И.П.Матвеев 1949 çулта Çĕнĕ Йĕкĕт ялĕнче çуралнă. Упири вăтам шкул хыççăн вăл И.Я.Яковлев ячĕллĕ Чăваш патшалăх педагогика институтĕнчен вĕренсе тухнă. Каярахпа ĕçленĕ хушăрах Чăваш патшалăх университечĕн географи уйрăмĕнчен пĕлÿ илсе тухать. 1976 çултанпа Упири вăтам шкулта ачасене ÿнер, черчени тата ĕç енĕпе вĕрентет. Мĕн ачаран хăй сăн ÿкерчĕксем тума юратнăран, çак ăсталăха çур ĕмĕре яхăн туптаса пынă. Унăн ĕçĕсем районти тата республикăри куравсенче малти вырăнсене йышăннă. Лауреат ятне пама И.П.Матвеева районти "Ял пурнăçĕ” хаçат редакцийĕпе Упири вăтам шкул коллективĕсем сĕннĕ.
|