Чăваш Республикин культура, национальноçсен ĕçĕн, информаци политикин тата архив ĕçĕсен министерстви пĕлтернĕ тăрăх Чĕмпĕр облаçĕнчи Правительство Пĕтĕм тĕнчери чăваш халăхĕн уявне "Ака туй - 2011" ирттерме граждансен сĕнĕвĕсемпе шухăшĕсене пуçтарать.
2011 çулта июнĕн 1—4-мĕшĕсенче Чĕмпĕр облаçĕнче Пĕтĕм тĕнчери савăнăçлă мероприятие ирттерме палăртнă. Пĕрремĕш хут çак уяв Чăваш Республикин тулашĕнче пулать. Палăртнă тăрăх çак уява Раççей Федерацийĕн 20 субăекчĕн делегацийĕсем, çывăхри чикĕ леш енчи 5 çĕр-шыв тата Раççей ертÿçисен представителĕсем хутшăнаççĕ.
Уява йĕркелекенсем чăваш халăхĕн историйĕ, çутта кăларакансем, йăла-йĕрке, культура, наци тĕпелĕ, литература, çĕнетÿсен хыпарĕсене шута илеççĕ. Чи лайăх сĕнÿсене конкурс йĕркипе суйлаççĕ, çĕнтерÿçĕсене Губернатор ятĕнчен Чĕмпĕр облаçĕнчи Правительствăн представителĕ Сергей Морозов хаклă парнепе чыслать.
Хăвăрăн шухăшсене, фото-видеоматериалсене электронлă почта урлă яма пултаратăр politic@ulgov.ru тата çак адреспа йышăнаççĕ: 432063, Чĕмпĕр хули, Ленин площачĕ,1. Электронлă почта теми çине "Ака туй-2011" тесе палăртмалла. Çыхăну тытма хăвăрăн адреса кăтартăр. Сĕнÿсене Чĕмпĕр Правительствин сайчĕ çине ятарлă формăпа çак адреспа лартма пултаратăр: http://ulgov.ru/feedack/index/akatuy/.

Тĕплĕнрех ыйтса пĕлмелли телефон +7(8422)41-31-48.