|
Каталогра пурĕ миçе материал: 627 Пурĕ миçе материал кăтартнă: 591-595 | Страницăсем: « 1 2 ... 117 118 119 120 121 ... 125 126 » |
Кĕтмен-çĕртен йăлтах арканнă Анне телейĕ çуркунне. Çуратнă та – Тÿрех чăрканă Мăн хуйхăпа мана анне.
Ÿкернĕ вăл асăрхамасăр Куççуль тумламĕ ман çине. Эй, Турăçăм, паян та майсăр Туятăп ун йывăрăшне.
|
Куç хупмарĕ çăлтăр ирчченех. /Тÿпере тем чул та ун йышши./ Ун çинче те, Çĕр çинчи пекех, Кунпа Çĕр ытла та шавлă-ши?
Мĕн пулса мĕн килĕ! Эп кайса Пĕлес тетĕп – пусарам чуна. Пĕр самант Çĕр чăмăрне чарса Антарса хăварăр-ха мана.
|
Уй пушаннă, саралнă вăрман... Таврара тем чухлех кĕр палли. Хуларан ялалла каякан ,çлемен кун Автобус тулли.
Хам çума, Хĕсĕнсе те пулин, Лартрăм çамрăк чикан майрине. Хăлхинчи çавра кĕмĕл алкин Çути ÿкнĕ ун пичĕ çине.
Çĕмĕрт куçлă. Пите – выляса Ачашларĕ хура çÿç кăтри. Хăй вĕри. Тарламасăр чăтса Епле пытăр арçын чун-чĕри.
|
Пурнăçа хурлаççĕ кăлăхах, – Юрататăп пурнăçа чунтан. Юратсан та, Темшĕн хам çапах Сахал куртăм ыррине унран.
Ун çинчен апла-капла нихçан Калаçмастăп пурпĕр хурланса. Пурăнса ирттернĕ пурнăçран Уйрăлатăп кăмăллăн кулса.
|
Савăнма, Çĕпĕр, ман Кăмăл пур – суя мар, – Илтĕм эп Чăвашран Пĕр лав çĕнĕ хыпар.
Эп çуралнă ялта Кĕртнĕ газ килсене. Асфальтпа халь тата Витнĕ ял хушшине.
Эппин ку чăн хула, – Ял юлмасть хуларан. Эп курсассăн яла, Тен, паллаймăп сăнран...
Савăнатăп – чуна Хавас кăмăл çĕклет. Ыр ял-йыш хăнана Мана шутсăр чĕнет.
|
|
|
Ыйту | |
Статистика |
Кунта халĕ: 1 Хăнасем 1 Юзерсем 0 |
!--
|