Чăвашсем ĕлĕк хăйсен йăли-йĕркине тытса пынă. Кĕркунне ĕçсем вĕçленсен халăх Кĕр сăрине уявланă. Шел те, ку уява халĕ чылайăшĕ аса илмест.

Красноармейски районĕнчи Алманчри культура аталанăвĕн центрĕнче вара ăна театрализацилесе кăтартнă. Кĕр сăрине курмашкăн ваттисем те, çамрăккисем те пухăннă.

Сцена çинче культура çурчĕн, вулавăш ĕçченĕсем, «Мерчен» тата «Алманч кукамайĕсем» фольклор пĕрлешĕвĕсем тухнă.

Уява чăвашсен авалхи «Алран кайми аки-сухи» юрăпа пуçланă. Кĕр сăрине сцена çинче кăтартнă, ун хыççăн артистсем халăх патне аннă. Çапла майпа сăра тата çĕнĕ тыр-пул уявне халăх та хутшăнма пултарнă.

Тĕплĕнрех