|
Асламăш
Ир вăратнă Сашăна, —
Каймалла ача садне.
Макăрса: "Ман вырăна
Кай-ха!” — тет асламăшне.
Ырă ватă йăл кулса
Пуçран шăлчĕ мăнукне.
Вăранмасăр калаçса
Тĕлĕк курчĕ каçхине:
Вăл мăнукĕ вырăнне
Кайнă пек ача садне.
Вĕçелис, Çеруш, Кирук,
Аня, Кĕркури, Уртем,
Павăл, Петĕр, Кĕтерук —
Пурте пĕлнĕ ачасем.
Мечĕк хыççăн хĕвĕшсе
Чупрĕç пек ăмăртмалла.
Çирĕ пек килĕштерсе
Çуллă пăтă кăнтăрла.
Тепĕртак пур-и? — тесе
Ыйтрĕ пек те — вăранса
Кайрĕ çур çĕр çитеспе.
Пÿлĕмре кăн-кан пăхса
Ларчĕ ыйхă тĕлĕшпе.
| | Категори: Николай Карай пултарулăхĕ | Кам хушнă: mixaj_58 (09.04.2012)
| Автор: Николай Карай
| | Миçе çын вуланă: 325
| Рейтинг: 0.0/0 |
|
|
|
| Статистика |
Кунта халĕ: 1 Хăнасем 1 Юзерсем 0 |
!--
|
