Чăваш ачисемпе çамрăкĕсен "Тантăш” хаçачĕн юпа уйăхĕн 24-мĕшĕнчи 43-мĕш номерĕн 3—8-мĕш страницисене Янкас ялĕнчи Николай Ершов-Янгера (Нестер Янкас ячĕллĕ Преми лауреатне, çак пĕрлĕхĕн Хисеплĕ ертÿçине) панă. Унăн сăввисемпе И. Степанов, И. Прокопьев, В. Рудникова тата Н. Филимонов композиторсем кĕвĕленĕ 16 юрă кĕнĕ "Пурнăç çулĕ” ятлă 3-мĕш ку кĕнекене.
Автор ăна пичетленĕ укçа шутĕнчен районти тĕп больницăра сипленекенсене, ача-пăча вулавăшне, районти ача сачĕсемпе хăш-пĕр шкула "Тантăш” хаçатпа "Тетте” тата "Самант” журналсем çырăнса панине те ырламаллах.

Д. Викторов