Нестер Янкас ячĕллĕ литературăпа искусство тата культура пĕрлĕхĕн

«Чăвашлăха аталантарнăшăн» медальне парас енĕпе ĕçлекен комиссин

2023 çулхи кăрлач уйăхĕн 12-мĕшĕнче иртнĕ ларăвĕн

вăтăрмĕш номерлĕ протоколĕ

Комисси йышĕ:

Михайлов В.М., Красноармейски вăтам шкулĕн вĕрентекенĕ, таврапĕлÿçĕ, Чăваш халăх академикĕ (2015), Раççей пĕтĕмĕшле вĕрентĕвĕн хисеплĕ ĕçченĕ (2010), Чăваш халăх ăс-хакăлĕн тава тивĕçнĕ ăсти (2019), Нестер Янкас ячĕллĕ пĕрлĕх правленийĕн председателĕн çумĕ, Н.К. Янкас ячĕллĕ Преми лауреачĕ (1999), комисси председателĕ.

Прокопьев И.А., Нестер Янкас ячĕллĕ пĕрлĕх правленийĕн председателĕ, журналист, çыравçă, таврапĕлÿçĕ, композитор-музыкант, Чăваш Республикин тава тивĕçлĕ культура ĕçченĕ (1994), Н.К. Янкас ячĕллĕ Преми лауреачĕ (1997), комисси членĕ.

Данилов В.М. таврапĕлÿçĕ, журналист-публицист, Раççей журналисчĕсен пĕрлĕхĕн пайташĕ (1988), Чăваш Республикинчи журналистсен пĕрлĕхĕн Красноармейски муниципалитет округĕнчи уйрăмĕн секретарĕ, Чăваш Республикин культурăн тава тивĕçлĕ ĕçченĕ (2014), Нестер Янкас ячĕллĕ Преми лауреачĕ (2009), Чăваш халăх академикĕ (2016), Хисеплĕ таврапĕлÿçĕ, Еншик Чуллă ял тăрăхĕн хисеплĕ гражданинĕ, комисси членĕ.

Комисси тăратнă характеристикăсене хакласа тата ыйтав-сĕнÿсене шута илсе пĕр саслăн çапла йышăну тăвать:

Нестер Янкас ячĕллĕ литературăпа искусство тата культура пĕрлĕхĕн «Чăвашлăха аталантарнăшăн» медалĕпе çак уйрăм çынсене чыслас:

Нумай çул хушши чăваш поэзине аталантарас, халăх театр ăсталăхне районта  çÿллĕ шайра тытса тăнăшăн, ăна куракансене тивĕçлĕ кăтартма пултарнăшăн тата çуралнăранпа 80 çул çитнĕ ятпа Нестер Янкас ячĕллĕ Преми лауреатне Клавдия Ильинична Васильевăна «Чăвашлăха аталантарнăшăн» медальпе чыслама йышăннă.

Нумай çул хушши районти спорта аталантарма пысăк тÿпе хывнăшăн, ирĕклĕ кĕрешÿ енĕпе пуçару туса, ăна çÿллĕ шая çĕклесе çитĕнÿсем тунăшăн, В.Кацов тата В.Степанов воин-интернационалистсен вилĕмсĕр ячĕсене хисеп туса спорт ăмăртăвĕсем йĕркеленĕшĕн тата «Вольник» клуба 40 çул хушши ăнăçлă ертсе пынăшăн Чăваш Республикин тава тивĕçлĕ тренерне Владимир Николаевич Григорьева «Чăвашлăха аталантарнăшăн» медальпе чыслама йышăннă.

«Чăвашлăха аталантарнăшăн» медальне парассин чыслав каçне 2023 çулхи пуш  уйăхĕн  2-мĕшĕнче Красноармейски салинчи Культура çуртĕнче ирттерес.

                    Комисси председателĕ:                        /В.М.Михайлов/

                    Комисси членĕсем:                               /И.А.Прокопьев/

                                                                                   /В.М.Данилов/