Тăван Трак енре халăх пултарулăхне аталантарас енĕпе тунă сумлă ĕçсемшĕн Нестер Янкас ячĕллĕ пĕрлĕх пайташне, сăвăçа, медицина ĕçченне, Нестер Янкас ячĕллĕ культурăпа искусство тата литература пĕрлĕхĕн пĕрремĕш ертÿçине Раськин Анатолий Антоновича «Чăвашлăха аталантарнăшăн» («За развитие чувашской культуры») медалĕпе чыслама йышăннă.

Трак енре чăвашлăха аталантармашкăн йĕркелесе ирттернĕ сумлă ĕçсемшĕн, пултарулăх ĕçĕнче хастарлăх тата пуçарулăх кăтартнăшăн районти Культура çурчĕн ĕçченне, Чăваш Республикин тава тивĕçлĕ культура ĕçченне, Нестер Янкас ячĕллĕ премийĕн лауреатне Николай Михайлович Никонорова «Чăваш культурипе искусствине тата литературине аталантарма тÿпе хывнăшăн» («За вклад в развитие чувашской литературы, искусства и культуры») орденĕпе чыслама йышăннă.

Нумай çул хушши тăван Трак енре халăх пултарулăхне аталантарас енĕпе тунă сумлă ĕçсемшĕн Нестер Янкас ячĕллĕ пĕрлĕх пайташне, Элли Юрьев ячĕллĕ обществăлла фонд директорне, Нестер Янкас ячĕллĕ Преми лауреатне Серафимов Владимир Серафимовича «Чăваш культурипе искусствине тата литературине аталантарма тÿпе хывнăшăн» («За вклад в развитие чувашской литературы, искусства и культуры») орденĕпе чыслама йышăннă.