|
Çĕршыв хĕрĕ, 1938
Курсаттăм эп Карелире
Шап-шурă çурçĕр хурăнне —
Çурта пек тӳрĕ ӳснине.
Çав хурăнран илемлĕрех
Сан кĕлеткӳ, савниçĕм.
Курсаттăм эп Ливадире
Илемлĕ роза чечекне —
Кăвар пек çунаканнине.
Çав розăран чипертерех
Сан сăн-питӳ, савниçĕм.
Курсаттăм эпĕ Тухăçра
Казах пуш хирĕн кăлканне —
Сап-сарă пурçăн пеккине.
Çав кăлканран та сарăрах
Санăн çӳçӳ, савниçĕм.
Курсаттăм эпĕ тайгара
Çурçĕр çĕмĕрчĕн çырлине —
Агат пек çиçекеннине.
Çав çырларан та хурарах
Санăн куçу, савниçĕм.
Хура çунатсене авса,
Чĕкеç вĕçет ак улăхра;
Чĕкеç вĕçмест-мĕн улăхра —
Чĕкеç çуначĕ пек-мĕн сан
Куç харшисем, савниçĕм.
Пăхап та эпĕ сан çине —
Курап çĕршывăн илемне,
Курап çĕршывăн телейне,
Курап çĕршыв пуласлăхне,
Ман тантăшăм, савниçĕм!
| | Категори: Нестер Янкас поэзийĕ: сăвăсем, поэмăсем, калавсем | Кам хушнă: mixaj_58 (24.05.2009)
| | Миçе çын вуланă: 427
| Рейтинг: 0.0/0 |
|
|
|
| Статистика |
Кунта халĕ: 1 Хăнасем 1 Юзерсем 0 |
!--
|
