Ака уйăхĕн 15-30-мĕшĕсенче Пĕтĕмĕшле вăтам пĕлÿ паракан Красноармейски шкулĕнче чăваш чĕлхипе литератури тата тăван ен культури вĕрентекенсем В.М.Михайловпа З.П.Михайлова пуçарнипе тата Красноармейски район администрацийĕн вĕрентÿ пайĕ йĕркеленипе республикăмăрти районсем хушшинче йăлана кĕнĕ "Улăп – 2014: Эпир - Улăп йăхĕнчен!" уçă инçет вăйă конкурс пулать. Кăсалхипе вăл виççĕмĕш хут иртет (2012, 2013).

Ăна Культура çулталăкне, Чăваш чĕлхи кунне тата Раççейпе Чăваш Республикисен тава тивĕçлĕ артисчĕ, паллă чăваш юрăçи В.Е.Петров çуралнăранпа 60 çул çитнине халалланă.

Конкурса Чăваш Республикинчи тата унăн тулашĕнчи 5-11 класра вĕренекен мĕн пур шкул ачи хутшăнма пултарать. Конкурс викторина евĕрлĕ иртет. Вăл тÿлевсĕрех пулĕ. Вăйă-конкурса йĕркелекенсем хушшинче Красноармейски район администрацийĕн вĕренÿпе çамрăксен политикин пайĕ, районти Нестер Янкас ячĕллĕ пĕрлĕх, Чăваш наци конгресĕн районти уйрăмĕ, Виталий Петров музейĕ тата Шупашкарти "Трак ен" ентешлĕх.

Вăйă конкурс çĕнтерÿçисемпе мала тухнисем "Улăп-2014" вăйă конкурсăн электронлă Дипломне çĕнсе илĕç. Çĕнтерÿçĕсене хатĕрленĕ вĕрентекенсем Красноармейски район администрацийĕн вĕрентÿ пайĕн Хисеп хутне тивĕçĕç. 

Тĕплĕнрех