Нестер Янкас ячĕллĕ литературăпа искусство тата культура пĕрлĕхĕн

«Чăваш культурипе искусствине тата литературине аталантарма тÿпе хывнăшăн» («За вклад в развитие чувашской литературы, искусства и культуры») орденне парас енĕпе ĕçлекен комиссин

2023 çулхи раштав уйăхĕн 21-мĕшĕнче иртнĕ ларăвĕн

вăтăр тăваттăмĕш номерлĕ протоколĕ

Комисси йышĕ:

Прокопьев И.А., Нестер Янкас ячĕллĕ пĕрлĕх правленийĕн председателĕ, журналист, çыравçă, таврапĕлÿçĕ, композитор-музыкант, Чăваш Республикин тава тивĕçлĕ культура ĕçченĕ (1994), Н.К. Янкас Премийĕн лауреачĕ (1997), комисси председателĕ.

Данилов В.М. таврапĕлÿçĕ, журналист-публицист, Раççей журналисчĕсен пĕрлĕхĕн пайташĕ (1988), Чăваш Республикинчи журналистсен пĕрлĕхĕн Красноармейски муниципалитет округĕнчи уйрăмĕн секретарĕ, Чăваш Республикин культурăн тава тивĕçлĕ ĕçченĕ (2014), Нестер Янкас ячĕллĕ Преми лауреачĕ (2009), Чăваш халăх академикĕ (2016), Хисеплĕ таврапĕлÿçĕ, Еншик Чуллă ял тăрăхĕн хисеплĕ гражданинĕ, комисси членĕ.

Никоноров Н.М., Красноармейски районĕнчи централизациленĕ клуб системин директорĕ, композитор-музыкант, Красноармейски районĕнчи музыка обществин председателĕ, Нестер Янкас ячĕллĕ пĕрлĕх правленийĕн пайташĕ, Чăваш Республикин тава тивĕçлĕ культура ĕçченĕ (2013), Н.К. Янкас ячĕллĕ Премин лауреачĕ (1999), комисси членĕ.

Комисси тăратнă характеристикăсене хакласа тата ыйтав-сĕнÿсене шута илсе пĕр саслăн çапла йышăну тăвать:

Нестер Янкас ячĕллĕ литературăпа искусство тата культура пĕрлĕхĕн «Чăваш культурипе искусствине тата литературине аталантарма тÿпе хывнăшăн» («За вклад в развитие чувашской литературы, искусства и культуры») орденне çак уйрăм çынна парас:

Нумай çул хушши чăваш культурине аталантарма сумлă тÿпе хывнăшăн тата Н.К. Янкас ячĕллĕ пĕрлĕхĕн нумай енлĕ ĕç-хĕлне 1989-мĕш çултанпа (35 çул хушши!) пĕр чарăнми йĕркелесе пынăшăн, çуралнăранпа 65 çул çитнĕ май Михайлов Виталий Михайлович педагог-краеведа «Чăваш культурипе искусствине тата литературине аталантарма тÿпе хывнăшăн» («За вклад в развитие чувашской литературы, искусства и культуры») орденĕпе чыслама йышăннă.

«Чăваш культурипе искусствине тата литературине аталантарма тÿпе хывнăшăн» орденне парассин чыславне 2024 çулхи нарăс уйăхĕн 22-мĕшĕнче «Янкас вулавĕсем» конференцинче ирттерес.

                    Комисси председателĕ:                        / И.А. Прокопьев /

                    Комисси членĕсем:                               / В.М. Данилов/

                                                                                /Н.М. Никоноров/