнатчĕ
Ялта
ятлă Микулай!
Тем
те пĕр тума пĕлетчĕ,
Капан
тунă вăл нумай.
Пысăк
хуйхă пырса çапрĕ
Унăн
пурнăç «кăшăлне».
Ывăлне
вăрçа ăсатрĕ,
Хуçрĕ
хăйĕн кăмăлне.
Йăванне
пит юрататчĕ,
Çавăрасшăнччĕ
кил-çурт.
Пурине
туса хурсаччĕ,
Татрĕ
ĕмĕтне çич ют.
Микихвер
мучин Лекçейĕ
Вилчĕ
иртнĕ вăрçăра.
Унăн
ывăлĕн –Ленккийĕн,
Чапĕ
тухрĕ Раççейре!
Охванеç
Унтри кÿршийĕ
Пулнă
Шурă Лариван.
Иккĕмĕш
тĕнче вăрçийĕ
Кÿнĕ
ăна та суран!
Икĕ
ывăл таврăнмарĕ
Çакă
Аслă вăрçăран.
Чăтайман
чĕре тымарĕ,
Юн
хĕстернĕ кăкăртан.
Сталинград
çĕрне çунтарнă
Нимĕç
вăрă-хурахсем.
Йăван
паттăра пытарнă,
Сывă
юлнă салтаксем.
Йăван,
Хветĕр пуçне хунă
Çакă
юнлă вăрçăра.
Ватă
амăш тăрса юлнă –
Пуçĕ
унăн шап-шурах.
Михала
Раманччă пулнă
Çарта
аслă политрук.
Кунта
вăл та выртса юлнă,
Кĕтнĕ
арăмĕ Анюк.
Раман
Çитăрччă пурнатчĕ
Пĕчĕк
ферма çуртĕнче.
Ывăл
килессе шанатчĕ,
Хурланатчĕ
ăшĕнче.
Килĕнче
Карачăмсен те
Ялан
пурнăçĕ ăнман.
Нумайччен
выртса йĕрсен те
Элекçейĕ
таврăнман.
Паянхи
пек астăватăп
Ялан
Вихтăр пиччене.
Ял-йышпа
эп ăсататăп
Çав
кун вăрçă чиккине.
Шут
ĕçне ăста вĕренчĕ,
Юрататчĕ
çак ĕçе.
Тискер
нимĕçĕ вĕлерчĕ,
Çирĕ
каччăн пурнăçне.
Ертÿçре
нумай тимленĕ
Ятлă-сумлă
çын – Тавит.
Вăй
хурса вăл илемлетнĕ
Савнă
ялăн сăн-питне!
Вăрçăра
вилнин хыпарĕ
Упранать
паян кунччен.
Асăмра
юлчĕ сăнарĕ,
Ырă
ячĕ ун çинчен.
Кĕркури
мучин Макарĕ
Ÿснĕ
Куçмасен енче.
Çак
вăрçа вăл тухса кайрĕ,
Ячĕ
юлчĕ ял çинче.
Пĕр
кунтах вăрçа ăсатрĕç
Пĕрле
ÿснĕ Якурпа.
-
Килеймес,- тесе каларĕç,
Сывпуллашрĕç
ял-йышпа.
Шÿтлемешкĕн
юрататчĕ
Яланах
Якур пичче.
Лармана
час-час пыратчĕ,
Нихăçан
пулман кичем.
Вак
укçа вара паратчĕ
Пĕчĕкçĕ
шăхличсене.
Тем
те пĕр калаттаратчĕ
Илĕртесшĕн
хĕрсене.
Вилĕмĕ
ăна тĕл пулчĕ
Аслă
вăрçă хирĕнче.
Йăл
кулли çеç тăрса юлчĕ
Манăн
куçăм умĕнче.
Çывăх
кÿршĕллĕ пурнатчĕ
Çерук
арăм – мăнакай.
Ачисемшĕн
кулянатчĕ,
Тÿснĕ
хурлăха самай.
Ывăлне
ялан мухтатчĕ -
Юрататчĕç
пикесем!
Вальккă
сарă, хитре каччă –
Кăн-кăвакчĕ
куçĕсем.
Тăшмана
вăл хирĕç тăнă,
Хăраман,
ятне яман!
Чĕрине
тивсен те «сăнă»
Пурпĕр
ним те каламан!
Якушсен
асли – Йăванĕ
Ÿснĕ
ачаран йăваш.
Тăшмана
çунтараканĕ -
Паттăр
пулнă çак чăваш.
Пулемечĕпе
«ислетнĕ»
Урса
кайнă тăшмана.
Мĕншĕн-ши
вăл хăй те пĕтнĕ?
Манас
çук нихçан ăна!
Ватă
амăш суккăрланчĕ,
Макăрса,
йĕрсе пĕрмай,
Куç
хупсассăн тин шăпланчĕ,
Тен,
пурнатчĕ пуль самай?
Павел
Александрч çурчĕ
Ларать
Шетмĕ хĕрринче.
Хăй
вара нумай хĕн курчĕ,
Суран
юлчĕ чĕринче.
Пурнăç
çулĕ пулман тикĕс
Пурпĕрех
пуçне усман,
Вăл
хурса хăварнă никĕс,-
Ларать
çирĕп – усăнман!
Ялтăраççĕ «çирĕм çăлтăр»,*
Çутатаççĕ
ял сăнне.
Вилĕмсĕр
ятсем, куратăр,
Асра
тытăр вĕсене.
Ача
чух куçпа курнийĕ
Ватлăхра
кулянтарать.
Вăт
çапла пурнăç нушийĕ
Чĕрене
ыраттарать.
--------------------------------------------
*«Çирĕм
çăлтăр»- ентешĕмсенчен 20 паттăр иртнĕ вăрçă хирĕнчен киле таврăнайман. Вĕсен çутă
сăнарĕ пирĕн чĕресенче упранĕ.
Çăлкуç: http://КУН-ÇУЛ СЫППИСЕМ | 
