Чăваш çынни çĕр пин юрă çĕршывĕнче пурăнни хăех темĕнле асамлăх тĕнчин хăйне евĕр ỹкерчĕкне куç умне кăларать. Чăваш уявра кăна мар, ĕçре те юрланă, ачи-пăчине уралантарнă чухне те пепкине унпа “ачашланă”, хăйĕн хуйхи-суйхине юрă-кĕвĕ çемминче пусарнă… Ахальтен мар мĕн авалах ваттисем “Лайăх юрă кулач çине пыл сĕрсе çининчен те ирттерет”, — тесе каламан пуль çав. Чăннипех те çапла ĕнтĕ. Лайăх йăла кивелмест тенешкел, лайăх юрă та нихăçан ватăлмасть. Вăл çунат та хушать, хăйĕн пуянлăхĕпе, мăнаçлăхĕпе чун-чĕрене вырнаçать. Апла пулсан унти тасамарлăха тымарĕ-мĕнĕпех кăкласа тула кăларать, ватлăх çулĕсене манăçтарать. Сăмах çăмхи сỹтĕлет те сỹтĕлет. Манăн та çак çынпа калаçас килсех тăрать. Калаçнăçем сăмаххи вара тупăнсах пырать. Шыв юххи пек вăл. Çак сăмахсене эпĕ Красноармейскинчи Культура çурчĕ çумĕнчи “Трак ен” халăх фольклор ушкăнĕн илемлĕх ертỹçипе, Чăваш Республикин культурăн тава тивĕçлĕ ĕçченĕпе Ник ... Малалла вула

Чăваш чĕлхи уявне эпир тăван халăхăн Аслă вĕрентекенĕ Иван Яковлевич Яковлев çут тĕнчене килнĕ кун ака уйăхĕн 25-мĕшĕнче паллă тăватпăр.

"Тăван чĕлхесĕр чăн-чăн пĕлÿ çук", -- тенĕ Иван Яковлев. Питĕ тĕрĕс каланă чăваш халăхĕн мухтавлă ывăлĕ.

Çуралсанах эпир атте-анне чĕлхипе калаçса тавра курăма анлăлататпăр, хамăр ăc-хакăла пуянлататпăр, чăваш пулнипе хăпартланатпăр, чĕлхемĕре мухтатпăр.

Иван Яковлев «чăн пĕчĕккĕ ĕçе те пит пикенсе, юратса ĕçлĕр» тенине асра тытса чăвашлăха аталантарас ĕçе юратса тусан чăваш чĕлхин шăпине татах та лайăхлатма пултаратпăр. Кашни хăй вырăнĕнче, хăй ĕçĕнче мĕн кирлине тивĕçлĕ шайра туса пырсан тăван чĕлхен хăвачĕ пысăклансах пырĕ.

Чăваш чĕлхи пурне те тăванлăх, пĕрлĕх туйăмĕ парсах тăтăр, наци культурин аталанăвне паха витĕм кÿтĕр. Пуян та çепĕç чĕлхен халă ... Малалла вула