|
Каталогра пурĕ миçе материал: 627 Пурĕ миçе материал кăтартнă: 561-565 | Страницăсем: « 1 2 ... 111 112 113 114 115 ... 125 126 » |
Ÿпкелешместĕп эп хама Ку таранччен те Мул пухманшăн. Çак çĕр çинче чуна уçма, Тăван кĕтесĕм, Эс пур маншăн.
Тăван кĕтес, Ĕнен мана, – Чăн, маншăн эс – ял-йыш саламĕ. Мĕнле сăмах тупса Сана Хам юратни çинчен калам эп.
Ик ĕмĕр тур паман çынна. Пĕлетĕп, эпĕ те вилетĕп. Вилсессĕн те – Сан ăшшуна Нÿрлĕ çĕре илсе кĕретĕп.
|
“Çÿп эс!” – Терĕ мана арăм, – Хирĕç ним те калаймарăм.
Пĕр ÿпне çăпан, ара, Ма тухмасть чĕлхи çине. Кам пĕлмест пуль таврара Эпĕ атă ăстине.…
Мĕн вăл атă çĕлесси! Хĕн – Арăма юрасси.
|
Кун пек кам ара хăтлантăр? Хĕрĕхри кăтра Никантăр Качча илчĕ Марьене. Ун çумне, тÿшек çине, Каç пулсассăн хăпăл-хапăл Кĕрсе выртрĕ çурăмпа вăл.
Малтанах Марье чĕнмерĕ, – Шăп выртма та хал çитмерĕ. Хайхине çурăмĕнчен Кÿп! тутарчĕ виç хутчен. – Эй-ай-яй, – терĕ, – ни кантăр, Ни пуса эсĕ, Никантăр.
|
Кинемипе мучи каяççĕ Автобуспа тĕп хулана. Хутран-ситрен калаçкалаççĕ, – Каяççĕ пулĕ хăнана.
Шур çÿçлĕ пуçĕнчи карттусĕ Ÿкес пек чалăшнă мучин. Арпашнă пек тата шур çÿçĕ Ĕшеннĕ сăнлă кинемин.
“Çул самаях-çке ĕшентерчĕ, – Кăшт шуç-ха”, – Терĕ мăшăрне. Мучи çине вăл тĕршĕнтерчĕ Кăшт тĕлĕрес тесе пуçне.
Хутран-ситрен калаçкалаççĕ Юнашарсем хуллен кăна. Кинемипе мучи каяççĕ Автобуспа тĕп хулана.
|
“Маншăн эс – хĕвел кулли”, – Терĕм. Илтрĕн вĕт хăвах. Чечек кăшăль сан валли Турăм пĕр сăмахсăрах.
Анчах санăн савакан Пулнă имĕш мансăрах. Шилеттерчĕ хăлхаран Вăл та пĕр сăмахсăрах.
|
|
|
Ыйту | |
Статистика |
Кунта халĕ: 1 Хăнасем 1 Юзерсем 0 |
!--
|