Янкас ячĕллĕ литературăпа искусство тата культура пĕрлĕхĕн «Чăвашлăха аталантарнăшăн»медалĕпе çак уйрăм çынна наградăланă: Чăваш енре, Трак енре тата Карай тăрăхĕнче чăвашлăха аталантармашкăн йĕркелесе ирттернĕ сумлă ĕçсемшĕн, пултарулăх ĕçĕнче хастарлăх тата пуçарулăх кăтартнăшăн, халăх йăли-йĕркине упранăшăн тата музей ĕçне уçма пултарнăшăн Карайри кану çурчĕн ĕçченне (менеджерне) Платонова Любовь Юрьевнăна «Чăвашлăха аталантарнăшăн» медальпе чыслама йышăннă. «Чăвашлăха аталантарнăшăн» медальне парассин чыславне 2024 çулхи юпа уйăхĕн 4-мĕшĕнче Карайри кану çурчĕ уçăлнăранпа 55 çул çитнине халалланă савăнăçлă уяв каçĕнче ирттернĕ.

Чăваш Республикин Красноармейски муниципалитет округĕн Нестер Янкас ячĕллĕ культурăпа искусство тата литература пĕрлĕхĕн ĕçне хастар хутшăннăшăн, культура ĕçĕнче нумай çул хушши тăрăшса ĕçленĕшĕн тата округри культура аталанăвĕн шайне ÿстерме сумлă тÿпе хывнăшăн, çуралнăранпа 60 çул çитнĕ ятпа Красноармейски Культура çурчĕн пултарулăх ертÿçине Римма Владимировна Казаковăна «Чăвашлăха аталантарнăшăн» ("За развитие чувашской культуры") медальпе тата Чăваш наци конгресĕн Красноармейски уйрăмĕн Хисеп хучĕпе чыслама йышăннă.