 Ĕнер, кăрлачăн 26-мĕшĕнче, юнкун Шупашкарти К.Иванов ячĕллĕ литература музейĕнче савăнăçлă каç иртрĕ — пултаруллă сăвăç Раиса Сарпи хăйĕн юбилейне палăртрĕ. Мероприяти кăнтăрла хыççăн 14 сехетре пуçланчĕ. Малтан хăнасене ятарласа хатĕрленĕ «Чун хĕлхемĕ — халăха» куравпа паллаштарчĕç. Кунта сăвăçăн кун-çулĕпе тата унăн пултарулăхĕпе паллашма май пурччĕ.
Малалла музейĕн аялти залĕнче юбиляра тĕрлĕ тăрăхран килнĕ хăнасем 60 çул тултарнă ятпа саламларĕç. Хăнисем чылайччĕ — Патăрьел районĕнчи ачасем, çыравçăсен пĕрлешĕвĕнчен тата ыттисем пулчĕç. Савăнăçлă каçра юрă-ташă та нумай янрарĕ — юбиляра кашни чун чĕререн салам сăмахĕсене каласшăн пулчĕ.
Çыпăçтарнисем: | 
