Нестер Янкас ячĕллĕ литературăпа искусство тата культура пĕрлĕхĕн
наградăсем парас енĕпе ĕçлекен комиссин
2023 çулхи чÿк уйăхĕн 21-мĕшĕнче иртнĕ ларăвĕн
вăтăр иккĕмĕш номерлĕ протоколĕ
Комисси йышĕ:
Михайлов В.М., Красноармейски вăтам шкулĕн вĕрентекенĕ, таврапĕлÿçĕ, Чăваш халăх академикĕ (2015), Раççей пĕтĕмĕшле вĕрентĕвĕн хисеплĕ ĕçченĕ (2010), Нестер Янкас ячĕллĕ пĕрлĕх правленийĕн председателĕн çумĕ, Н.К. Янкас ячĕлле Преми лауреачĕ (1999), Чăваш халăхĕн ăс-хакăл ăсти (2019), Чăваш наци ăслăлăх тата ÿнер академийĕн лауреачĕ (2023), комисси председателĕ.
Прокопьев И.А., Нестер Янкас ячĕллĕ пĕрлĕх правленийĕн председателĕ, журналист, çыравçă, таврапĕлÿçĕ, композитор-музыкант, Чăваш Республикин тава тивĕçлĕ культура ĕçченĕ (1994), Н.К. Янкас ячĕллĕ Преми лауреачĕ (1997), комисси членĕ.
Данилов В.М. таврапĕлÿçĕ, журналист-публицист, Раççей журналисчĕсен пĕрлĕхĕн пайташĕ (1988), Чăваш Республикинчи журналистсен пĕрлĕхĕн Красноармейски муниципалитет округĕнчи уйрăмĕн секретарĕ, Чăваш Республикин культурăн тава тивĕçлĕ ĕçченĕ (2014), Нестер Янкас ячĕллĕ Преми лауреачĕ (2009), Чăваш халăх академикĕ (2016), Хисеплĕ таврапĕлÿçĕ, Еншик Чуллă ял тăрăхĕн хисеплĕ гражданинĕ, комисси членĕ.
Комисси тăратнă характеристикăна хакласа тата ыйтав-сĕнĕве шута илсе пĕр саслăн çапла йышăну тăвать:
Нестер Янкас ячĕллĕ литературăпа искусство тата культура пĕрлĕхĕн «Нестер Янкас ячĕллĕ пĕрлĕхĕн хисеплĕ пайташĕ» паллăпа çак уйрăм çынна чыслас:
Музыка искусствине аталантарас енĕпе тунă сумлă ĕçсемшĕн, Нестер Янкас ячĕллĕ пĕрлĕхĕн ĕçне хастар хутшăннăшăн композитора тата музыканта, Нестер Янкас ячĕллĕ премийĕн лауреатне Гурий Фёдорович Алексеева (Гурий Яманака) «Нестер Янкас ячĕллĕ пĕрлĕхĕн хисеплĕ пайташĕ» паллăпа чыслама йышăннă.
«Нестер Янкас ячĕллĕ пĕрлĕхĕн хисеплĕ пайташĕ» паллине парассин чыславне 2023 çулхи чÿк уйăхĕн 22-мĕшĕнче савăнăçлă уяв каçĕнче ирттерес.
Комисси председателĕ: /В.М. Михайлов/
Комисси членĕсем: /И.А. Прокопьев/
/В.М. Данилов/
| 
