 Чăваш Республикин культура, национальноçсемпе архив ĕçĕсен министерстви хыпарланă тăрăх культура çулталăкĕн элемне суйланă. Унăн авторĕ — Красноармейскинчи тăрăхсен пĕрлехи информаципе культура центрĕнче тăрăшакан Александр Анатольевич Казаков эрешлевçĕ-художник. Пурĕ çак конкурса çиччĕн хутшăннă иккен, вĕсем республикăн тĕрлĕ тăрăхĕсенче пулнă. 15 тĕсрен пĕрине вара суйланă. Ăсталаканĕ унта 2014 çула чăваш эрешĕсемпе йĕркеленĕ. Пурĕ 3 тĕспе усă курнă: хĕрли шухăш ирĕклĕхне, йăла-йĕркепе халăхăн хăйнеевĕрлĕхĕн управлăхне пĕлтерет, сарри — пĕтĕм тĕнчене ăшăтса çутатакан Хĕвеле, ылтăн тĕс — пуянлăхпа ăнăçлăха.
Сăмах май, кăрлачăн 17-мĕшĕнче Чăваш академи театрĕнче республикăмăрти Культура çулталăкне официаллă лару-тăрура уçрĕç. Унта Чăваш Республикин Элтеперĕ М.В.Игнатьев Александр Казакова конкурсра çĕнтернĕшĕн ятарлă парне-приз парса чысларĕ. Саламлатпăр!
Çыпăçтарнисем: |
