Асран
каймасть Казак çырми.
Вăл
Шетмĕ шывĕн пĕр юппи.
Хăват
илет Çÿреметрен,
Мухтать
ăна иртен-çÿрен.
Авкаланать
çырма хĕрри,
Ытла
нумай кукри-макри.
Ик
айккипе симĕс çаран,
Чупаттăмăр
кунта çарран.
Хирте
тыр-пул пиçсе çитсен,
Çул
тытнă пурте вырмана.
Çан-çурăма
хĕвел вĕтсен,
Чупса
анаттăм çырмана.
Таса
шывра чăма-чăма,
Кĕртеттĕм
вăйăм-халăма.
Унтан
каллех çурла тытса,
Выраттăм
тырă тăрăшса.
Казак
çырми тепĕр енче,
Савни
пурнатчĕ килĕнче.
Кайма
тăрсассăн çуркунне,
Ялан
хываттăм каççине.
Ачалăх
хыççăн яш ĕмри…
Асран
тухмасть Казак çырми.
Вăл
юлчĕ манăн чĕрере,
Тивĕç
юлма поэзире!
Çăлкуç: http://КУН-ÇУЛ СЫППИСЕМ | 
