Чăваш Республикин культурăн тава тивĕçлĕ ĕçченĕ, Митта Ваçлейĕпе Нестер Янкас премийĕсен лауреачĕ, пирĕн ентеш Геннадий Юмарт тепĕр ырă ĕç турĕ. Геннадий Федорович тăрăшнипе Чăваш кĕнеке издательствинче "Çитĕннĕ вăхăт" кĕнеке кун çути курчĕ. Унта чăвашсене çутта кăлараканăн И. Я. Яковлевăн аса илĕвĕсене чăвашла пичетлесе кăларнă. Вырăсларан ăна шăпах пирĕн ентеш куçарнă та. 
Кĕнеке калăпăшĕпе пысăках мар, унта 62 страница. Вăл "Куçаракан сăмахĕпе" уçăлать, "Ачалăхăм", "Пăрăнтăкра", "Чĕмпĕрти шкул" тата "Гимназире" пайсенчен тăрать, лайăх вуланать. 
Ăна С. А. Бритвина художник ÿкерчĕкĕсемпе илемлетнĕ. И. Яковлев хăй мĕнле ÿснине, Пăрăнтăкри, Чĕмпĕрти шкулсенче, гимназире вĕреннисене, чăвашсен çырулăхне туса хурас ĕçе епле йĕркелесе яма пикеннине, çĕр виçевçинче ĕçленине аса илнисене хумханмасăр вулама çук. 
Ку кĕнекене вăтам тата аслă ушкăнри ачасем валли кăларнă. Вăл шкул ачисене, уйрăмах Яковлевçăсене, питĕ кирлĕ, унпа усă курса тĕрлĕ çыру ... Малалла вула

Çулталăк пуçламăшĕнче Юхма Мишшин «Ултавпа Чăнлăх» кĕнеки пичетленсе тухрĕ.
Чăваш халăх çыравçин, академикĕн çĕнĕ романĕ хамăрăн çулăм чĕреллĕ, революциллĕ саманара пурăннă Çеçпĕл Мишши поэт çинчен. Çырнă чухне автор поэт пурнăçĕпе ĕçĕ-хĕлĕ, вăхăтсăр вилĕмĕ çинчен шыраса тупнă нумай çĕнĕ материалсемпе, ăна астăвакансем каласа панисемпе усă курнă. Автор Çеçпĕл Мишшин амăшĕпе Агафья Николаевнăпа темиçе те тĕл пулса калаçнă, вăл каласа панисене тĕплĕн çырса илнĕ. Вĕсем те Юхма Мишшине хăйĕн геройне туллин те пур енлĕн çутатса пама пулăшнă. Çеçпĕл Мишши çинчен ĕлĕкрех мĕншен элекпĕ, ултавлă сăмахсем пулнине те Юхма Мишши хăйĕн романĕнче питĕ лайăх ăнлантарнă, вĕсене Чанлăх çĕнтернине те ĕненмелле çырса кăтартнă.
Кĕнекене ЧОКЦра туянма пулать. 

Çăлкуç: http://www.chuvash.org/news/1335.html