Утăн 9-мĕшĕнче Чăваш Ен президенчĕ Николай Фёдоров Чăваш халăх ӳнерçине, Раççей Федерацийĕн тава тивĕçлĕ ӳнерçине Праски Виттие уйăхсерен уйрăм пособи тӳлеме хушакан хута алă пуснă.
Праски Витти Вăрнар районĕнчи Малти Ишекре çуралнă.
Унăн пултарулăхĕ нумай енлĕ те анлă. Ӳнер ĕçне вăл студент чухнех хутшăннă. Вĕренсе тухсан (Ленинградри В.И. Мухина ячĕллĕ ӳнерпе промышленность аслă училищĕне петернĕ) малтанхи тапхăрта Пермь кĕнеке издательствинче, каярахпа тĕрлĕ хуласенче (Ижевск, Курган, Тольятти, Самар тата ыт.те) монументалист-ӳнерçĕре ĕçленĕ. 1975 çулта Сызрань хулинче «Мирлĕ ĕç» ятлă панно тунă, ăна Эксперт Канашĕ РСФСРта çав çул тунă монументлă ĕçсенчен чи лайăххи тесе йышăннă. 1985 çултанпа Шупашкара куçса килнĕ. Чăваш художникĕсен пĕрлĕхĕн ... Малалла вула