|
Савнă тăван
Кив сак çине ÿкет сар çулçă
Кĕрхи кунсем çывхарнăран.
Килсе курасшăн чĕрем çунчĕ, –
Хакли мĕн пултăр тăванран.
Сана эп куç тулли куратăп, –
Ытарайми тăран умра.
Сана, тăванăм, аякра та
Туяттăм эпĕ хам çумра.
Салху чухне эп калаçаттăм
Сăну çине пăхса ялан.
Хапха умне чупса тухаттăм,
Кĕтеттĕм çырусем санран.
Кив сак çине ÿкет сар çулçă,
Лар ман çума, савнă тăван.
Сана курсассăн кăмăл тулчĕ,
Чун уçăлчĕ сана курсан.
| | Категори: Николай Карай пултарулăхĕ | Кам хушнă: mixaj_58 (03.07.2009)
| | Миçе çын вуланă: 417
| Рейтинг: 0.0/0 |
|
|
|
| Статистика |
Кунта халĕ: 1 Хăнасем 1 Юзерсем 0 |
!--
|
