Авăн уйăхĕн 30-мĕшĕнче, тунтикун, районти тĕп вулавăшăн вулав залĕнче районти Н. Янкас ячĕллĕ культурăпа искусство тата литература пĕрлĕхĕн правленийĕн черетлĕ ларăвĕ пулчĕ. Ăна асăннă пĕрлĕх председателĕ И. Прокопьев йĕркелесе пычĕ. Кăçалхи раштав уйă-хĕн 22-мĕшĕнче районти Н. Янкас ячĕллĕ культурăпа искусство тата литература пĕрлĕхне туса хунăранпа 30 çул çитет. Çавна май правлени членĕсем ку юбилее раштав уйăхĕн 24-мĕшĕнче, ытларикун 18 сехет те 30 минутра районти Культура çуртĕнче ирттерме калаçса килĕшрĕç. Уявăн сумлăхне ỹстерес, мăнаçлăхне хăпартас тĕллевпе Н. Янкас ячĕллĕ премин çĕнĕ лауреачĕсене чыслассине те çак мероприяти вăхăтĕнчех йĕркелеме пăхаççĕ, çавăнпах вĕсем пирки калакан материалсене чỹк уйă-хĕн 24-мĕшĕнчен кая юлмасăр йĕркелỹ комитетне тăратма ыйтаççĕ. Ларура Н. Янкас ячĕл-лĕ пĕрлĕхĕн значокĕн (паллин) эскизĕсене пăхса тухса кăмăла кайнине суйласа илчĕç. Çак ыйтупа пĕрлĕх председателĕ И. Прокопьев тата унăн çумĕ, Красноармейскинчи вăтам шкул учителĕ В. Михайлов тухса калаçрĕç. Янкасçăсем çавăн пе-кех хаçат-журнала 2020 çулхи пĕрремĕш çур çул валли çырăнтарас тапхăра пурне те активлăраххăн хутшăнма, республикăри литературăпа культурăн тата искусствăн “Тăван Атăл” журналне (кăçалхи 8-мĕш номерте унта районти Н. Янкас ячĕллĕ пĕрлĕх членĕсене сăмах панă), çавăн пекех районти “Ял пурнăçĕ” хаçата çырăнса илме чĕнсе каларĕç. Ларура кунпа пĕрлех хăш-пĕр ытти ыйтусене те пăхса тухрĕç, тивĕçлĕ йышăнусем турĕç.В. Данилов.
