|
Тăван ялăм — савнă ял
Шетмĕ шывĕ хĕрринче
Ялăм сарăлса ларать.
Унăн тепĕр енĕнче
Сĕм вăрман хÿтлĕх парать.
Çĕнелсех пырать ман ял:
Хăпараççĕ çурчĕсем,
Çĕкленет чунри вăй-хал —
Пултараççĕ çыннисем.
Хамăр ял çине пăхсан —
Мухтанмалăх чăн та пур.
Вăл ÿссе пырать пулсан,
Çыннисем унăн маттур.
Тикĕс шăвать пурăнăç:
Пĕрин çемье хушăнать,
Теприн хăйĕн савăнăç:
Çĕнĕ çурта вăл куçать.
Килĕшет мана ялтах:
Уçă сывлăш-çке тулта,
Тăвансем, туссем пайтах,
Çывăх юлташсем — шкулта.
Юрататăп ялăма,
Пурришĕн ăна тавах!
Ĕмĕр-ĕмĕр савăнма
Чечеклентĕр яланах!
| | Категори: Александра Яковлева, Николай Янгер ячĕллĕ преми лауреачĕ | Кам хушнă: mixaj_58 (28.11.2012)
| Автор: Александра Яковлева, Красноармейски
| | Миçе çын вуланă: 346
| Рейтинг: 5.0/1 |
|
|
|
| Статистика |
Кунта халĕ: 1 Хăнасем 1 Юзерсем 0 |
!--
|
