Хĕрлĕ Чутай районĕнчи Сĕнтĕркасси культура çурчĕ умĕнче Пăкачав вăрçи вăхăтĕнче чапа тухнă Некей паттăра халалланă палăка хатĕрлеме пуçланă. 
Хусанушкăнь ял тăрăхĕнчи культура ĕçченĕсемпе депутачĕсем виçĕ кун тăрăшрĕç — малтанхи кун хăрнă улмуççисене касрĕç, тымарĕсене кăкларĕç, кайран вара никĕс ярса палăка вырнаçтармалли тĕпе кирпĕчрен купаларĕç. Халĕ ĕнтĕ палăка вырнаçтармалли çеç юлать.
Некей — Пăкачав вăрçи вăхăтĕнче чапа тухнă чăваш. 1774 çулта вăл Пăкачавпа пĕрле Кăрмăш хулине илме хутшăннă. Ун хыççăн, Пăкачав Улатăр енне кайсан, чăвашсене çĕклес тĕлĕшпе чăваш çĕрне таврăнать. Хусантан çитнĕ çар Кăрмăша ярса илсе унăн тусĕсене тыткăна илнине пĕлсен вăл хулана çитет, юлташĕсене çăлать. Хулара çирĕпленеймен хыççăн Сăр хĕррине куçаççĕ. Некей малалла та вĕсене хирĕç янă вырăс салтакĕсене хирĕç хастар кĕрешет, çарсене пысăк шар кăтартать. Некей çав çулах патша çарне тыткăна лекет, ăна асаплантарса вĕлереççĕ.

... Малалла вула

1966 çулта пичетлесе кăларнă "Чăваш АССР историйĕ” кĕнекере çакăн пек каланă йĕркесем пур: "Хресченсемпе феодалсем хушшинчи хирĕçтăру çивĕчленсе пынăран, 1670—1671 çулсене Степан Тимофеевич Разин ертсе пынă хресчен вăйлă вăрçи патне илсе çитернĕ. Чăваш халăхĕ те, хăйсен хушшинчен пултаруллă çар пуçĕсене суйласа илсе, вĕсене утамансем пулма шаннă. Çав шутра Пайтул Искеев полковник та пур. Вăл Çĕрпÿ уесĕнчи Хуракасси ялĕнчен. Унăн хресчен-пăлхавçăсенчен тăракан пысăк ушкăнĕ патша влаçĕн Ю. Борятинский ертсе пынă çарне хирĕç — Чĕмпĕр хули патĕнче, Д. Борятинскин çарне хирĕç Çĕрпÿ хули, Тусай, Юнтапа, Хуракасси ялĕсем патĕнче хăюллăн çапăçнă”.
Çакăн çинчен 2 ... Малалла вула